របៀបរស់នៅជាគ្រិស្តសាសនិក
ចូរស្វែងយល់ទស្សនៈរបស់ព្រះ
យើងចង់ធ្វើឲ្យព្រះយេហូវ៉ាពេញចិត្តក្នុងគ្រប់ការទាំងអស់។ (សុភ. ២៧:១១) ដើម្បីធ្វើដូច្នេះ យើងត្រូវធ្វើការសម្រេចចិត្តដែលស្របតាមទស្សនៈរបស់លោក ទោះជាយើងគ្មានច្បាប់ ឬបង្គាប់ជាក់លាក់ណាមួយដើម្បីណែនាំយើងក្ដី។ តើអ្វីអាចជួយយើងឲ្យធ្វើដូច្នេះ?
រក្សាទម្លាប់ល្អក្នុងការសិក្សាគម្ពីរ។ រាល់ដងដែលយើងអានគម្ពីរ នេះគឺដូចជាយើងកំពុងតែចំណាយពេលជាមួយព្រះយេហូវ៉ា។ យើងអាចដឹងអំពីទស្សនៈរបស់ព្រះយេហូវ៉ាដោយរៀនពីរបៀបដែលលោកប្រព្រឹត្តចំពោះរាស្ត្ររបស់លោក និងពិនិត្យមើលគំរូរបស់បុគ្គលដែលព្រះយេហូវ៉ាចាត់ទុកថាល្អឬអាក្រក់។ ពេលដែលយើងត្រូវធ្វើការសម្រេចចិត្តណាមួយ ឫទ្ធានុភាពបរិសុទ្ធរបស់លោកនឹងជួយយើងឲ្យចងចាំមេរៀននិងគោលការណ៍សំខាន់ៗដែលយើងបានរៀនពីបណ្ដាំរបស់ព្រះ។—យ៉ូន. ១៤:២៦
ធ្វើការស្រាវជ្រាវ។ ពេលអ្នកត្រូវធ្វើការសម្រេចចិត្ត សូមសួរខ្លួនអ្នកថា ‹តើតាមរបៀបណាខគម្ពីរឬកំណត់ហេតុក្នុងគម្ពីរនេះអាចជួយខ្ញុំឲ្យយល់អំពីអារម្មណ៍របស់ព្រះយេហូវ៉ាអំពីរឿងនេះ?› សូមអធិដ្ឋានសុំជំនួយពីព្រះយេហូវ៉ា ហើយប្រើឧបករណ៍ស្រាវជ្រាវផ្សេងៗរបស់អង្គការយើងក្នុងភាសារបស់អ្នកដើម្បីជួយអ្នកឲ្យរកឃើញ និងធ្វើតាមគោលការណ៍គម្ពីរដែលទាក់ទងនឹងស្ថានភាពរបស់អ្នក។—ចសព. ២៥:៤
សូមទស្សនាវីដេអូ យើងត្រូវ«រត់ដោយស៊ូទ្រាំ» ពិសាអាហារដែលមានជីវជាតិ រួចឆ្លើយសំណួរដូចតទៅនេះ៖
តើប្អូនស្រីក្នុងវីដេអូនេះបានជួបប្រទះនឹងបញ្ហាអ្វី?
តើតាមរបៀបណាអ្នកអាចប្រើឧបករណ៍ស្រាវជ្រាវដើម្បីជួយអ្នកឲ្យប្រឈមមុខនឹងបញ្ហាដូចនេះដែរ?
តើការលៃទុកពេលដើម្បីស្រាវជ្រាវនិងសិក្សាផ្ទាល់ខ្លួន អាចជួយយើងឲ្យធ្វើការសម្រេចចិត្តល្អយ៉ាងដូចម្ដេច?—ហេ. ៥:១៣, ១៤