-
ការផ្លាស់ប្ដូររបស់បុរសអ្នកមាននិងឡាសាលោកយេស៊ូ ជាផ្លូវ ជាសេចក្ដីពិត ជាជីវិត
-
-
លោកមានប្រសាសន៍ថា៖ «ច្បាប់និងពាក្យរបស់ពួកអ្នកប្រកាសទំនាយបានត្រូវប្រកាសរហូតដល់យ៉ូហាន។ ចាប់តាំងពីពេលនោះមក រាជាណាចក្ររបស់ព្រះកំពុងត្រូវប្រកាសជាដំណឹងល្អ ហើយមនុស្សគ្រប់ប្រភេទកំពុងខំប្រឹងឈានទៅរករាជាណាចក្រនោះ។ មេឃនិងផែនដីងាយបាត់សូន្យ ជាងអក្សរមួយតួក្នុងច្បាប់បាត់ទៅដោយមិនបានសម្រេច»។ (លូកា ៣:១៨; ១៦:១៦, ១៧) តើប្រសាសន៍របស់លោកយេស៊ូបញ្ជាក់យ៉ាងណាថាការផ្លាស់ប្ដូរនោះកំពុងកើតឡើង?
-
-
ការផ្លាស់ប្ដូររបស់បុរសអ្នកមាននិងឡាសាលោកយេស៊ូ ជាផ្លូវ ជាសេចក្ដីពិត ជាជីវិត
-
-
ការផ្លាស់ប្ដូរដែលលោកយេស៊ូមានប្រសាសន៍នេះ មិនមានន័យថាច្បាប់ម៉ូសេមិនបានសម្រេចនោះឡើយ។ ផ្ទុយទៅវិញ ច្បាប់នោះបានសម្រេចគោលបំណងដោយនាំមនុស្សទៅឯមេស្ស៊ី។ បន្ថែមទៅទៀត តម្រូវការដែលឲ្យធ្វើតាមច្បាប់នោះក៏កំពុងមកដល់ទីបញ្ចប់ដែរ។ ជាឧទាហរណ៍ ច្បាប់ម៉ូសេអនុញ្ញាតឲ្យមានការលែងលះគ្នាដោយផ្អែកលើមូលដ្ឋានផ្សេងៗ។ ប៉ុន្តែ ឥឡូវលោកយេស៊ូពន្យល់ថា៖ «អ្នកណាដែលលែងលះប្រពន្ធហើយរៀបការស្ត្រីម្នាក់ទៀត អ្នកនោះធ្វើអំពើផិតក្បត់ ហើយអ្នកណាដែលរៀបការជាមួយនឹងស្ត្រីដែលប្ដីលែង អ្នកនោះក៏ធ្វើអំពើផិតក្បត់ដែរ»។ (លូកា ១៦:១៨) ប្រសាសន៍របស់លោកពិតជាធ្វើឲ្យពួកផារិស៊ីដែលចូលចិត្តបង្កើតច្បាប់ក្នុងរឿងទាំងអស់ ខឹងខ្លាំងណាស់!
-