បណ្ណាល័យអ៊ីនធឺណិតរបស់ប៉មយាម

អ្នករាល់គ្នាបានត្រូវញែកចេញជាបរិសុទ្ធ

ទស្សនាវដ្ដីប៉មយាម ២០១៣ | ១៥ សីហា
- ៥, ៦. តើអេលីយ៉ាស៊ីបនិងថូប៊ីយ៉ាជានរណា ហើយហេតុអ្វីអេលីយ៉ាស៊ីបប្រហែលជាបានសេពគប់ជាមួយថូប៊ីយ៉ា?
  
  ^៥ សូមអាន នេហេមា ១៣:៤-៩។ មនុស្សនៅជុំវិញខ្លួនយើងមានឥទ្ធិពលដែលអាចធ្វើឲ្យយើងស្មោកគ្រោក ដូច្នេះយើងពិបាករក្សាខ្លួនឲ្យនៅបរិសុទ្ធ។ សូមពិចារណាអំពីគំរូរបស់អេលីយ៉ាស៊ីបនិងថូប៊ីយ៉ា។ អេលីយ៉ាស៊ីបគឺជាសម្ដេចសង្ឃ ហើយថូប៊ីយ៉ាជាជនជាតិអាំម៉ូន ហើយទំនងជាមន្ត្រីថ្នាក់ទាបនៅក្នុងរដ្ឋបាលរបស់ជនជាតិពើស៊ីដែលគ្រប់គ្រងនៅតំបន់យូឌា។ ថូប៊ីយ៉ានិងមិត្តភក្ដិរបស់គាត់បានប្រឆាំងនឹងនេហេមា ដែលខំប្រឹងសង់កំពែងក្រុងយេរូសាឡិមឡើងវិញ។ (នេហ. ២:១០) ជនជាតិអាំម៉ូនបានត្រូវហាមមិនឲ្យចូលទៅក្នុងបរិវេណវិហារ។ (ចោ. ២៣:៣) ដូច្នេះ ហេតុអ្វីសម្ដេចសង្ឃផ្ដល់កន្លែងមួយនៅបន្ទប់បរិភោគអាហារក្នុងវិហារឲ្យបុរសដូចថូប៊ីយ៉ា?
  
  ^៦ ថូប៊ីយ៉ាបានក្លាយជាមិត្តភក្ដិជិតស្និទ្ធម្នាក់របស់អេលីយ៉ាស៊ីប។ ថូប៊ីយ៉ានិងកូនប្រុសរបស់គាត់បានរៀបការជាមួយស្ត្រីជនជាតិយូដា ហើយជនជាតិយូដាជាច្រើននាក់សរសើរថូប៊ីយ៉ា។ (នេហ. ៦:១៧-១៩) ចៅម្នាក់របស់អេលីយ៉ាស៊ីបបានរៀបការជាមួយកូនស្រីរបស់សានបាឡាត ដែលជាចៅហ្វាយខេត្តសាម៉ារីនិងជាមិត្តភក្ដិម្នាក់ក្នុងចំណោមមិត្តភក្ដិជិតស្និទ្ធបំផុតរបស់ថូប៊ីយ៉ា។ (នេហ. ១៣:២៨) ដោយសារអ្នកមិនជឿនិងអ្នកប្រឆាំងនេះមានទំនាក់ទំនងយ៉ាងជិតស្និទ្ធជាមួយគាត់ នេះជាមូលហេតុដែលសម្ដេចសង្ឃអេលីយ៉ាស៊ីបបានឲ្យបុគ្គលបែបនេះមានឥទ្ធិពលលើគាត់។ ប៉ុន្តែនេហេមាបានបង្ហាញភក្ដីភាពចំពោះព្រះយេហូវ៉ា ដោយបោះចោលគ្រឿងសង្ហារិមទាំងអស់របស់ថូប៊ីយ៉ាទៅក្រៅបន្ទប់បរិភោគអាហារ។

អ្នករាល់គ្នាបានត្រូវញែកចេញជាបរិសុទ្ធ

ទស្សនាវដ្ដីប៉មយាម ២០១៣ | ១៥ សីហា
- ៨. តើអ្នកបម្រើទាំងអស់របស់ព្រះយេហូវ៉ាដែលបានប្រគល់ខ្លួនជូនលោក គួរចាំអ្វីស្តីអំពីការសេពគប់?
  
  ^៨ យើងគួរចាំថា«ការសេពគប់អាក្រក់បង្ខូចការប្រព្រឹត្តល្អ»។ (១កូ. ១៥:៣៣) សាច់ញាតិខ្លះរបស់យើងប្រហែលជាអាចមានឥទ្ធិពលមិនល្អលើជីវិតរបស់យើង។ អេលីយ៉ាស៊ីបបានធ្វើជាគំរូល្អសម្រាប់បណ្ដាជនអ៊ីស្រាអែលដោយបានគាំទ្រនេហេមាយ៉ាងអស់ពីចិត្ត ក្នុងការសង់កំពែងក្រុងយេរូសាឡិមឡើងវិញ។ (នេហ. ៣:១) ប៉ុន្តែក្រោយមក ឥទ្ធិពលអាក្រក់របស់ថូប៊ីយ៉ានិងអ្នកឯទៀត ទំនងជាបានបណ្ដាលឲ្យអេលីយ៉ាស៊ីបធ្វើអ្វីដែលនាំឲ្យគាត់ទៅជាមិនបរិសុទ្ធចំពោះព្រះយេហូវ៉ា។ មិត្តភក្ដិល្អលើកទឹកចិត្តយើងឲ្យធ្វើកិច្ចការដែលមានប្រយោជន៍ជាគ្រិស្តសាសនិក ដូចជាការអានគម្ពីរ ចូលរួមកិច្ចប្រជុំ និងទៅផ្សព្វផ្សាយ។ យើងស្រឡាញ់ ហើយឲ្យតម្លៃចំពោះសមាជិកក្រុមគ្រួសារដែលបានជំរុញយើងឲ្យប្រព្រឹត្តត្រឹមត្រូវ ជាងសមាជិកឯទៀត។