-
ចូរគាំទ្របងប្អូនស្រីគ្រិស្តសាសនិកទស្សនាវដ្ដីប៉មយាម (សម្រាប់សិក្សា) ២០២០ | កញ្ញា
-
-
ដូចលោកយេស៊ូ យើងអាច បង្ហាញការយកចិត្តទុកដាក់ ចំពោះបងប្អូនស្រីដ៏ស្មោះត្រង់ (សូមមើលវគ្គ៦-៩)f
៦. ដូចបានកត់ទុកនៅលូកា ១០:៣៨-៤២ តើលោកយេស៊ូបានជួយម៉ាថានិងម៉ារៀយ៉ាងដូចម្ដេច?
៦ លោកយេស៊ូបានចំណាយពេលជាមួយស្ត្រីដែលជាអ្នកបម្រើព្រះ ហើយលោកជាមិត្តពិតរបស់ពួកគេ។ សូមគិតអំពីមិត្តភាពដែលលោកមានជាមួយម៉ារៀនិងម៉ាថា។ ពួកគេទំនងជាស្ត្រីនៅលីវ។ (សូមអាន លូកា ១០:៣៨-៤២) លោកយេស៊ូច្បាស់ជាធ្វើឲ្យពួកគេមានអារម្មណ៍ស្រួល តាមរយៈពាក្យសម្ដីនិងការប្រព្រឹត្តរបស់លោក។ ជាឧទាហរណ៍ ម៉ារៀមានអារម្មណ៍ស្រួលអង្គុយនៅក្បែរជើងរបស់លោក ក្នុងនាមជាអ្នកកាន់តាម។c រីឯម៉ាថា គាត់មិនខ្លាចប្រាប់លោកយេស៊ូអំពីអារម្មណ៍របស់គាត់ ពេលគាត់អន់ចិត្តដោយសារម៉ារៀមិនជួយគាត់។ នៅពេលនោះ លោកយេស៊ូបានជួយស្ត្រីទាំងពីរនាក់នេះឲ្យរៀនមេរៀនសំខាន់ៗ។ លោកយេស៊ូក៏បង្ហាញការយកចិត្តទុកដាក់ចំពោះស្ត្រីទាំងនេះនិងឡាសាដែលជាបងប្អូនរបស់ពួកគាត់ដែរ ដោយទៅលេងពួកគាត់នៅពេលផ្សេងទៀត។ (យ៉ូន. ១២:១-៣) ដូច្នេះ ពេលឡាសាធ្លាក់ខ្លួនឈឺធ្ងន់ ម៉ារៀនិងម៉ាថាដឹងថាពួកគាត់អាចសុំជំនួយពីលោកយេស៊ូបាន។—យ៉ូន. ១១:៣, ៥
-
-
ចូរគាំទ្របងប្អូនស្រីគ្រិស្តសាសនិកទស្សនាវដ្ដីប៉មយាម (សម្រាប់សិក្សា) ២០២០ | កញ្ញា
-
-
c សព្វវចនាធិប្បាយមួយអំពីគម្ពីរចែងថា៖ «តាមធម្មតា អ្នកកាន់តាមអង្គុយនៅក្បែរជើងគ្រូ ពេលពួកគេត្រៀមខ្លួនធ្វើជាគ្រូ។ ក៏ប៉ុន្តែស្ត្រីមិនបានត្រូវអនុញ្ញាតឲ្យធ្វើជាគ្រូទេ។ . . . ដូច្នេះ បុរសជនជាតិយូដាភាគច្រើនទំនងជាភ្ញាក់ផ្អើល . . . បើឃើញម៉ារៀអង្គុយនៅក្បែរជើងលោកយេស៊ូ ហើយចង់រៀនពីលោក»។
-