-
បុត្រដែលព្រះបានសន្យាលោកយេស៊ូ ជាផ្លូវ ជាសេចក្ដីពិត ជាជីវិត
-
-
ជាងមួយខែក្រោយមក ទារកយេស៊ូមានអាយុ៤០ថ្ងៃ។ ឥឡូវ តើឪពុកម្ដាយនឹងនាំទារកនោះទៅកន្លែងណា? គឺទៅវិហារនៅក្រុងយេរូសាឡិម ដែលមិនសូវឆ្ងាយប៉ុន្មានពីកន្លែងដែលពួកគាត់កំពុងស្នាក់នៅ។ ច្បាប់ម៉ូសេបានចែងថា ៤០ថ្ងៃក្រោយពីស្ត្រីម្នាក់បានសម្រាលកូនប្រុស នាងត្រូវជូនគ្រឿងបូជានៅវិហារដើម្បីធ្វើឲ្យខ្លួនស្អាតបរិសុទ្ធ។—លេវីវិន័យ ១២:៤-៨
តាមច្បាប់ម៉ូសេ គ្រឿងបូជានោះគួរជាចៀមឈ្មោលមួយនិងព្រាបជំទើរមួយ។ ប៉ុន្តែ បើម្ដាយមិនអាចជូនចៀមឈ្មោលបានទេ នាងគួរជូនសត្វលលកមួយគូ ឬសត្វព្រាបស្ទាវពីរក្បាលវិញ។ ម៉ារៀបានធ្វើតាមច្បាប់នោះ។ នាងយកសត្វលលកមួយគូសម្រាប់ធ្វើជាគ្រឿងបូជា។ នេះបង្ហាញថាម៉ារៀមានជីវភាពខ្វះខាត។
-