-
ការរក្សាសេចក្ដីសុខសាន្តនិងភាពស្អាតស្អំនៅក្នុងក្រុមជំនុំអង្គការមួយដើម្បីធ្វើតាមបំណងប្រាថ្នាព្រះយេហូវ៉ា
-
-
១៤ លោកយេស៊ូបានពន្យល់យ៉ាងជាក់លាក់អំពីវិធីដោះស្រាយបញ្ហាធ្ងន់ធ្ងរដែលអាចកើតឡើងរវាងបងប្អូនរួមជំនឿ។ សូមកត់សម្គាល់ជំហានផ្សេងៗ តាមប្រសាសន៍របស់លោកថា៖ «ប្រសិនបើបងប្អូនណាម្នាក់របស់អ្នកធ្វើខុសអ្វីមួយ [១] ចូរទៅជួបគាត់ម្នាក់ឯង ហើយលាតត្រដាងកំហុសរបស់គាត់។ បើគាត់ស្ដាប់អ្នក នោះអ្នកបានបងប្អូននោះមកវិញ។ ប៉ុន្តែបើគាត់មិនស្ដាប់អ្នកទេ [២] ចូរយកមនុស្សម្នាក់ឬពីរនាក់ទៀតទៅជាមួយ ដើម្បីឲ្យគ្រប់រឿងទាំងអស់អាចត្រូវទុកជាការពិត ដោយការបញ្ជាក់របស់សាក្សីពីរឬបីនាក់។ បើគាត់មិនស្ដាប់ពួកគេទេ [៣] ចូរប្រាប់ដល់ក្រុមជំនុំ។ ប្រសិនបើគាត់មិនស្ដាប់ក្រុមជំនុំទៀត នោះចូរចាត់ទុកគាត់ជាជនជាតិដទៃ និងជាអ្នកយកពន្ធ»។—ម៉ាថ. ១៨:១៥-១៧
-
-
ការរក្សាសេចក្ដីសុខសាន្តនិងភាពស្អាតស្អំនៅក្នុងក្រុមជំនុំអង្គការមួយដើម្បីធ្វើតាមបំណងប្រាថ្នាព្រះយេហូវ៉ា
-
-
១៨ ប្រសិនបើអ្នកបាន«ទៅជួបគាត់ម្នាក់ឯង»ដើម្បីលាតត្រដាងកំហុសរបស់គាត់ ប៉ុន្តែអ្នកមិនអាចបានបងប្អូននោះមកវិញទេ នោះអ្នកអាចធ្វើតាមឱវាទរបស់លោកយេស៊ូ ដោយ«យកមនុស្សម្នាក់ឬពីរនាក់ទៀត»ទៅនិយាយជាមួយនឹងអ្នកនោះម្ដងទៀត។ បុគ្គលដែលទៅជាមួយអ្នក ក៏គួរមានគោលបំណងឲ្យបានបងប្អូននោះមកវិញដែរ។ ជាការល្អបើបុគ្គលទាំងនោះជាសាក្សីចំពោះអំពើខុសឆ្គងដែលបានត្រូវចោទប្រកាន់នោះ ក៏ប៉ុន្តែ បើគ្មានសាក្សីដែលបានឃើញផ្ទាល់ភ្នែកទេ អ្នកអាចសុំបងប្អូនម្នាក់ឬពីរនាក់ធ្វើជាសាក្សីចំពោះការពិភាក្សាគ្នា។ ពួកគេប្រហែលជាមានបទពិសោធន៍ក្នុងរឿងបែបនោះ ហើយអាចដឹងថាអ្វីដែលបានកើតឡើងជាអំពើខុសឆ្គងមែនឬមិនមែន។ បើយកអ្នកចាស់ទុំទៅជាមួយឲ្យធ្វើជាសាក្សី នោះពួកគាត់មិនមែនជាតំណាងក្រុមជំនុំទេ ពីព្រោះក្រុមអ្នកចាស់ទុំមិនបានចាត់ពួកគាត់ឲ្យធ្វើដូច្នេះឡើយ។
-