បណ្ណាល័យអ៊ីនធឺណិតរបស់ប៉មយាម

ព្រះយេហូវ៉ាគឺជា«ព្រះដែលសំដែងឲ្យយល់សេចក្ដីអាថ៌កំបាំង»

ទស្សនាវដ្ដីប៉មយាម ២០១២ | ១៥ មិថុនា
- ៤. តើអ្នកណាខ្លះជាពូជរបស់ស្ត្រី ហើយតើពូជនោះនឹងធ្វើអ្វី?
  
  ^៤ មិនយូរក្រោយពីការបះបោរនៅសួនអេដែន ព្រះយេហូវ៉ាបានសន្យាថា«ស្ត្រី»ម្នាក់នឹងបង្កើត«ពូជ»មួយ។a (សូមអាន លោកុប្បត្តិ ៣:១៥) នៅទីបំផុត ពូជនោះនឹងកិនក្បាលសត្វពស់ ពោលគឺសាថាន។ ក្រោយមក ព្រះយេហូវ៉ាបានបើកបង្ហាញថា ពូជនោះនឹងមកតាមរយៈអាប្រាហាំ នឹងជាជនជាតិអ៊ីស្រាអែល មកពីតំបន់យូឌា ហើយជាពូជពង្សរបស់ស្តេចដាវីឌ។ (លោ. ២២:១៥-១៨; ៤៩:១០; ទំនុក. ៨៩:៣, ៤; លូក. ១:៣០-៣៣) ផ្នែកសំខាន់បំផុតនៃពូជនោះគឺលោកយេស៊ូគ្រិស្ត។ (កាឡ. ៣:១៦) ផ្នែកមួយទៀតនៃពូជនោះគឺសមាជិកក្រុមជំនុំគ្រិស្តសាសនិកដែលបានត្រូវរើសតាំងដោយសកម្មពលរបស់ព្រះ។ (កាឡ. ៣:២៦-២៩) លោកយេស៊ូនិងអ្នកទាំងនេះដែលព្រះបានរើសតាំងរួមគ្នាជារាជាណាចក្ររបស់ព្រះ ហើយព្រះនឹងប្រើរាជាណាចក្រនេះដើម្បីបំផ្លាញសាថាន។—លូក. ១២:៣២; រ៉ូម ១៦:២០
  
  ៥, ៦. (ក) តើដានីយ៉ែលនិងយ៉ូហានបានប្រាប់ឲ្យស្គាល់មហាអំណាចប៉ុន្មាន? (ខ) តើក្បាលរបស់សត្វសាហាវក្នុងសៀវភៅការបើកបង្ហាញជាតំណាងអ្វី?
  
  ^៥ ទំនាយទី១នេះដែលព្រះបានទាយនៅសួនអេដែនក៏បានចែងថាសាថាននឹងបង្កើត«ពូជ»មួយដែរ។ ពូជរបស់សាថាននឹងស្អប់ឬប្រឆាំងនឹងពូជរបស់ស្ត្រី។ តើអ្នកណាជាពូជរបស់ពស់? គឺអស់អ្នកដែលស្អប់ព្រះហើយប្រឆាំងនឹងរាស្ត្ររបស់លោកដូចសាថាន។ តាំងពីសម័យបុរាណមក សាថានបានរៀបចំពូជរបស់វាឲ្យទៅជារដ្ឋាភិបាលឬរាជាណាចក្រជាច្រើន។ (លូក. ៤:៥, ៦) រដ្ឋាភិបាលខ្លះក្នុងចំណោមរដ្ឋាភិបាលទាំងនេះបានប្រឆាំងយ៉ាងចំៗនឹងរាស្ត្ររបស់ព្រះ ពោលគឺប្រឆាំងប្រជាជាតិអ៊ីស្រាអែលឬក្រុមជំនុំគ្រិស្តសាសនិកដែលព្រះបានរើសតាំង។ ហេតុអ្វីចំណុចនេះសំខាន់ម្ល៉េះ? ពីព្រោះចំណុចនេះពន្យល់អំពីមូលហេតុដែលការបើកបង្ហាញដែលដានីយ៉ែលនិងយ៉ូហានបានឃើញក្នុងគំនិត រៀបរាប់តែរដ្ឋាភិបាល៨ដែលមានអំណាចខ្លាំងក្លា។

ព្រះយេហូវ៉ាគឺជា«ព្រះដែលសំដែងឲ្យយល់សេចក្ដីអាថ៌កំបាំង»

ទស្សនាវដ្ដីប៉មយាម ២០១២ | ១៥ មិថុនា
- ៧. តើក្បាលទី១របស់សត្វសាហាវជាតំណាងអ្វី ហើយហេតុអ្វី?
  
