-
តើព្រះពិតជានរណា?សប្បាយនឹងជីវិតដែលគ្មានទីបញ្ចប់! អញ្ជើញទទួលប្រយោជន៍ពីការរៀនគម្ពីរ
-
-
១. តើព្រះពិតមានឈ្មោះអ្វី? ហើយតើយើងអាចប្រាកដយ៉ាងណាថាលោកចង់ឲ្យយើងស្គាល់ឈ្មោះរបស់លោក?
នៅក្នុងគម្ពីរ ព្រះណែនាំខ្លួនលោកឲ្យយើងស្គាល់ ដោយមានប្រសាសន៍ថា៖ «ខ្ញុំជាយេហូវ៉ា នេះហើយជានាមរបស់ខ្ញុំ»។ (សូមអាន អេសាយ ៤២:៥, ៨) «យេហូវ៉ា»ជានាមឬឈ្មោះដែលបានត្រូវបកប្រែជាភាសាហេប្រឺ តាមមើលទៅមានន័យថា«លោកធ្វើឲ្យក្លាយជា»ឬ«លោកធ្វើឲ្យកើតមក»។ ព្រះយេហូវ៉ាចង់ឲ្យយើងស្គាល់ឈ្មោះរបស់លោក។ (ដំណើរចាកចេញ ៣:១៥) ហេតុអ្វីយើងដឹង? ដោយសារនៅក្នុងគម្ពីរមានឈ្មោះរបស់លោកជាង៧.០០០ដង!a យេហូវ៉ាជាឈ្មោះរបស់«ព្រះពិត»នៃសកលលោកទាំងមូល។—ការបំភ្លឺច្បាប់ ៤:៣៩
-
-
តើយើងត្រូវធ្វើយ៉ាងណាដើម្បីឲ្យព្រះពេញចិត្តចំពោះគោរពប្រណិប័តន៍របស់យើង?សប្បាយនឹងជីវិតដែលគ្មានទីបញ្ចប់! អញ្ជើញទទួលប្រយោជន៍ពីការរៀនគម្ពីរ
-
-
២. តើយើងគួរគោរពប្រណិប័តន៍ព្រះយេហូវ៉ាតាមរបៀបណា?
ក្នុងនាមព្រះយេហូវ៉ាជាអ្នកបង្កើតយើង លោកសមនឹងទទួលភក្ដីភាពផ្ដាច់មុខពីយើង។ (ការបើកបង្ហាញ ៤:១១) នេះមានន័យថាយើងត្រូវស្រឡាញ់លោកនិងគោរពប្រណិប័តន៍តែលោកប៉ុណ្ណោះ ហើយយើងមិនត្រូវប្រើរូបចម្លាក់ រូបសំណាក ឬនិមិត្តរូបណាមួយ ដើម្បីគោរពប្រណិប័តន៍លោកឡើយ។—សូមអាន អេសាយ ៤២:៨
ការគោរពប្រណិប័តន៍របស់យើងត្រូវតែ«បរិសុទ្ធ ហើយគាប់ចិត្ត»ព្រះយេហូវ៉ា។ (រ៉ូម ១២:១) នេះមានន័យថាយើងត្រូវមានរបៀបរស់នៅស្របតាមខ្នាតតម្រាសីលធម៌របស់លោក។ ជាឧទាហរណ៍ អស់អ្នកដែលស្រឡាញ់ព្រះយេហូវ៉ា ក៏ស្រឡាញ់និងធ្វើតាមខ្នាតតម្រារបស់លោកសម្រាប់អាពាហ៍ពិពាហ៍ដែរ។ ម្យ៉ាងទៀត ពួកគេជៀសវាងពីការប្រព្រឹត្តដែលនាំឲ្យមានគ្រោះថ្នាក់ដល់ជីវិតដូចជា ការជក់បារី ការទំពាស្លាម្លូ ការប្រើថ្នាំជក់ ការប្រើគ្រឿងញៀន ឬការផឹកស្រាហួសប្រមាណជាដើម។a
-