-
ការពឹងព្រះយេហូវ៉ាឲ្យជួយសម្រាលទុក្ខទស្សនាវដ្ដីប៉មយាម ១៩៩៧ | ១ កុម្ភៈ
-
-
៦. (ក) តើអ្វីជាសេចក្ដីសន្យាដ៏សម្រាលទុក្ខដែលព្រះបានធ្វើក្រោយពីមនុស្សលោកបានប្រព្រឹត្តអំពើបាប? (ខ) តើឡាមេកបាននិយាយអំពីទំនាយអ្វីចំពោះការសម្រាលទុក្ខ?
៦ នៅពេលកាត់ទោសដល់មេផ្ដើមនៃការបះបោររបស់មនុស្ស ព្រះយេហូវ៉ាបានសម្ដែងថាទ្រង់ជា‹ព្រះដែលប្រទានឲ្យការសម្រាលទុក្ខ›។ (រ៉ូម ១៥:៥) ទ្រង់បានធ្វើដូច្នេះ ដោយសន្យាថានឹងបញ្ជូន«ពូជ»មួយ ដែលនៅទីបំផុត នឹងរំដោះកូនចៅរបស់អ័ដាមពីកម្មផលដ៏ហិនហោចនៃការបះបោររបស់អ័ដាម។ (លោកុប្បត្តិ ៣:១៥) ក្រោយមក ព្រះបានប្រទានឲ្យឃើញជាមុននូវការរំដោះនេះ។ ឧទាហរណ៍ ទ្រង់បានបណ្ដាលឲ្យឡាមេក ជាកូនចៅឆ្ងាយរបស់អ័ដាមតាមរយៈកូនគាត់ឈ្មោះ សេត ឲ្យទាយអំពីអ្វីដែលកូនរបស់ឡាមេកនឹងធ្វើ៖ ‹កូននេះនឹងសម្រាលទុក្ខយើងក្នុងការដែលយើងធ្វើ ហើយនឹងសេចក្ដីនឿយហត់របស់ដៃយើង ដោយព្រោះដីដែលព្រះយេហូវ៉ាបានដាក់បណ្ដាសា›។ (លោកុប្បត្តិ ៥:២៩) ស្របទៅតាមសេចក្ដីសន្យានេះ ក្មេងប្រុសនេះមានឈ្មោះជាណូអេ ដែលមានន័យថា«ការសំរាក» ឬ «ការលួងចិត្ត»។
-
-
ការពឹងព្រះយេហូវ៉ាឲ្យជួយសម្រាលទុក្ខទស្សនាវដ្ដីប៉មយាម ១៩៩៧ | ១ កុម្ភៈ
-
-
៨ ព្រះយេហូវ៉ាទ្រង់មានបំណងនឹងកំទេចចោលពិភពលោកដ៏អាក្រក់នោះ ដោយប្រើទឹកជំនន់ពេញលោក ប៉ុន្តែមុនដំបូង ទ្រង់បានបង្គាប់ឲ្យលោកណូអេសង់ទូកធំមួយដើម្បីសង្គ្រោះជីវិត។ ហេតុនេះហើយបានជាមនុស្សជាតិនិងពូជសត្វទាំងឡាយបានសង្គ្រោះនោះ។ លោកណូអេនិងគ្រួសារនឹងច្បាស់ជាមានចិត្តធូរស្រាលយ៉ាងណាទៅហ្ន៎ កាលដែលគេចេញពីទូកធំនោះ មកឃើញផែនដីស្អាតនេះ! ជាការគួរឲ្យសម្រាលទុក្ខណាស់ ដោយឃើញដីដែលត្រូវបណ្ដាសាបានដកចេញ ហើយមានការស្រួលធ្វើកសិកម្ម! ប្រាកដហើយ ទំនាយរបស់ឡាមេកបានសម្រេចមែន ហើយលោកណូអេបានបំពេញតាមន័យនៃឈ្មោះរបស់គាត់មែន។ (លោកុប្បត្តិ ៨:២១) ជាអ្នកបំរើស្មោះត្រង់នៃព្រះ លោកណូអេជាអ្នកនាំមុខនៃការផ្ដល់«ការសម្រាលទុក្ខ»ដល់មនុស្សលោក។ ប៉ុន្តែ ឥទ្ធិពលដ៏អាក្រក់របស់សាតាំងនិងពួកទេវតាបិសាចរបស់វា មិនបានវិនាសសូន្យទៅក្នុងទឹកជំនន់នោះទេ ហើយមនុស្សលោកនៅតែមានការថ្ងូរក្រោមបន្ទុកនៃអំពើបាបនិងសេចក្ដីស្លាប់ដដែល។
-