-
ចូរបម្រើព្រះយេហូវ៉ាដោយគ្មានអ្វីបំបែរអារម្មណ៍ទស្សនាវដ្ដីប៉មយាម ២០១៥ | ១៥ តុលា
-
-
«ម៉ារៀ . . . ស្ដាប់លោក[យេស៊ូ]មានប្រសាសន៍។ រីឯម៉ាថាវិញ នាងកំពុងរវល់ធ្វើកិច្ចការជាច្រើន»។—លូកា ១០:៣៩, ៤០
-
-
ចូរបម្រើព្រះយេហូវ៉ាដោយគ្មានអ្វីបំបែរអារម្មណ៍ទស្សនាវដ្ដីប៉មយាម ២០១៥ | ១៥ តុលា
-
-
២ លោកយេស៊ូស្រឡាញ់ម៉ាថា ដោយសារនាងមានចិត្តទូលាយនិងចិត្តសប្បុរស ហើយនាងក៏ជាមនុស្សឧស្សាហ៍ដែរ។ ប៉ុន្តែមូលហេតុសំខាន់បំផុតដែលលោកយេស៊ូស្រឡាញ់នាងគឺដោយសារនាងមានជំនឿមាំមួន។ នាងជឿអ្វីទាំងអស់ដែលលោកយេស៊ូបានបង្រៀន ហើយនាងជឿជាក់ថាលោកគឺជាមេស្ស៊ីដែលបានត្រូវសន្យា។ (យ៉ូហាន ១១:២១-២៧) ទោះជាយ៉ាងនោះក៏ដោយ ម៉ាថាមិនមែនជាមនុស្សល្អឥតខ្ចោះទេ។ ដូចយើងទាំងអស់គ្នា នាងក៏ធ្វើខុសដែរ។ ជាឧទាហរណ៍ មានពេលមួយដែលលោកយេស៊ូបានទៅលេងពួកគាត់ ម៉ាថាបានអន់ចិត្តនឹងម៉ារៀដែលជាប្អូនស្រីរបស់នាង ហើយនាងបានប្រាប់លោកយេស៊ូថាលោកគួរតែកែតម្រង់ម៉ារៀ។ ម៉ាថាបាននិយាយថា៖ «តើលោកមិនឃើញថា ប្អូនខ្ញុំបានទុកឲ្យខ្ញុំធ្វើកិច្ចការតែម្នាក់ឯងទេឬ? ដូច្នេះ សូមប្រាប់គាត់ឲ្យជួយខ្ញុំផង»។ (សូមអាន លូកា ១០:៣៨-៤២) ហេតុអ្វីម៉ាថាបាននិយាយដូច្នេះ ហើយតើយើងអាចរៀនអ្វីពីពាក្យតបឆ្លើយរបស់លោកយេស៊ូទៅកាន់នាង?
-
-
ចូរបម្រើព្រះយេហូវ៉ាដោយគ្មានអ្វីបំបែរអារម្មណ៍ទស្សនាវដ្ដីប៉មយាម ២០១៥ | ១៥ តុលា
-
-
៤ ប៉ុន្តែ ម៉ាថាបានអនុញ្ញាតឲ្យកិច្ចការជាច្រើនដែលនាងត្រូវធ្វើបំបែរអារម្មណ៍របស់នាង។ នាងរវល់រៀបចំម្ហូបពិសេសជូនលោកយេស៊ូ ហើយធ្វើអ្វីផ្សេងៗជាច្រើនទៀតដើម្បីឲ្យលោកស្នាក់នៅស្រួល។ ពេលនាងបានឃើញថាម៉ារៀមិនមកជួយនាង នាងបានខឹង ហើយត្អូញត្អែរដាក់លោកយេស៊ូ។ លោកបានដឹងថាម៉ាថាកំពុងព្យាយាមធ្វើអ្វីផ្សេងៗច្រើនពេក ហេតុនេះ លោកបានមានប្រសាសន៍ទៅកាន់នាងដោយចិត្តសប្បុរសថា៖ «ម៉ាថា ម៉ាថា នាងកំពុងខ្វល់ចិត្តណាស់អំពីកិច្ចការជាច្រើន»។ លោកក៏បានឲ្យយោបល់នាងថាគ្រាន់តែម្ហូបសាមញ្ញ ប្រហែលជាតែមួយមុខគឺគ្រប់គ្រាន់ហើយ។ ក្រោយមកលោកយេស៊ូបានសរសើរម៉ារៀដែលបានស្ដាប់លោកយ៉ាងយកចិត្តទុកដាក់។ លោកបានមានប្រសាសន៍ថា៖ «ឯម៉ារៀ នាងបានរើសយកចំណែកល្អវិញ ហើយចំណែកនោះនឹងមិនត្រូវយកចេញពីនាងឡើយ»។ ម៉ារៀប្រហែលជាភ្លេចអំពីអ្វីដែលនាងបានបរិភោគនៅពេលនោះ ប៉ុន្តែនាងច្បាស់ជាមិនភ្លេចអ្វីៗដែលនាងបានរៀនពីលោកយេស៊ូ ហើយមិនភ្លេចអំពីរបៀបដែលលោកបានសរសើរនាងឡើយ។ ជាង៦០ឆ្នាំក្រោយមក សាវ័កយ៉ូហានបានសរសេរថា៖ ‹លោកយេស៊ូស្រឡាញ់ម៉ាថា និងប្អូនរបស់នាង›។ (យ៉ូហាន ១១:៥) ពាក្យទាំងនេះបង្ហាញថាម៉ាថាបានធ្វើតាមការកែតម្រង់របស់លោកយេស៊ូដែលប្រកបដោយសេចក្ដីស្រឡាញ់ ហើយបានបម្រើព្រះយេហូវ៉ាយ៉ាងស្មោះត្រង់អស់មួយជីវិតរបស់នាង។
-