បណ្ណាល័យអ៊ីនធឺណិតរបស់ប៉មយាម

ចូរខំប្រឹងឲ្យមានទស្សនៈដូចព្រះចំពោះអ្នកដទៃ

ទស្សនាវដ្ដីប៉មយាម ២០០៣ | ១ មិថុនា
- ៧. តើយ៉ូណាសបំរើព្រះយេហូវ៉ានៅស្រុកអ៊ីស្រាអែលក្រោមកាលៈទេសៈណាខ្លះ? ដោយដឹងអំពីកាលៈទេសៈនោះ តើអ្នកមានទស្សនៈយ៉ាងណាអំពីលោកយ៉ូណាស?
  
  ^៧ តាមពិតយ៉ូណាសបានធ្វើការយ៉ាងស្មោះអស់ពីចិត្តនៅស្រុកអ៊ីស្រាអែល ជាតំបន់ផ្សាយដែលប្រជាជនមិនសូវយកចិត្តទុកដាក់ស្ដាប់ទេ។ ព្យាការីអេម៉ុសបានរស់នៅគ្រាដំណាលនឹងយ៉ូណាសដែរ ហើយអេម៉ុសបានពណ៌នាអំពីពួកអ៊ីស្រាអែលនៅជំនាន់នោះថា ជាមនុស្សដែលស្រឡាញ់តែវត្ថុទ្រព្យនិងការសប្បាយប៉ុណ្ណោះ។b នៅក្នុងស្រុកនោះមានអំពើអាក្រក់ជួជាតិ ប៉ុន្តែ ពួកអ៊ីស្រាអែលមិនបានអើពើនឹងស្ថានភាពនេះឡើយ។ (អេម៉ុស ៣:១៣-១៥; ៤:៤; ៦:៤-៦) យ៉ាងណាក្ដី យ៉ូណាសបានបំពេញតាមមុខនាទីរបស់គាត់ទាំងមានចិត្តស្មោះត្រង់ ដោយគាត់ផ្សព្វផ្សាយដល់ប្រជាជនអ៊ីស្រាអែលជាទៀងទាត់។ ប្រសិនបើអ្នកជាអ្នកប្រកាសផ្សាយនូវដំណឹងល្អដែរ អ្នកមុខជាដឹងថា ការពិគ្រោះជាមួយមនុស្សដែលបង្ហាញភាពកន្តើយព្រមទាំងមនុស្សដែលមានជីវិតគាប់ចិត្តហើយ នោះមិនមែនជាការស្រួលប៉ុន្មានទេ។ ដូច្នេះ ទោះជាយើងទទួលស្គាល់អំពីភាពខ្សោយរបស់យ៉ូណាសក៏ដោយ នោះកុំឲ្យយើងភ្លេចនូវភាពស្មោះត្រង់និងការស៊ូទ្រាំរបស់គាត់ឡើយ ពេលគាត់ផ្សព្វផ្សាយដល់ពួកអ៊ីស្រាអែលដែលមិនមានភាពស្មោះត្រង់នោះ។

ចូរខំប្រឹងឲ្យមានទស្សនៈដូចព្រះចំពោះអ្នកដទៃ

ទស្សនាវដ្ដីប៉មយាម ២០០៣ | ១ មិថុនា
- b តាមមើលទៅ ស្តេចយេរ៉ូបោមទី២បានចំរើនភោគទ្រព្យនៅក្នុងព្រះរាជាណាចក្រខាងជើងនោះ ដោយសារមានជ័យជំនះក្នុងចំបាំងដ៏ធំខ្លះៗ ហើយអតីតតំបន់ខ្លះៗរបស់ព្រះរាជាណាចក្រនោះបានត្រូវស្ដារឡើងវិញ ហើយដំណាលគ្នាប្រមូលសួយអាករផងដែរ។—សាំយូអែលទី២ ៨:៦; ពង្សាវតារក្សត្រទី២ ១៤:២៣-២៨; របាក្សត្រទី២ ៨:៣, ៤; អេម៉ុស ៦:២