-
ព្រះយេហូវ៉ាស្រឡាញ់កិច្ចបំរើដ៏អស់ពីចិត្តរបស់អ្នកទស្សនាវដ្ដីប៉មយាម ១៩៩៨ | ១ មករា
-
-
១៦. (ក) តើតាមរបៀបណាដែលព្រះយេស៊ូបានមកទតមើលវិភាគទាននៃស្ត្រីដ៏ក្រីក្រ? (ខ) តើកាក់របស់ស្ត្រីមេម៉ាយនេះមានតម្លៃប៉ុន្មាន?
១៦ បីបួនថ្ងៃក្រោយមក នៅថ្ងៃណៃសែនទី១១ ព្រះយេស៊ូបានចំណាយអស់មួយថ្ងៃក្នុងព្រះវិហារ ពេលដែលមនុស្សបានចោទដល់អំណាចរបស់ទ្រង់ ហើយទ្រង់បានឆ្លើយដោះស្រាយបញ្ហាអំពីការបង់ពន្ធ ដំណើររស់ឡើងវិញ និងបញ្ហាផ្សេងៗទៀត។ ទ្រង់បានផ្ដន្ទាទោសពួកស្ក្រែបនិងពួកផារីស៊ី ពីព្រោះ«គេស៊ីផ្ទះស្ត្រីមេម៉ាយ»។ (ម៉ាកុស ១២:៤០) រួចមក ព្រះយេស៊ូបានមកគង់ តាមមើលទៅ ក្នុងទីធ្លានៃស្ត្រី ហើយតាមប្រពៃណីនៃពួកយូដា នេះជាកន្លែងដែលមាន១៣ហិបតង្វាយ។ ទ្រង់បានគង់នៅទីនោះមួយរយៈ ដោយទតមើលក្នុងកាលដែលបណ្ដាជនយកប្រាក់មកដាក់ក្នុងហិប។ អ្នកមានច្រើននាក់បានមក អ្នកខ្លះប្រហែលជាចង់បង្ហាញនូវសេចក្ដីសុចរិតរបស់ខ្លួន ព្រមទាំងប្រកាន់ថាខ្លួនគ្រាន់បើ។ (ប្រៀបធៀប ម៉ាថាយ ៦:២) ការទតមើលរបស់ព្រះយេស៊ូបានសំដៅទៅដល់ស្ត្រីម្នាក់។ មនុស្សធម្មតា ប្រហែលជាមិនអាចមើលឃើញអ្វីដ៏អស្ចារ្យឡើយអំពីស្ត្រីមេម៉ាយក្រីក្រឬតង្វាយរបស់នាង។ ប៉ុន្តែ ព្រះយេស៊ូ ដែលអាចជ្រាបដឹងចិត្តនៃអ្នកដទៃ បានដឹងថានាងជា«ស្រីមេម៉ាយក្រម្នាក់»។ ទ្រង់ក៏បានជ្រាបដឹងចំនួនតង្វាយរបស់នាងដែរ—‹កាក់តូចពីរជាចំនួនដ៏តិចតួចបំផុត›។b—ម៉ាកុស ១២:៤១, ៤២
-
-
ព្រះយេហូវ៉ាស្រឡាញ់កិច្ចបំរើដ៏អស់ពីចិត្តរបស់អ្នកទស្សនាវដ្ដីប៉មយាម ១៩៩៨ | ១ មករា
-
-
b កាក់និមួយៗនោះ គឺមួយឡិបថុន ដែលជាកាក់របស់យូដាដ៏តូចមួយ នៅសម័យនោះ។ ពីរឡិបថុន គឺស្មើនឹងមួយភាគ៦៤ នៃប្រាក់ឈ្នួលមួយថ្ងៃ។ យោងទៅតាមម៉ាថាយ ១០:២៩ ក្នុង១កាក់អាសារីន (ស្មើនឹងប្រាំបីឡិបថុន) បុគ្គលម្នាក់អាចទិញចាបពីរ ដែលជាចាបដ៏ថោកបំផុត ដែលបានត្រូវប្រើសំរាប់អាហារ ដោយមនុស្សក្រីក្រ។ ដូច្នេះ ស្ត្រីមេម៉ាយនេះគឺច្បាស់ជាក្រីក្រមែន ដ្បិតនាងមានចំនួនតែពាក់កណ្ដាលប៉ុណ្ណោះ ដើម្បីទិញចាបមួយ គឺមិនទាំងគ្រប់គ្រាន់សំរាប់អាហារមួយពេលផង។
-