ហេតុអ្វីសាសនារបស់អ្នករាល់គ្នាហៅថា សាក្សីព្រះយេហូវ៉ា?
ព្រះយេហូវ៉ាជានាមរបស់ព្រះ ដូចគម្ពីរបរិសុទ្ធបញ្ជាក់។ (និក្ខមនំ ៦:៣; ទំនុកតម្កើង ៨៣:១៨) សាក្សីម្នាក់គឺជាអ្នកដែលប្រកាសប្រាប់អំពីទស្សនៈឬការពិតដែលខ្លួនជឿជាក់។
ដូច្នេះឈ្មោះរបស់យើង សាក្សីព្រះយេហូវ៉ា បញ្ជាក់ថាយើងជាក្រុមគ្រិស្តសាសនិកដែលប្រកាសប្រាប់ការពិតអំពីព្រះយេហូវ៉ា ជាព្រះដែលបានបង្កើតអ្វីៗទាំងអស់។ (ការបើកបង្ហាញ[វិវរណៈ] ៤:១១) យើងធ្វើជាសាក្សីបញ្ជាក់ការពិតដោយរបៀបរស់នៅរបស់យើង និងដោយប្រាប់អ្នកឯទៀតអំពីអ្វីដែលយើងបានរៀនពីគម្ពីរ។—អេសាយ ៤៣:១០-១២; ពេត្រុសទី១ ២:១២