-
ជួយឲ្យផុតពីគ្រោះថ្នាក់!ទស្សនាវដ្ដីប៉មយាម ២០០៨ | ១ មេសា
-
-
យើងភាគច្រើនមិនដែលផ្សងគ្រោះថ្នាក់ដល់ជីវិត ដូចអ្នកជីកដីរកធ្យូងថ្មទាំង៩នាក់នោះទេ។ យ៉ាងណាក៏ដោយ យើងរាល់គ្នាត្រូវការជំនួយ ពីព្រោះយើងមិនអាចគេចផុតពីជំងឺតម្កាត់ ជរាភាពនិងសេចក្ដីស្លាប់បានឡើយ។ លោកយ៉ូបជាអ្នកថ្វាយបង្គំព្រះនៅសម័យបុរាណ គាត់មានប្រសាសន៍ថា៖ «មនុស្សដែលកើតពីស្រីមក សុទ្ធតែមានអាយុខ្លីទាំងអស់ ហើយក៏មានសេចក្ដីលំបាកជានិច្ចផង។ គេចេញមកដូចជាផ្កា រួចត្រូវកាត់ដាច់ទៅ គេរួញថយបាត់ទៅ ដូចជាស្រមោល ឥតនៅស្ថិតស្ថេរឡើយ»។ (យ៉ូប ១៤:១, ២) នៅសព្វថ្ងៃនេះ ប្រមាណ៣.៥០០ឆ្នាំក្រោយសម័យយ៉ូប ស្ថានភាពនៅតែដដែល ពីព្រោះគ្មាននរណាអាចជៀសស្លាប់បានឡើយ មែនទេ? មិនថាយើងរស់នៅប្រទេសណា និងថែរក្សាសុខភាពឲ្យបានល្អប៉ុណ្ណាក៏ដោយ យើងត្រូវការជំនួយដើម្បីគេចផុតពីទុក្ខលំបាក ជរាភាពនិងសេចក្ដីស្លាប់។
-
-
ជួយឲ្យផុតពីគ្រោះថ្នាក់!ទស្សនាវដ្ដីប៉មយាម ២០០៨ | ១ មេសា
-
-
មិនថាយើងឯកភាពឬមិនឯកភាពនឹងទស្សនៈរបស់លោកយ៉ូបស្តីអំពីជីវិតនិងសេចក្ដីស្លាប់ក៏ដោយ យើងជៀសមិនរួចទេ ពីការ«រួញថយ»នៃជីវិត ដែល«បាត់ទៅដូចជាស្រមោល»។ តាមពិត ពេលស្លាប់ យើងមិនគ្រាន់តែបាត់បង់ជីវិតប៉ុណ្ណោះ តែក៏លាចេញពីញាតិមិត្ត ក្រុមគ្រួសាររបស់ខ្លួន និងអ្វីៗទាំងអស់ដែលយើងបានសម្រេចក្នុងជីវិត។ ស្តេចសាឡូម៉ូនជាអ្នកប្រាជ្ញម្នាក់នៅប្រទេសអ៊ីស្រាអែលសម័យបុរាណ ដែលមានប្រសាសន៍ថា៖ «មនុស្សដែលរស់ គេដឹងថាខ្លួននឹងស្លាប់ជាមិនខាន តែមនុស្សស្លាប់ឥតដឹងអ្វីឡើយ គេក៏គ្មានរង្វាន់អ្វីទៀតដែរ ពីព្រោះសេចក្ដីនឹកចាំពីគេបានសូន្យបាត់ហើយ»។—សាស្ដា ៩:៥
-