កំណត់សម្គាល់
a រីឯទេវតាអាក្រក់ឈ្មោះសាតាំងនោះ យើងមិនដឹងថាពីដើមវាមានឈ្មោះអ្វីទេ។ ប៉ុន្តែ ឈ្មោះ«សាតាំង» ភាសាដើមមានន័យថា «អ្នកប្រឆាំង» ហើយឈ្មោះ«អារក្ស» ភាសាដើមមានន័យថា «អ្នកនិយាយបង្កាច់បង្ខូច»។ ការប្រព្រឹត្តរបស់សាតាំងមានលក្ខណៈប្រហាក់ប្រហែលនឹងទង្វើរបស់ស្តេចពីបុរាណនៅទីក្រុងទីរ៉ុស។ (អេសេគាល ២៨:១២-១៩) ដំបូង ស្តេចនោះមានលក្ខណៈល្អ តែក្រោយមកក៏បានចុះចាញ់នឹងអំណួតរបស់ខ្លួនដូចសាតាំងដែរ។