-
អ្នកអាចធ្វើជាមិត្តសម្លាញ់របស់ព្រះយេហូវ៉ាសប្បាយនឹងជីវិតដែលគ្មានទីបញ្ចប់! អញ្ជើញទទួលប្រយោជន៍ពីការរៀនគម្ពីរ
-
-
៥. តើព្រះយេហូវ៉ាសុំមិត្តសម្លាញ់របស់លោកឲ្យធ្វើអ្វីខ្លះ?
ជាធម្មតា យើងរំពឹងថាមិត្តរបស់យើងនឹងធ្វើអ្វីមួយចំនួន។
តើអ្នកចូលចិត្តឲ្យមិត្តរបស់អ្នកធ្វើអ្វីខ្លះ?
សូមអាន យ៉ូហានទី១ ៥:៣ រួចពិភាក្សាសំណួរនេះ៖
តើព្រះយេហូវ៉ាចង់ឲ្យមិត្តរបស់លោកធ្វើអ្វី?
ដើម្បីធ្វើតាមបង្គាប់ព្រះយេហូវ៉ា យើងប្រហែលជាត្រូវផ្លាស់ប្ដូរការប្រព្រឹត្តឬបុគ្គលិកលក្ខណៈខ្លះរបស់យើង។ សូមអាន អេសាយ ៤៨:១៧, ១៨ រួចពិភាក្សាសំណួរនេះ៖
ហេតុអ្វីព្រះយេហូវ៉ាសុំមិត្តរបស់លោកឲ្យធ្វើតាមបង្គាប់របស់លោក?
មិត្តល្អតែងរំលឹកយើងឲ្យធ្វើអ្វីដែលអាចការពារយើង និងនាំឲ្យយើងទទួលប្រយោជន៍។ ព្រះយេហូវ៉ាក៏ធ្វើដូចគ្នាចំពោះមិត្តរបស់លោកដែរ
-
-
តើយើងអាចធ្វើអ្វីខ្លះដើម្បីបង្ហាញថាយើងស្រឡាញ់ព្រះយេហូវ៉ា?សប្បាយនឹងជីវិតដែលគ្មានទីបញ្ចប់! អញ្ជើញទទួលប្រយោជន៍ពីការរៀនគម្ពីរ
-
-
មេរៀនទី៣៤
តើយើងអាចធ្វើអ្វីខ្លះដើម្បីបង្ហាញថាយើងស្រឡាញ់ព្រះយេហូវ៉ា?
តើអ្នកស្រឡាញ់ព្រះយេហូវ៉ាខ្លាំងជាងពេលដែលអ្នកទើបចាប់ផ្ដើមរៀនគម្ពីរឬទេ? តើអ្នកចង់បន្តពង្រឹងចំណងមិត្តភាពជាមួយនឹងលោកទេ? បើដូច្នោះមែន សូមចាំថាពេលព្រះយេហូវ៉ាឃើញអ្នកស្រឡាញ់លោកកាន់តែខ្លាំង នោះលោកនឹងស្រឡាញ់ហើយយកចិត្តទុកដាក់ចំពោះអ្នកកាន់តែខ្លាំងដែរ។ តើអ្នកអាចធ្វើអ្វីខ្លះដើម្បីបង្ហាញថាអ្នកស្រឡាញ់លោក?
១. តើយើងអាចធ្វើអ្វីខ្លះដើម្បីបង្ហាញថាយើងស្រឡាញ់ព្រះយេហូវ៉ា?
យើងបង្ហាញថាយើងស្រឡាញ់ព្រះយេហូវ៉ា ដោយស្ដាប់បង្គាប់លោក។ (សូមអាន យ៉ូហានទី១ ៥:៣) លោកមិនបង្ខំអ្នកណាម្នាក់ឲ្យស្ដាប់បង្គាប់លោកទេ។ ផ្ទុយទៅវិញ លោកផ្ដល់ឱកាសឲ្យយើងម្នាក់ៗសម្រេចចិត្តថា យើងនឹងស្ដាប់បង្គាប់លោកឬយ៉ាងណា។ ហេតុអ្វីព្រះយេហូវ៉ាផ្ដល់ឱកាសឲ្យយើង? ពីព្រោះលោកចង់ឲ្យយើង«ស្ដាប់បង្គាប់យ៉ាងស្មោះអស់ពីចិត្ត»។ (រ៉ូម ៦:១៧) នេះមានន័យថា លោកចង់ឲ្យអ្នកស្ដាប់បង្គាប់លោក ដោយសារអ្នកស្រឡាញ់លោក មិនមែនដោយសារអ្នកត្រូវតែស្ដាប់លោកទេ។ ផ្នែកទី៣និងទី៤ក្នុងសៀវភៅនេះបានត្រូវរៀបចំឡើង ដើម្បីជួយអ្នកឲ្យបង្ហាញថាអ្នកស្រឡាញ់ព្រះយេហូវ៉ា ដោយធ្វើអ្វីដែលលោកពេញចិត្ត និងជៀសវាងពីអ្វីដែលលោកមិនពេញចិត្ត។
២. ហេតុអ្វីប្រហែលជាយើងពិបាកបង្ហាញថាយើងស្រឡាញ់ព្រះយេហូវ៉ា?
