តើសាក្សីព្រះយេហូវ៉ាជានិកាយសាសនាអាម៉េរិកទេ?
មន្ទីរចាត់ការរបស់យើងនៅសហរដ្ឋអាម៉េរិក។ ក៏ប៉ុន្តែយើងមិនមែនជានិកាយសាសនាអាម៉េរិកឡើយ ដោយសារមូលហេតុដូចតទៅនេះ:
មនុស្សខ្លះបកស្រាយអត្ថន័យពាក្យ«និកាយ»ថា ក្រុមមួយដែលបានបំបែកខ្លួនចេញពីសាសនាមួយផ្សេងទៀត។ សាក្សីព្រះយេហូវ៉ាមិនបានបំបែកខ្លួនចេញពីសាសនាមួយផ្សេងទៀតទេ។ ផ្ទុយទៅវិញ យើងចាត់ទុកថាយើងបានបង្កើតឡើងវិញនូវប្រភេទគ្រិស្តសាសនាដែលធ្លាប់មាននៅសតវត្សរ៍ទី១។
សាក្សីព្រះយេហូវ៉ាកំពុងបំពេញសកម្មភាពនៅជាង២៣០ប្រទេសនិងតំបន់។ ទោះជាយើងរស់នៅកន្លែងណាក៏ដោយ យើងចាត់ទុកភក្ដីភាពចំពោះព្រះយេហូវ៉ានិងលោកយេស៊ូគ្រិស្តជាអ្វីសំខាន់ចំបង មិនមែនចំពោះរដ្ឋាភិបាលសហរដ្ឋអាម៉េរិកឬរដ្ឋាភិបាលមួយផ្សេងទៀតឡើយ។—យ៉ូហាន ១៥:១៩; ១៧:១៥, ១៦
សេចក្ដីបង្រៀនរបស់យើងមានមូលដ្ឋានលើគម្ពីរ មិនមែនលើសេចក្ដីបង្រៀនរបស់អ្នកដឹកនាំសាសនាណាម្នាក់នៅសហរដ្ឋអាម៉េរិក។—ថែស្សាឡូនិចទី១ ២:១៣
យើងកាន់តាមលោកយេស៊ូគ្រិស្ត មិនមែនមនុស្សណាម្នាក់ឡើយ។—ម៉ាថាយ ២៣:៨-១០