របៀបរស់នៅជាគ្រិស្តសាសនិក
ចូរគ្រប់គ្រងលើបំណងប្រាថ្នារបស់អ្នក
ជាមនុស្សមិនល្អឥតខ្ចោះ ជារឿយៗយើងត្រូវតែខំព្យាយាមគ្រប់គ្រងបំណងប្រាថ្នារបស់យើង។ បើយើងធ្វើអ្វីតាមតែចិត្តយើង នោះយើងអាចលែងទទួលការពេញចិត្តពីព្រះយេហូវ៉ា។ ជាឧទាហរណ៍ មនុស្សខ្លះស្រឡាញ់ការហូបចុក សម្លៀកបំពាក់ និងទីលំនៅខ្លាំងជាងស្រឡាញ់ព្រះ។ អ្នកខ្លះបំពេញបំណងប្រាថ្នាខាងផ្លូវភេទតាមរបៀបមិនត្រឹមត្រូវដែលខុសពីខ្នាតតម្រារបស់ព្រះ។ (រ៉ូម ១:២៦, ២៧) រីឯខ្លះទៀតធ្វើតាមការបង្ខិតបង្ខំពីមនុស្សអាយុស្រករគ្នា ដោយសារចង់ធ្វើឲ្យគេពេញចិត្តនឹងខ្លួន។—ដច. ២៣:២
តើតាមរបៀបណាយើងអាចគ្រប់គ្រងលើបំណងប្រាថ្នារបស់យើង? យើងត្រូវខំប្រឹងអស់ពីសមត្ថភាពដើម្បីប្រមូលអារម្មណ៍ទៅលើអ្វីៗដែលព្រះយេហូវ៉ាពេញចិត្ត។ (ម៉ាថ. ៤:៤) បន្ថែមទៀត យើងត្រូវសុំជំនួយពីលោកយ៉ាងអស់ពីចិត្តដើម្បីគ្រប់គ្រងលើបំណងប្រាថ្នារបស់យើង។ ហេតុអ្វី? ដោយសារលោកដឹងអ្វីគឺល្អបំផុតសម្រាប់យើង ហើយលោកដឹងអំពីរបៀបបំពេញបំណងប្រាថ្នាដែលត្រឹមត្រូវរបស់យើង។—ចសព. ១៤៥:១៦
សូមទស្សនាវីដេអូកុំអនុញ្ញាតឲ្យបារីបំផ្លាញជីវិតអ្នក រួចឆ្លើយសំណួរដូចតទៅនេះ៖
ហេតុអ្វីមនុស្សខ្លះជក់បារី?
តើការជក់បារីអាចនាំឲ្យមានលទ្ធផលអ្វី?
ហេតុអ្វីការជក់បារីនិងការជក់ដោយប្រើឧបករណ៍ផ្សេងគឺខុស?—២កូ. ៧:១
អ្នកអាចយកឈ្នះបំណងចង់ជក់បារី!
តើតាមរបៀបណាអ្នកអាចបដិសេធការជក់បារីឬឈប់ជក់តែម្ដង?