-
តើអ្នកពិតជាអាច«ចូលទៅជិតព្រះ»បានទេ?ចូរចូលទៅជិតព្រះយេហូវ៉ា
-
-
៣. តើព្រះយេហូវ៉ាអញ្ជើញឲ្យយើងធ្វើអ្វី? តើមានសេចក្ដីសន្យាអ្វីជាប់ជាមួយនឹងការអញ្ជើញនេះ?
៣ ព្រះយេហូវ៉ាអញ្ជើញយើងឲ្យចូលទៅជិតទ្រង់។ ទ្រង់ប្រុងប្រៀបចងមិត្តភាពជាមួយនឹងយើងជានិច្ច។ ទន្ទឹមគ្នានឹងនេះទ្រង់សន្យាថា ទ្រង់នឹងចូលមកជិតយើងដែរ បើយើងព្យាយាមដើម្បីចូលទៅជិតទ្រង់នោះ។ យ៉ាងនេះ យើងនឹងមានទំនាក់ទំនាក់មួយដ៏វិសេសវិសាលមែន គឺមាន«មេត្រី»ជាមួយព្រះយេហូវ៉ា។a (ទំនុកដំកើង ២៥:១៤) ក្នុងភាសាដើមពាក្យ«មេត្រី»រួមបញ្ចូលអត្ថន័យថាការប្រាប់អាថ៌កំបាំងរបស់ខ្លួនដល់មិត្តសំឡាញ់ដ៏ស្និទ្ធស្នាលបំផុត។
៤. តើអ្នកនឹងពណ៌នាយ៉ាងណាអំពីមិត្តជិតស្និទ្ធ? ហើយចំពោះអ្នកដែលចូលទៅជិតព្រះយេហូវ៉ា តើទ្រង់ជាមិត្តជិតស្និទ្ធបែបណា?
៤ តើអ្នកមានមិត្តជិតស្និទ្ធម្នាក់ដែលអ្នកអាចប្រាប់នូវរឿងអាថ៌កំបាំងរបស់ខ្លួនឬទេ? មិត្តម្នាក់បែបនេះជាមិត្តដែលស្រឡាញ់រាប់អានអ្នកពិត។ អ្នកក៏ទុកចិត្តមិត្តនេះ ដ្បិតគាត់ស្មោះត្រង់នឹងអ្នកជានិច្ច។ អំណររបស់អ្នកមានកាន់តែទ្វេឡើងពេលអ្នកនៅជាមួយមិត្តរបស់អ្នក។ ពេលអ្នកលំបាកចិត្ត មិត្តអ្នកតែងតែអាណិតអ្នក ប្រុងស្ដាប់អ្នកយ៉ាងយកចិត្តទុកដាក់ ព្រមទាំងជួយរំលែកទុក្ខអ្នកទៀតផង។ សូម្បីតែពេលគ្មានអ្នកឯទៀតយល់ចិត្តអ្នកក៏ដោយ មិត្តរបស់អ្នកយល់ចិត្តអ្នកច្បាស់ណាស់។ ស្រដៀងគ្នាដែរ ពេលអ្នកចូលទៅជិតព្រះ ព្រះយេហូវ៉ានឹងក្លាយជាមិត្តសំឡាញ់ដ៏ពិសេសមួយដែលស្រឡាញ់រាប់អានអ្នកយ៉ាងស្មោះ ទ្រង់យកព្រះទ័យទុកដាក់នឹងអ្នកជាទីបំផុត និងយល់ចិត្តអ្នកទាំងស្រុង។ (ទំនុកដំកើង ១០៣:១៤; ពេត្រុសទី១ ៥:៧) អ្នកអាចទូលប្រាប់ទ្រង់នូវអារម្មណ៍លាក់កំបាំងដែលមានក្នុងចិត្តរបស់អ្នក ដ្បិតទ្រង់គឺស្មោះត្រង់នឹងអស់អ្នកណាដែលស្មោះត្រង់នឹងទ្រង់នោះ។ (ទំនុកដំកើង ១៨:២៥) ប៉ុន្តែ យើងអាចមានភាពស្និទ្ធស្នាលដ៏ពិសេសនេះជាមួយព្រះបាន ដោយសារតែព្រះយេហូវ៉ាបានបង្កើតនូវមាគ៌ាមួយជាមុនរួចស្រេចទៅហើយ។
-
-
តើអ្នកពិតជាអាច«ចូលទៅជិតព្រះ»បានទេ?ចូរចូលទៅជិតព្រះយេហូវ៉ា
-
-
a គួរឲ្យចាប់អារម្មណ៍ណាស់ថា ពាក្យហេព្រើរដែលត្រូវបកប្រែថា «មេត្រី»ក៏ប្រើនៅអេម៉ុស ៣:៧។ ខនោះចែងថាព្រះអម្ចាស់មហាក្សត្រព្រះយេហូវ៉ាសម្ដែងនូវ«គំនិតលាក់កំបាំង»របស់ទ្រង់ឲ្យអ្នកបំរើរបស់ទ្រង់ដឹងទុកជាមុននូវអ្វីៗដែលជាគោលបំណងរបស់ទ្រង់។
-