-
ស្តេចនៃរាជាណាចក្ររបស់ព្រះសម្រិតសម្រាំងរាស្ត្ររបស់លោកខាងការគោរពប្រណិប័តន៍រាជាណាចក្ររបស់ព្រះចាប់ផ្ដើមគ្រប់គ្រងហើយ!
-
-
១-៣. ពេលដែលលោកយេស៊ូឃើញថាវិហារត្រូវគេធ្វើឲ្យស្មោកគ្រោក តើលោកបានធ្វើយ៉ាងណា?
លោកយេស៊ូបានឲ្យតម្លៃខ្ពស់ទៅលើវិហាររបស់ព្រះនៅក្រុងយេរូសាឡិម ពីព្រោះលោកជ្រាបថា កន្លែងនោះជាតំណាងអ្វី។ តាំងពីយូរហើយ វិហារនោះជាមជ្ឈមណ្ឌលនៃការគោរពប្រណិប័តន៍ពិតនៅផែនដី។ ក៏ប៉ុន្តែ ការគោរពប្រណិប័តន៍នោះ ពោលគឺការគោរពប្រណិប័តន៍ព្រះយេហូវ៉ាដែលជាព្រះដ៏បរិសុទ្ធ ត្រូវតែជាការគោរពប្រណិប័តន៍ដ៏ស្អាតបរិសុទ្ធ។ ដូច្នេះ លោកយេស៊ូច្បាស់ជាទាស់ចិត្តយ៉ាងខ្លាំង ពេលដែលលោកចូលវិហារនៅថ្ងៃទី១០ ខែណែសាន ឆ្នាំ៣៣ គ.ស. ហើយឃើញថាវិហារនោះត្រូវគេធ្វើឲ្យស្មោកគ្រោកវិញ។ តើអ្វីកំពុងកើតឡើងនៅទីនោះ?—សូមអាន ម៉ាថាយ ២១:១២, ១៣
២ នៅទីធ្លានៃជនជាតិដទៃ ឈ្មួញនិងអ្នកប្ដូរប្រាក់ដ៏លោភលន់កំពុងកេងចំណេញពីពួកអ្នកគោរពប្រណិប័តន៍ដែលបានមកជូនគ្រឿងបូជាដល់ព្រះយេហូវ៉ា។a លោកយេស៊ូបាន«បណ្ដេញទាំងអ្នកលក់ទាំងអ្នកទិញ ក៏បានផ្កាប់តុរបស់អ្នកដូរប្រាក់»។ (សូមពិនិត្យបន្ថែម នេហេមា ១៣:៧-៩) លោកយេស៊ូបានផ្ដន្ទាទោសបុរសទាំងនោះដែលគិតតែប្រយោជន៍ខ្លួន ដោយសារពួកគេបានយកកន្លែងគោរពបូជារបស់បិតាលោកធ្វើជា«សម្បុកចោរវិញ»។ ដោយធ្វើដូច្នេះ លោកយេស៊ូបានបង្ហាញថាលោកឲ្យតម្លៃខ្ពស់ទៅលើវិហារនិងអ្វីដែលវិហារនោះជាតំណាង។ ការគោរពប្រណិប័តន៍បិតារបស់លោកត្រូវតែស្អាតបរិសុទ្ធ!
-
-
ស្តេចនៃរាជាណាចក្ររបស់ព្រះសម្រិតសម្រាំងរាស្ត្ររបស់លោកខាងការគោរពប្រណិប័តន៍រាជាណាចក្ររបស់ព្រះចាប់ផ្ដើមគ្រប់គ្រងហើយ!
-
-
a ជនជាតិយូដាដែលទៅវិហារត្រូវប្រើកាក់ម្យ៉ាងដើម្បីបង់ពន្ធវិហារប្រចាំឆ្នាំ។ ដើម្បីបានកាក់ដែលពួកគេត្រូវការនោះ ពួកគេត្រូវប្ដូរប្រាក់។ អ្នករកស៊ីប្ដូរប្រាក់នៅទីនោះបានទារលុយពីពួកគេជាថ្លៃសេវាប្ដូរប្រាក់។ ម្យ៉ាងទៀត អ្នកដែលមកពីស្រុកឆ្ងាយប្រហែលជាត្រូវទិញសត្វសម្រាប់គ្រឿងបូជា។ មូលហេតុដែលលោកយេស៊ូបានហៅអ្នកលក់ដូរទាំងនោះថាជា«ចោរ» ទំនងជាមកពីពួកគេទារថ្លៃពេកសម្រាប់សេវាផ្សេងៗនោះ។
-