កំណត់សម្គាល់
a អ័ដាមនិងអេវ៉ាមិនអាចទទួលប្រយោជន៍ពីតម្លៃលោះបានទេ។ គោលការណ៍ក្នុងក្រិត្យវិន័យលោកម៉ូសេអំពីឃាតករដែលសម្លាប់គេដោយចេតនាចែងថា៖ «មិនត្រូវឲ្យឯងរាល់គ្នាទទួលសំណូកអ្វី នឹងលោះជីវិតអ្នកណា ដែលមានទោសជាអ្នកសំឡាប់គេឡើយ»។ (ជនគណនា ៣៥:៣១) ច្បាស់ហើយ អ័ដាមនិងអេវ៉ាសមនឹងស្លាប់ពីព្រោះពួកគេមានចេតនាមិនស្ដាប់បង្គាប់ ទោះជាពួកគេដឹងនូវលទ្ធផលចុងក្រោយក៏ដោយ។ ពួកគេបោះបង់ចោលលទ្ធភាពទទួលបានជីវិតជារៀងរហូត។