  ^៧ ក្បាលទី១របស់សត្វសាហាវជាតំណាងអេស៊ីប ពីព្រោះអេស៊ីបគឺជាមហាអំណាចទី១ដែលស្អប់ ហើយប្រឆាំងរាស្ត្ររបស់ព្រះ។ ព្រះបានសន្យានឹងអាប្រាហាំថាពូជរបស់ស្ត្រីនឹងកើតពីក្រុមគ្រួសាររបស់គាត់។ ជនជាតិអ៊ីស្រាអែលគឺជាពូជពង្សរបស់អាប្រាហាំ។ ក្រោយមកពួកគេទៅរស់នៅស្រុកអេស៊ីប ហើយបង្កើតបានកូនចៅជាច្រើន។ ក្រោយមកជនជាតិអេស៊ីបបានជិះជាន់ជនជាតិអ៊ីស្រាអែល។ សាថានបានប៉ុនប៉ងបំផ្លាញរាស្ត្ររបស់ព្រះចោលមុនពូជនោះកើតមក។ តើតាមរបៀបណា? គឺដោយជំរុញឲ្យផារ៉ូសម្លាប់កូនក្មេងប្រុសទាំងអស់របស់ជនជាតិអ៊ីស្រាអែល។ ព្រះយេហូវ៉ាបានទប់ស្កាត់ការប៉ុនប៉ងនោះ ហើយបានរំដោះរាស្ត្ររបស់លោកពីទាសភាពនៅស្រុកអេស៊ីប។ (និក្ខ. ១:១៥-២០; ១៤:១៣) ក្រោយមកលោកបានឲ្យជនជាតិអ៊ីស្រាអែលនូវទឹកដីដែលលោកបានសន្យា។
  
  ៨. តើក្បាលទី២ជាអ្នកណា ហើយតើវាបានប៉ុនប៉ងធ្វើអ្វី?
  
  ^៨ ក្បាលទី២របស់សត្វសាហាវជាតំណាងអាសស៊ើរ។ រាជាណាចក្រដ៏ខ្លាំងក្លានេះក៏បានប៉ុនប៉ងបំផ្លាញរាស្ត្ររបស់ព្រះដែរ។ ពិតមែនតែព្រះយេហូវ៉ាបានប្រើជនជាតិអាសស៊ើរដើម្បីដាក់ទោសរាជាណាចក្រដែលមានកុលសម្ព័ន្ធ១០ ដោយសារពួកគេគោរពបូជារូបព្រះ ហើយបានបះបោរប្រឆាំងនឹងលោក ប៉ុន្តែក្រោយមកជនជាតិអាសស៊ើរបានវាយប្រហារក្រុងយេរូសាឡិម។ សាថានប្រហែលជាមានគោលបំណងបំផ្លាញចោលពូជពង្សដែលលោកយេស៊ូនឹងកើតចេញមក។ ព្រះយេហូវ៉ាមិនចង់ឲ្យក្រុងយេរូសាឡិមត្រូវបំផ្លាញចោលទេ ហេតុនេះលោកបានបំផ្លាញកងទ័ពអាសស៊ើរ ហើយបានសង្គ្រោះរាស្ត្ររបស់លោក។—២ព. ១៩:៣២-៣៥; អេ. ១០:៥, ៦, ១២-១៥

ព្រះយេហូវ៉ាគឺជា«ព្រះដែលសំដែងឲ្យយល់សេចក្ដីអាថ៌កំបាំង»

