-
«នៅកន្លែងណាដែលទឹកនេះហូរកាត់ នឹងមានជីវិតនៅកន្លែងនោះ»ការគោរពប្រណិប័តន៍ពិតដល់ព្រះយេហូវ៉ាបានត្រូវរៀបចំឡើងវិញហើយ!
-
-
៦. (ក) ស្ដីអំពីទឹកទន្លេដែលអេសេគាលបានឃើញក្នុងគំនិត តើមានសេចក្ដីសន្យាអ្វីដែលពង្រឹងកម្លាំងចិត្ត? (ខ) ប៉ុន្តែ តើការបើកបង្ហាញនេះមានការព្រមានអ្វី? (សូមមើលកំណត់សម្គាល់)
៦ ទឹកដែលផ្ដល់ជីវិត។ នៅក្នុងការបើកបង្ហាញដែលអេសេគាលបានឃើញ ទន្លេនោះហូរចូលទៅក្នុងសមុទ្រស្លាប់ នាំឲ្យអ្វីៗនៅក្នុងនោះមានជីវិត។ សូមកត់សម្គាល់ថាទឹកទន្លេនោះធ្វើឲ្យមានត្រីគ្រប់ប្រភេទ ដូចត្រីដែលមាននៅក្នុងសមុទ្រធំឬសមុទ្រមេឌីទែរ៉ានេ។ បន្ថែមទៅទៀត មានការនេសាទជាច្រើននៅតាមឆ្នេរសមុទ្រស្លាប់ ដែលនៅរវាងក្រុងពីរដែលតាមមើលទៅនៅដាច់ឆ្ងាយពីគ្នា។ ទេវតានិយាយថា៖ «នៅកន្លែងណាដែលទឹកនេះហូរកាត់ នឹងមានជីវិតនៅកន្លែងនោះ»។ តើនេះមានន័យថាទឹកដែលហូរចេញពីវិហាររបស់ព្រះយេហូវ៉ាបានទៅដល់គ្រប់ផ្នែកនៃសមុទ្រស្លាប់ឬ? មិនមែនទេ។ ទេវតានោះពន្យល់ថាទឹកដែលផ្ដល់ជីវិតនោះ មិនបានហូរចូលត្រពាំងបឹងបួខ្លះដែលនៅក្បែរសមុទ្រស្លាប់នោះទេ។ នៅកន្លែងទាំងនោះ«នៅពេញដោយជាតិអំបិលដដែល»។b (អេគ. ៤៧:៨-១១) ដូច្នេះ ការបើកបង្ហាញដែលអេសេគាលឃើញក្នុងគំនិតមានសេចក្ដីសន្យាដ៏គួរឲ្យលើកទឹកចិត្ត ដែលថាការគោរពប្រណិប័តន៍ពិតនឹងធ្វើឲ្យមនុស្សមានជីវិតឡើងវិញ ហើយមានសេចក្ដីចម្រើនកើនឡើង។ ប៉ុន្តែ មានការព្រមានមួយ គឺមិនមែនមនុស្សទាំងអស់នឹងទទួលពរពីព្រះយេហូវ៉ា ឬនឹងត្រូវធ្វើឲ្យជាសះស្បើយឡើយ។
-
-
ទឹកហូររិញៗបានទៅជាទន្លេដ៏ធំ!ការគោរពប្រណិប័តន៍ពិតដល់ព្រះយេហូវ៉ាបានត្រូវរៀបចំឡើងវិញហើយ!
-
-
ទឹកដែលផ្ដល់ជីវិត
សម័យបុរាណ: ព្រះយេហូវ៉ាផ្ដល់ពរជាបរិបូរដល់រាស្ត្ររបស់លោកដែលស្ដាប់បង្គាប់ ពួកគេមានចំនួនកាន់តែច្រើន ហើយមានជំនឿរឹងមាំ ព្រមទាំងមានចំណងមិត្តភាពជិតស្និទ្ធជាមួយនឹងលោក
សម័យយើង: ក្នុងបរិយាកាសក្នុងចំណោមរាស្ត្រព្រះដែលប្រៀបដូចជាសួនឧទ្យាន មនុស្សកាន់តែច្រើនទទួលប្រយោជន៍ពីសេចក្ដីពិតក្នុងគម្ពីរ ហើយបានរៀនអំពីព្រះយេហូវ៉ា ព្រមទាំងចូលរួមជាមួយនឹងអស់អ្នកដែលគោរពប្រណិប័តន៍លោកតាមរបៀបដែលលោកពេញចិត្ត
ថ្ងៃអនាគត: អស់អ្នកដែលរួចជីវិតពីសង្គ្រាមអាម៉ាគេដូន នឹងចូលរួមជាមួយមនុស្សរាប់រយលាននាក់ដែលនឹងត្រូវប្រោសឲ្យរស់ឡើងវិញ ហើយពួកគេទាំងអស់នឹងទទួលពរជាបរិបូរពីព្រះយេហូវ៉ា
-
-
«នៅកន្លែងណាដែលទឹកនេះហូរកាត់ នឹងមានជីវិតនៅកន្លែងនោះ»ការគោរពប្រណិប័តន៍ពិតដល់ព្រះយេហូវ៉ាបានត្រូវរៀបចំឡើងវិញហើយ!
-
-
១២. (ក) តើតាមរបៀបណាដំណឹងនៃសេចក្ដីពិតបានជួយមនុស្សឲ្យមានជំនឿលើព្រះយេហូវ៉ា? (ខ) តើការបើកបង្ហាញដែលអេសេគាលបានឃើញ ផ្ដល់ការព្រមានអ្វីដែលចំពេលដល់យើងនៅសព្វថ្ងៃ? (សូមមើលកំណត់សម្គាល់)
១២ ទឹកដែលផ្ដល់ជីវិត។ អេសេគាលបានត្រូវប្រាប់ថា៖ «នៅកន្លែងណាដែលទឹកនេះហូរកាត់ នឹងមានជីវិតនៅកន្លែងនោះ»។ សូមគិតអំពីរបៀបដែលដំណឹងនៃសេចក្ដីពិតបានហូរទៅដល់អស់អ្នកដែលចូលស្រុកក្នុងន័យធៀបដែលបានត្រូវរៀបចំឡើងវិញ។ សេចក្ដីពិតពីគម្ពីរមានឥទ្ធិពលទៅលើចិត្តរបស់មនុស្សរាប់លាននាក់ ហើយជួយពួកគេឲ្យមានជំនឿទៅលើព្រះយេហូវ៉ា។ ប៉ុន្តែ ការបើកបង្ហាញនោះក៏ផ្ដល់ការព្រមានចំពេលដែរ គឺមិនមែនមនុស្សទាំងអស់នឹងបន្តកាន់ខ្ជាប់តាមសេចក្ដីពិតទេ។ ដូចត្រពាំងបឹងបួដែលនៅក្បែរសមុទ្រស្លាប់ក្នុងការបើកបង្ហាញដែលអេសេគាលបានឃើញ មានមនុស្សដែលមានចិត្តរឹងមិនព្រមទទួលសេចក្ដីពិត ហើយមិនអនុវត្តសេចក្ដីពិតនោះទេ។c សូមកុំឲ្យយើងធ្វើដូចនោះឡើយ!—សូមអាន ការបំភ្លឺច្បាប់ ១០:១៦-១៨
-