គម្ពីរចែងថា៖ «មនុស្សសុចរិតជួបទុក្ខលំបាកជាច្រើន»។ (ចម្រៀងសរសើរព្រះ ៣៤:១៩) ជាឧទាហរណ៍ យើងទាំងអស់គ្នាមានភាពមិនល្អឥតខ្ចោះ។ យើងក៏ប្រហែលជាប្រឈមមុខនឹងបញ្ហាសេដ្ឋកិច្ច ភាពអយុត្តិធម៌ និងការពិបាកផ្សេងៗដែរ។ ពេលយើងជួបទុក្ខលំបាក យើងប្រហែលជាមិនស្រួលស្ដាប់បង្គាប់ព្រះយេហូវ៉ាទេ។ ជួនកាល ការធ្វើអ្វីដែលលោកមិនពេញចិត្តគឺស្រួលជាង។ ប៉ុន្តែ ពេលអ្នកធ្វើតាមបង្គាប់របស់ព្រះយេហូវ៉ាយ៉ាងស្មោះត្រង់ នោះបង្ហាញថាអ្នកស្រឡាញ់លោកខ្លាំងជាងអ្វីឯទៀតទាំងអស់ ហើយក៏បង្ហាញថាអ្នកមានភក្ដីភាពចំពោះលោកដែរ។ ជាលទ្ធផល លោកនឹងបង្ហាញភក្ដីភាពចំពោះអ្នកវិញ។ លោកនឹងមិនបោះបង់ចោលអ្នកទេ។—សូមអាន ចម្រៀងសរសើរព្រះ ៤:៣
បង្កើនចំណេះ
សូមពិចារណាអំពីមូលហេតុដែលការស្ដាប់បង្គាប់របស់អ្នកធ្វើឲ្យព្រះយេហូវ៉ាសប្បាយចិត្ត និងអំពីអ្វីដែលអាចជួយអ្នកឲ្យបន្ដស្មោះត្រង់ចំពោះលោក។
៣. ការចោទប្រកាន់មួយដែលជាប់ទាក់ទងនឹងអ្នក
ក្នុងគម្ពីរនៅសៀវភៅយ៉ូប សាថានបានធ្វើការចោទប្រកាន់មួយ។ វាមិនគ្រាន់តែចោទប្រកាន់យ៉ូបប៉ុណ្ណោះទេ តែវាក៏ចោទប្រកាន់មនុស្សទាំងអស់ដែលចង់បម្រើព្រះយេហូវ៉ាដែរ។ សូមអាន យ៉ូប ១:១, ៦–២:១០ រួចពិភាក្សាសំណួរដូចតទៅ៖
តើសាថានបានអះអាងថាយ៉ូបស្ដាប់បង្គាប់ព្រះយេហូវ៉ាដោយសារអ្វី? (សូមមើល យ៉ូប ១:៩-១១)
តើសាថាននិយាយយ៉ាងណាអំពីមនុស្សទាំងអស់ រួមទាំងអ្នកដែរ? (សូមមើល យ៉ូប ២:៤)
សូមអាន យ៉ូប ២៧:៥ខ រួចពិភាក្សាសំណួរនេះ៖
តើយ៉ូបបានបញ្ជាក់យ៉ាងណាថាគាត់ពិតជាស្រឡាញ់ព្រះយេហូវ៉ា?
យ៉ូបបង្ហាញថាគាត់ស្រឡាញ់ព្រះយេហូវ៉ា ដោយរក្សាភក្ដីភាពចំពោះលោក
យើងបង្ហាញថាយើងស្រឡាញ់ព្រះយេហូវ៉ា ដោយរក្សាភក្ដីភាពចំពោះលោក
៤. ចូរធ្វើឲ្យព្រះយេហូវ៉ាត្រេកអរ
សូមអាន សុភាសិត ២៧:១១ រួចពិភាក្សាសំណួរដូចតទៅ៖
ពេលអ្នកបង្ហាញថាអ្នកមានប្រាជ្ញាដោយស្ដាប់បង្គាប់ព្រះយេហូវ៉ា តើលោកមានអារម្មណ៍យ៉ាងណា? ហេតុអ្វី?