ទស្សនាវដ្ដីប៉មយាម ២០១២ | ១៥ មិថុនា
- ^១៣ ព្រះយេហូវ៉ាបានប្រើចក្រភពមេឌីនិងពើស៊ីឲ្យវាយដណ្ដើមយកបាប៊ីឡូន ហើយអនុញ្ញាតឲ្យជនជាតិអ៊ីស្រាអែលត្រឡប់ទៅស្រុកកំណើតរបស់ពួកគេវិញដូចលោកបានទាយទុក។ (២រប. ៣៦:២២, ២៣) ក៏ប៉ុន្តែ ក្រោយមកមហាអំណាចនេះហៀបនឹងបំផ្លាញរាស្ត្ររបស់ព្រះ។ សៀវភៅអេសធើរកត់ទុកនូវគម្រោងការណ៍មួយដែលរៀបចំដោយនាយករដ្ឋមន្ត្រីនៃចក្រភពពើស៊ីឈ្មោះហាម៉ាន។ គាត់បានរៀបចំផែនការដើម្បីបំផ្លាញជនជាតិយូដាទាំងអស់ដែលរស់នៅចក្រភពពើស៊ីដ៏ធំទូលាយ ហើយបានកំណត់ថ្ងៃជាក់លាក់មួយដើម្បីប្រល័យពូជសាសន៍យូដា។ ដោយសារតែព្រះយេហូវ៉ាបានធ្វើអន្តរាគមន៍ នោះរាស្ត្ររបស់លោកបានត្រូវសង្គ្រោះម្ដងទៀតពីការព្យាបាទពីពូជរបស់សាថាន។ (អេធ. ១:១-៣; ៣:៨, ៩; ៨:៣, ៩-១៤) ហេតុនេះ ជាការត្រឹមត្រូវដែលចក្រភពមេឌីនិងពើស៊ីបានត្រូវតំណាងដោយក្បាលទី៤របស់សត្វសាហាវក្នុងសៀវភៅការបើកបង្ហាញ។

ព្រះយេហូវ៉ាគឺជា«ព្រះដែលសំដែងឲ្យយល់សេចក្ដីអាថ៌កំបាំង»

ទស្សនាវដ្ដីប៉មយាម ២០១២ | ១៥ មិថុនា
- ១៦. តើស្តេចអាន់ទីយ៉ូកឹសទី៤បានធ្វើអ្វី?
  
  ^១៦ បន្ទាប់ពីច្បាំងឈ្នះចក្រភពពើស៊ី មហាអំណាចក្រិចបានគ្រប់គ្រងលើទឹកដីនៃរាស្ត្ររបស់ព្រះ។ កាលនោះជនជាតិយូដាបានតាំងលំនៅទឹកដីដែលព្រះបានសន្យា ហើយបានសង់វិហារនៅក្រុងយេរូសាឡិមឡើងវិញ។ ជនជាតិអ៊ីស្រាអែលនៅតែជារាស្ត្រដែលព្រះបានជ្រើសរើស ហើយវិហារដែលបានសង់ឡើងវិញនៅតែជាមជ្ឈមណ្ឌលនៃការគោរពប្រណិប័តន៍ពិត។ ក៏ប៉ុន្តែ នៅសតវត្សរ៍ទី២ មុនគ.ស. មហាអំណាចក្រិចដែលជាក្បាលទី៥នៃសត្វសាហាវបានវាយប្រហារលើរាស្ត្ររបស់ព្រះ។ ស្តេចអាន់ទីយ៉ូកឹសទី៤ដែលបានទទួលចំណែកមួយពីការបែងចែកទឹកដីចក្រភពក្រិចរបស់អាឡិចសង់ បានសង់ទីបូជារបស់ព្រះមិនពិតនៅវិហារក្រុងយេរូសាឡិម ហើយបានប្រកាសថាពួកអ្នកដែលកាន់សាសនាយូដាត្រូវទទួលទោសប្រហារជីវិត។ នេះជាការបង្ហាញនូវការស្អប់និងប្រឆាំងយ៉ាងខ្លាំងពីសំណាក់ពូជរបស់សាថាន! ប៉ុន្តែមិនយូរក្រោយមក មហាអំណាចមួយទៀតបានជំនួសមហាអំណាចក្រិច។ តើប្រទេសណាជាក្បាលទី៦នៃសត្វសាហាវ?

ព្រះយេហូវ៉ាគឺជា«ព្រះដែលសំដែងឲ្យយល់សេចក្ដីអាថ៌កំបាំង»

ទស្សនាវដ្ដីប៉មយាម ២០១២ | ១៥ មិថុនា
- ១៧. តើក្បាលទី៦មានតួនាទីដ៏សំខាន់អ្វីក្នុងការសម្រេចទំនាយនៅលោកុប្បត្តិ ៣:១៥?
  
