-
«មិនដែលមានអ្នកណានិយាយដូចបុរសនេះទេ»លោកយេស៊ូ ជាផ្លូវ ជាសេចក្ដីពិត ជាជីវិត
-
-
ដូច្នេះ អ្នកខ្លះក្នុងបណ្ដាជនដែលបានឮពាក្យទាំងនេះ ក៏ចាប់ផ្ដើមនិយាយថា៖ «បុរសនេះប្រាកដជាអ្នកប្រកាសទំនាយដែលបានត្រូវទាយទុក»។ នេះច្បាស់ជាសំដៅទៅលើអ្នកប្រកាសទំនាយដែលប្រសើរជាងម៉ូសេ ដែលបានត្រូវប្រកាសទុកជាមុនថានឹងមក។ អ្នកខ្លះទៀតបាននិយាយថា៖ «បុរសនេះជាគ្រិស្ត»។ ប៉ុន្តែមានអ្នកខ្លះនិយាយថា៖ «គ្រិស្តមិនមែនចេញមកពីស្រុកកាលីឡេទេ មែនទេ? តើបទគម្ពីរមិនចែងទេឬថា គ្រិស្តនឹងមកពីកូនចៅរបស់ដាវីឌ ហើយពីភូមិបេថ្លេហិម ជាភូមិដែលដាវីឌធ្លាប់នៅ?»។—យ៉ូហាន ៧:៤០-៤២
-
-
«មិនដែលមានអ្នកណានិយាយដូចបុរសនេះទេ»លោកយេស៊ូ ជាផ្លូវ ជាសេចក្ដីពិត ជាជីវិត
-
-
បទគម្ពីរមិនបានចែងចំៗថាអ្នកប្រកាសទំនាយនឹងមកពីស្រុកកាលីឡេទេ។ ក៏ប៉ុន្តែ បណ្ដាំរបស់ព្រះពិតជាបញ្ជាក់ថាគ្រិស្តនឹងចេញមកពីស្រុកនោះមែន ពីព្រោះទំនាយមួយចែងថា«ពន្លឺយ៉ាងធំ»នឹងត្រូវគេឃើញក្នុង«ខេត្តកាលីឡេរបស់សាសន៍ដទៃ»។ (អេសាយ ៩:១, ២; ម៉ាថាយ ៤:១៣-១៧) បន្ថែមទៀត លោកយេស៊ូបានកើតមកក្នុងភូមិបេថ្លេហិមដូចបានប្រកាសទុកជាមុនមែន ហើយលោកគឺជាកូនចៅរបស់ដាវីឌ។ ទោះបីជាពួកផារិស៊ីទំនងជាបានដឹងអំពីរឿងទាំងនេះក៏ដោយ ក៏ពួកគេមិននិយាយការពិតដែរ ផ្ទុយទៅវិញ ពួកគេប្រហែលជាអ្នកដែលនាំឲ្យបណ្ដាជនយល់ច្រឡំអំពីលោកយេស៊ូ ដោយផ្សាយព័ត៌មានមិនពិតជាច្រើន។
-