៥. អ្នកអាចបង្ហាញភក្ដីភាពចំពោះព្រះយេហូវ៉ា
សេចក្ដីស្រឡាញ់ដែលយើងមានចំពោះព្រះយេហូវ៉ាជំរុញចិត្តយើងឲ្យប្រាប់អ្នកឯទៀតអំពីលោក។ ភក្ដីភាពដែលយើងមានចំពោះលោកជំរុញចិត្តយើងឲ្យធ្វើដូច្នេះ ទោះជាមិនងាយស្រួលក៏ដោយ។ លេងវីដេអូ រួចពិភាក្សាសំណួរដូចតទៅ៖
តើអ្នកធ្លាប់គិតថាអ្នកពិបាកប្រាប់មនុស្សឯទៀតអំពីព្រះយេហូវ៉ាឬទេ?
ក្នុងវីដេអូ តើអ្វីបានជួយគ្រេសិនឲ្យយកឈ្នះការភ័យខ្លាច?
បើយើងស្រឡាញ់អ្វីដែលព្រះយេហូវ៉ាស្រឡាញ់ ហើយស្អប់អ្វីដែលលោកស្អប់ នោះងាយស្រួលជាងឲ្យយើងបង្ហាញភក្ដីភាពចំពោះលោក។ សូមអាន ចម្រៀងសរសើរព្រះ ៩៧:១០ រួចពិភាក្សាសំណួរដូចតទៅ៖
យោងតាមអ្វីដែលអ្នកបានរៀន តើព្រះយេហូវ៉ាស្រឡាញ់អ្វីខ្លះ? តើលោកស្អប់អ្វីខ្លះ?
តើតាមរបៀបណាអ្នកអាចរៀនស្រឡាញ់អ្វីដែលល្អ ហើយស្អប់អ្វីដែលអាក្រក់?
៦. ពេលយើងស្ដាប់បង្គាប់ព្រះយេហូវ៉ា យើងទទួលប្រយោជន៍
ការស្ដាប់បង្គាប់ព្រះយេហូវ៉ាគឺតែងតែជាអ្វីដែលល្អបំផុត។ សូមអាន អេសាយ ៤៨:១៧, ១៨ រួចពិភាក្សាសំណួរដូចតទៅ៖
តាមទស្សនៈរបស់អ្នក តើយើងអាចទុកចិត្តថាព្រះយេហូវ៉ាតែងតែដឹងច្បាស់នូវអ្វីដែលល្អបំផុតសម្រាប់យើងឬទេ? ហេតុអ្វី?
រហូតមកដល់ពេលនេះ តើអ្នកបានទទួលប្រយោជន៍អ្វីខ្លះពីការរៀនអំពីគម្ពីរនិងអំពីព្រះយេហូវ៉ាដែលជាព្រះពិត?
មនុស្សខ្លះនិយាយថា៖ «អ្វីដែលខ្ញុំធ្វើមិនសំខាន់ចំពោះព្រះទេ»។
តើអ្នកអាចប្រើបទគម្ពីរមួយណា ដើម្បីបង្ហាញថាការប្រព្រឹត្តរបស់យើងប៉ះពាល់អារម្មណ៍របស់ព្រះយេហូវ៉ា?
សេចក្ដីសង្ខេប
អ្នកអាចបង្ហាញថាអ្នកស្រឡាញ់ព្រះយេហូវ៉ាដោយស្ដាប់បង្គាប់លោក និងដោយរក្សាភក្ដីភាពចំពោះលោក ទោះជាមានការពិបាកក៏ដោយ។
រៀនសាឡើងវិញ
តើអ្នកបានទាញមេរៀនអ្វីពីគំរូរបស់យ៉ូប?
តើអ្នកនឹងធ្វើអ្វីខ្លះដើម្បីបញ្ជាក់ថាអ្នកស្រឡាញ់ព្រះយេហូវ៉ា?
តើអ្វីនឹងជួយអ្នកឲ្យរក្សាភក្ដីភាពចំពោះព្រះយេហូវ៉ា?
ស្វែងយល់ថែមទៀត
សូមពិចារណាអំពីរបៀបដែលអ្នកអាចរក្សាភក្ដីភាពចំពោះព្រះយេហូវ៉ានិងចំពោះក្រុមជំនុំ។
«លោកបង្ហាញភក្ដីភាពចំពោះអ្នកដែលមានភក្ដីភាព» (១៦:៤៩)
សូមរៀនថែមទៀតអំពីអ្វីដែលសាថានបានចោទប្រកាន់មនុស្ស។
«យ៉ូបរក្សាចិត្តស្មោះគ្រប់លក្ខណៈ» (គម្ពីរបរិសុទ្ធ តើរៀបរាប់អំពីអ្វី? ភាគទី៦)
សូមពិចារណាអំពីរបៀបដែលកូនក្មេងអាចបង្ហាញសេចក្ដីស្រឡាញ់ចំពោះព្រះយេហូវ៉ា។
តើមនុស្សវ័យក្មេងដែលប្រឈមមុខការបង្ខំពីមនុស្សស្រករគ្នា អាចរក្សាភក្ដីភាពចំពោះព្រះយ៉ាងដូចម្ដេច?
-