-
ការសិក្សាដើម្បីស្វែងរកសេចក្ដីរីករាយក្នុងការកោតខ្លាចព្រះយេហូវ៉ាទស្សនាវដ្ដីប៉មយាម ១៩៩៥ | ១ មិថុនា
-
-
១៤, ១៥. (ក) នៅពេលទាយប្រាប់អំពីការយកពួកអ៊ីស្រាអែលពីការឃុំឃាំងពីស្រុកបាប៊ីឡូនវិញនោះ តើព្រះយេហូវ៉ាបានសន្យានឹងប្រទានអ្វីទៅប្រជារាស្ត្ររបស់ទ្រង់? (ខ) តើព្រះយេហូវ៉ាបានធ្វើអ្វី ដើម្បីនឹងបណ្ដុះឲ្យមានការកោតខ្លាចព្រះក្នុងចិត្តប្រជារាស្ត្ររបស់ទ្រង់នោះ? (គ) ហេតុអ្វីក៏ពួកអ៊ីស្រាអែលបានបែរចេញពីផ្លូវរបស់ព្រះយេហូវ៉ា?
១៤ ព្រះយេហូវ៉ាទ្រង់បានសន្យាថា ទ្រង់នឹងប្រទានចិត្តដែលកោតខ្លាចព្រះឲ្យប្រជារាស្ត្ររបស់ទ្រង់។ កាលដែលយើងអានយេរេមា ៣២:៣៧-៣៩នោះ ទ្រង់បានទាយប្រាប់អំពីការយកពួកអ៊ីស្រាអែលមកវិញ ហើយបានមានបន្ទូលថា៖ «មើល អញនឹងប្រមូលគេចេញពីអស់ទាំងស្រុក ដែលអញបានបណ្ដេញគេទៅនោះ ដោយសេចក្ដីកំហឹង សេចក្ដីឃោរឃៅ ហើយនឹងសេចក្ដីគ្នាន់ក្នាញ់ដ៏ជាខ្លាំងរបស់អញ ក៏នឹងនាំគេមកឯទីនេះវិញ ព្រមទាំងឲ្យគេនៅដោយសុខសាន្ត នោះគេនឹងបានជារាស្ត្ររបស់អញ ហើយអញនឹងធ្វើជាព្រះដល់គេ អញនឹងឲ្យគេមានទឹកចិត្តតែ១នឹងផ្លូវប្រព្រឹត្តតែ១ ប្រយោជន៍ឲ្យគេបានកោតខ្លាចដល់អញជាដរាប សំរាប់ជាសេចក្ដីល្អដល់គេ នឹងកូនចៅគេតរៀងទៅ»។ ក្នុងខ៤០ សេចក្ដីសន្យារបស់ព្រះបានគាំទ្របញ្ជាក់ថា៖ «អញនឹងដាក់សេចក្ដីកោតខ្លាចដល់អញក្នុងចិត្តគេ ប្រយោជន៍កុំឲ្យគេឃ្លាតចេញពីអញឡើយ»។ នៅឆ្នាំ៥៣៧ ម.ស.យ. ព្រះយេហូវ៉ាបានយកពួកគេមកក្រុងយេរូសាឡិមវិញ ដូចជាទ្រង់បានសន្យាមែន។ ប៉ុន្តែ ចុះយ៉ាងណាវិញដែរ ចំពោះសេចក្ដីសន្យាទាំងអស់ទៀតនោះ—ដែលថាទ្រង់នឹងប្រទានឲ្យ‹គេមានទឹកចិត្តតែមួយ ដើម្បីឲ្យគេបានកោតខ្លាចដល់ទ្រង់ជាដរាបនោះ›? ហើយចុះហេតុអ្វីក៏ពួកអ៊ីស្រាអែលពីបុរាណបានបែរចេញពីព្រះយេហូវ៉ា ក្រោយពីទ្រង់បានយកគេមកពីស្រុកបាប៊ីឡូនវិញ ដែលធ្វើឲ្យវិហាររបស់គេបានកំទេចចោលក្នុងឆ្នាំ៧០ ស.យ ហើយមិនបានសង់ឡើងវិញនោះ?
-
-
ការសិក្សាដើម្បីស្វែងរកសេចក្ដីរីករាយក្នុងការកោតខ្លាចព្រះយេហូវ៉ាទស្សនាវដ្ដីប៉មយាម ១៩៩៥ | ១ មិថុនា
-
-
១៦. ក្នុងចិត្តរបស់អ្នកណាដែលកិច្ចសន្យារបស់ព្រះយេហូវ៉ា ក្នុងការបណ្ដុះឲ្យមានការកោតខ្លាចបានសម្រេចនោះ?
១៦ ប៉ុន្តែ កិច្ចសន្យារបស់ព្រះយេហូវ៉ាដើម្បីដាក់ការកោតខ្លាចព្រះក្នុងចិត្តរបស់ប្រជារាស្ត្រទ្រង់ពុំបានបរាជ័យទេ។ ទ្រង់បានស្ថាបនាឡើងកិច្ចព្រមព្រៀងថ្មីជាមួយពួកអ៊ីស្រាអែលខាងវិញ្ញាណ ជាពួកគ្រីស្ទានដែលទ្រង់បានប្រទានសេចក្ដីសង្ឃឹមខាងស្ថានសួគ៌។ (យេរេមា ៣១:៣៣; កាឡាទី ៦:១៦) ក្នុងឆ្នាំ១៩១៩ ព្រះបានយកពួកគេចេញពីការឃុំឃាំងនៃបាប៊ីឡូនដ៏ធំ ដែលជាចក្រភពនៃសាសនាមិនពិត។ ទ្រង់បានបណ្ដុះឲ្យគេមានការកោតខ្លាចទ្រង់យ៉ាងមាំក្នុងចិត្តរបស់គេ។ នេះបានធ្វើឲ្យពួកគេទទួលប្រយោជន៍យ៉ាងច្រើន ហើយដល់«ពួកហ្វូងធំ»ដែលមានសេចក្ដីសង្ឃឹមរស់នៅលើផែនដី ជាអនុរាស្ត្រនៃព្រះរាជាណាចក្រ។ (យេរេមា ៣២:៣៩; វិវរណៈ ៧:៩) ការកោតខ្លាចព្រះយេហូវ៉ាក៏បានជ្រាបចូលទៅក្នុងចិត្តរបស់គេដែរ។
-