  ^១៧ ចក្រភពរ៉ូមជាមហាអំណាចពេលដែលយ៉ូហានបានឃើញក្នុងគំនិតអំពីសត្វសាហាវ។ (បប. ១៧:១០) ក្បាលទី៦នេះមានតួនាទីដ៏សំខាន់ក្នុងការសម្រេចទំនាយនៅលោកុប្បត្តិ ៣:១៥។ សាថានបានប្រើអាជ្ញាធររ៉ូមឲ្យវាយប្រហារពូជរបស់ស្ត្រីដោយចឹក«កែងជើង»។ ដោយធ្វើដូច្នេះ ពូជនោះមិនអាចមានសកម្មភាពមួយរយៈពេល។ តើតាមរបៀបណា? ពួកគេបានកាត់ទោសលោកយេស៊ូដោយចោទប្រកាន់មិនពិតអំពីបទបំបះបំបោរ ហើយបានប្រហារជីវិតលោក។ (ម៉ាថ. ២៧:២៦) ប៉ុន្តែ មិនយូរប៉ុន្មានរបួសនោះបានជាសះស្បើយ ដោយសារព្រះយេហូវ៉ាបានប្រោសលោកយេស៊ូឲ្យរស់ឡើងវិញ។
  
  ១៨. (ក) តើប្រជាជាតិថ្មីមួយណាដែលព្រះយេហូវ៉ាបានជ្រើសរើស ហើយហេតុអ្វី? (ខ) តើពូជរបស់ពស់បន្តស្អប់និងប្រឆាំងពូជរបស់ស្ត្រីយ៉ាងដូចម្ដេច?
  
  ^១៨ អ្នកដឹកនាំសាសនានៃប្រទេសអ៊ីស្រាអែលបានឃុបឃិតជាមួយអាជ្ញាធររ៉ូមប្រឆាំងនឹងលោកយេស៊ូ ហើយបណ្ដាជនភាគច្រើនក៏បានបដិសេធលោកដែរ។ ហេតុនេះ ព្រះយេហូវ៉ាលែងទទួលស្គាល់ប្រជាជាតិអ៊ីស្រាអែលជារាស្ត្ររបស់លោកទៀត។ (ម៉ាថ. ២៣:៣៨; សកម្ម. ២:២២, ២៣) ក្រោយមកលោកបានជ្រើសរើសប្រជាជាតិថ្មីមួយគឺ«អ៊ីស្រាអែលនៃព្រះ»។ (កាឡ. ៣:២៦-២៩; ៦:១៦) ប្រជាជាតិនេះគឺជាក្រុមជំនុំគ្រិស្តសាសនិកដែលព្រះបានរើសតាំង ដែលមានទាំងជនជាតិយូដានិងជនជាតិដទៃផងដែរ។ (អេភ. ២:១១-១៨) ក្រោយមរណភាពនិងការប្រោសលោកយេស៊ូឲ្យរស់ឡើងវិញ ពូជរបស់ពស់បានបន្តស្អប់និងប្រឆាំងពូជរបស់ស្ត្រី។ ជាច្រើនដង អាជ្ញាធររ៉ូមបានព្យាយាមបំផ្លាញក្រុមជំនុំគ្រិស្តសាសនិកដែលព្រះបានរើសតាំងដែលជាផ្នែកនៃពូជរបស់ស្ត្រី។c

ព្រះយេហូវ៉ាគឺជា«ព្រះដែលសំដែងឲ្យយល់សេចក្ដីអាថ៌កំបាំង»

ទស្សនាវដ្ដីប៉មយាម ២០១២ | ១៥ មិថុនា
- a ស្ត្រីនេះជាតំណាងអង្គការរបស់ព្រះយេហូវ៉ាដែលមានបុគ្គលវិញ្ញាណនៅស្ថានសួគ៌ ហើយប្រៀបដូចជាភរិយារបស់លោក។—អេ. ៥៤:១; កាឡ. ៤:២៦; បប. ១២:១, ២

ព្រះយេហូវ៉ាគឺជា«ព្រះដែលសំដែងឲ្យយល់សេចក្ដីអាថ៌កំបាំង»

ទស្សនាវដ្ដីប៉មយាម ២០១២ | ១៥ មិថុនា
- c ទោះជាអាជ្ញាធររ៉ូមបានបំផ្លាញក្រុងយេរូសាឡិមនៅឆ្នាំ៧០ គ.ស. ក៏ដោយ ការវាយប្រហារនោះមិនមែនជាផ្នែកមួយនៃការសម្រេចទំនាយនៅលោកុប្បត្តិ ៣:១៥ទេ។ នៅពេលនោះប្រជាជាតិអ៊ីស្រាអែលលែងជាប្រជាជាតិដែលព្រះបានជ្រើសរើសទៀតហើយ។