កំណត់សម្គាល់
a តម្លៃនៃការជម្រះអំពើខុសឆ្គងគឺឈាមនៃសត្វដែលផ្ដល់ជាគ្រឿងបូជា ដែលព្រះចាត់ទុកឈាមនោះជាអ្វីពិសិដ្ឋ។ (លេវីវិន័យ ១៧:១១) តើនេះបានសេចក្ដីថា ការផ្ដល់គ្រឿងបូជាជាម្សៅរបស់ជនក្រីក្រគ្មានតម្លៃឬ? មិនមែនទេ។ ព្រះយេហូវ៉ាប្រាកដជាឲ្យតម្លៃចំពោះបុគ្គលដែលមានចិត្តរាបទាប ហើយផ្ដល់គ្រឿងបូជានោះដោយស្ម័គ្រចិត្ត។ បន្ថែមទៅទៀត នៅប្រទេសអ៊ីស្រាអែល រៀងរាល់ឆ្នាំមានថ្ងៃជម្រះអំពើខុសឆ្គង ដែលនៅថ្ងៃនោះគេផ្ដល់សត្វជាគ្រឿងបូជាជូនព្រះ។ ឈាមនៃសត្វទាំងនោះ គឺសម្រាប់អំពើខុសឆ្គងរបស់ប្រជាជាតិទាំងមូល រួមទាំងជនក្រីក្រផងដែរ។—លេវីវិន័យ ១៦:២៩, ៣០