ចូរចាំយាម!
តើសាក្សីព្រះយេហូវ៉ាមានទស្សនៈយ៉ាងណាអំពីរបបប្រល័យពូជសាសន៍របស់ហ៊ីត្លែរ? តើគម្ពីរចែងយ៉ាងណា?
នៅថ្ងៃទី២៧ ខែមករា ឆ្នាំ២០២៣ មនុស្សជាច្រើននឹងប្រារព្ធពិធីរំលឹកខួបនៃរបបប្រល័យពូជសាសន៍របស់ហ៊ីត្លែរ។ របបដ៏សាហាវព្រៃផ្សៃនេះបានកើតឡើងជាង៧៥ឆ្នាំកន្លងមកហើយ។ នេះប្រហែលជាធ្វើឲ្យលោកអ្នកឆ្ងល់ថា ហេតុអ្វីព្រះអនុញ្ញាតឲ្យរបបប្រល័យពូជសាសន៍នេះកើតឡើងដូច្នេះ?
ដើម្បីស្វែងយល់ថែមទៀតអំពីអ្វីដែលគម្ពីរចែង សូមអានអត្ថបទដែលមានចំណងជើងថា«ហេតុអ្វីមានរបបប្រល័យពូជសាសន៍របស់ហ៊ីត្លែរ? ម្ដេចបានជាព្រះមិនបញ្ឈប់របបនេះ?»។
ជនជាតិយូដាបានរងទុក្ខយ៉ាងខ្លាំងដែលមកពីរបបប្រល័យពូជសាសន៍នេះ។ មនុស្សរាប់លាននាក់បានត្រូវគេសម្លាប់តាមរបៀបដ៏ឃោរឃៅ។ សមាជិកនៃក្រុមផ្សេងៗក៏បានត្រូវគេបៀតបៀននិងសម្លាប់នៅក្នុងរបបនេះដែរ។ ក្នុងចំណោមពួកគេក៏មានសាក្សីព្រះយេហូវ៉ាផងដែរ ដោយសារពួកគេមានជំនឿដែលមានមូលដ្ឋានលើគម្ពីរ។
ដើម្បីរៀនថែមទៀត សូមអានអត្ថបទដែលមានចំណងជើងថា«តើមានអ្វីកើតឡើងចំពោះសាក្សីព្រះយេហូវ៉ា ក្នុងអំឡុងរបបប្រល័យពូជសាសន៍របស់ហ៊ីត្លែរ?»។
«សេចក្ដីសង្ឃឹមនៅថ្ងៃអនាគត»
មនុស្សជាច្រើនភ័យខ្លាចថារបបប្រល័យពូជសាសន៍ដូចនេះអាចកើតឡើងម្ដងទៀត។ ប៉ុន្តែ គម្ពីរសន្យាថានៅថ្ងៃអនាគត រឿងដ៏ខ្លោចផ្សាដូចនេះនឹងមិនមានទៀតទេ។
«ព្រះយេហូវ៉ាប្រកាសថា៖‹ព្រោះខ្ញុំដឹងច្បាស់នូវគំនិតដែលខ្ញុំកំពុងគិតចំពោះអ្នករាល់គ្នា គឺខ្ញុំចង់ឲ្យអ្នករាល់គ្នាមានសេចក្ដីសុខសាន្ត មិនមែនសេចក្ដីវេទនាទេ ហើយចង់ឲ្យអ្នករាល់គ្នាមានសេចក្ដីសង្ឃឹមនិងអនាគតល្អប្រសើរ›»។—យេរេមា ២៩:១១a
សេចក្ដីសង្ឃឹមនេះនឹងក្លាយជាការពិត ពេលដែលព្រះយេហូវ៉ាបំផ្លាញអំពើអាក្រក់ ហើយធ្វើឲ្យអ្វីដែលខូចអាក្រក់ទៅជាល្អប្រសើរឡើងវិញ។ មិនយូរទៀតលោកនឹង . . .
បំផ្លាញអស់អ្នកដែលធ្វើបាបអ្នកឯទៀត។—សុភាសិត ២:២២
ធ្វើឲ្យអស់អ្នកដែលរងការឈឺចាប់ជាសះស្បើយ។—ការបើកបង្ហាញ ២១:៤
ប្រោសមនុស្សដែលបានស្លាប់ឲ្យរស់ឡើងវិញនៅផែនដី។—យ៉ូហាន ៥:២៨, ២៩
លោកអ្នកអាចទុកចិត្តសេចក្ដីសង្ឃឹមដ៏សម្រាលទុក្ខនេះដែលមានក្នុងគម្ពីរ។ ដើម្បីដឹងមូលហេតុដែលលោកអ្នកអាចទុកចិត្តបាន យើងសូមអញ្ជើញលោកអ្នកសាកល្បងវគ្គសិក្សាគម្ពីរដែលយើងបានរៀបចំឡើងដោយឥតគិតថ្លៃ។
a យេហូវ៉ាជានាមរបស់ព្រះ។—ចម្រៀងសរសើរព្រះ ៨៣:១៨