-
លោកអធិដ្ឋានពេលដែលកើតទុក្ខយ៉ាងខ្លាំងលោកយេស៊ូ ជាផ្លូវ ជាសេចក្ដីពិត ជាជីវិត
-
-
ពេលពួកគាត់ទៅដល់សួនដ៏ស្អាតនេះដែលមានដើមអូលីវជាច្រើន នោះលោកយេស៊ូឲ្យពួកសាវ័ក៨នាក់ចាំនៅខាងក្រៅសួន។ ពួកគាត់ប្រហែលជាចាំនៅច្រកចូលមុខសួន ពីព្រោះលោកប្រាប់ពួកគាត់ថា៖ «អ្នករាល់គ្នាអង្គុយនៅទីនេះសិន ពេលខ្ញុំទៅអធិដ្ឋាននៅទីនោះ»។ រួចលោកនាំពេត្រុស យ៉ាកុប និងយ៉ូហានចូលទៅក្នុងសួន។ បន្ទាប់មក លោកក៏តាំងកើតទុក្ខយ៉ាងខ្លាំង ហើយប្រាប់ពួកគាត់បីនាក់ថា៖ «ខ្ញុំកំពុងកើតទុក្ខស្ទើរនឹងស្លាប់។ សូមនៅទីនេះ ហើយចាំយាមជាមួយនឹងខ្ញុំ»។—ម៉ាថាយ ២៦:៣៦-៣៨
-
-
លោកអធិដ្ឋានពេលដែលកើតទុក្ខយ៉ាងខ្លាំងលោកយេស៊ូ ជាផ្លូវ ជាសេចក្ដីពិត ជាជីវិត
-
-
ពីមុន ពេលលោកយេស៊ូនៅស្ថានសួគ៌ លោកបានឃើញថាមនុស្សដែលត្រូវជនជាតិរ៉ូមប្រហារជីវិតគឺទទួលសេចក្ដីវេទនាខ្លាំងណាស់។ ឥឡូវនេះលោកជាមនុស្សដែលមានអារម្មណ៍ ហើយអាចមានការឈឺចាប់ ដូច្នេះលោកមិនចង់ជួបប្រទះអ្វីដែលនឹងកើតឡើងចំពោះលោកឡើយ។ ក៏ប៉ុន្តែ អ្វីដែលសំខាន់ជាងនោះទៅទៀតគឺលោកកើតទុក្ខយ៉ាងខ្លាំង ដោយសារលោកដឹងថាការស្លាប់របស់លោកដូចជាឧក្រិដ្ឋជនម្នាក់ដែលអាចនាំឲ្យនាមរបស់បិតាលោកទទួលការអាប់ឱន។ នៅប៉ុន្មានម៉ោងទៀត លោកនឹងត្រូវគេព្យួរនៅបង្គោលហាក់ដូចជាលោកជាអ្នកដែលបានប្រមាថព្រះ។
-