បណ្ណាល័យអ៊ីនធឺណិតរបស់ប៉មយាម

តើអ្នកស្ដាប់បង្គាប់អ្នកណា ព្រះឬក៏មនុស្ស?

ទស្សនាវដ្ដីប៉មយាម ២០០៦ | ១ មករា
- ៧. ហេតុអ្វីក៏កិច្ចការផ្សព្វផ្សាយធ្វើឲ្យពួកសង្គ្រាជខឹង?
  
  ^៧ ពួកសង្គ្រាជពិតជាខឹងខ្លាំងណាស់ ដោយសារពួកសាវកនៅតែបន្តផ្សព្វផ្សាយ។ សង្ឃខ្លះរួមទាំងលោកកៃផា នៅខាងពួកសាឌូស៊ីដែលមិនជឿលើដំណើររស់ឡើងវិញទេ។ (កិច្ចការ ៤:១, ២; ៥:១៧) ប៉ុន្តែ ពួកសាវកខំផ្សព្វផ្សាយថាព្រះយេស៊ូត្រូវបានប្រោសឲ្យរស់ឡើងវិញហើយ។ បន្ថែមទៅទៀត ពួកសង្គ្រាជខ្លះខំប្រឹងផ្គាប់ផ្គុនឬយកចិត្តយកថ្លើមពួកអាជ្ញាធររ៉ូម។ នៅពេលដែលលោកពីឡាត់កំពុងតែវិនិច្ឆ័យទោសព្រះយេស៊ូ គាត់បានផ្ដល់នូវឱកាសឲ្យពួកសង្គ្រាជទទួលព្រះយេស៊ូជាស្តេច តែពួកសង្គ្រាជបានស្រែកខ្លាំងៗថា៖ «យើងខ្ញុំមានស្តេចតែសេសារទេ»។ (យ៉ូហាន ១៩:១៥)a ពួកសាវកមិនគ្រាន់តែបញ្ជាក់ថាព្រះយេស៊ូបានត្រូវប្រោសឲ្យរស់ឡើងវិញប៉ុណ្ណោះទេ ប៉ុន្តែពួកគាត់ក៏បានបង្រៀនថា ក្រៅពីព្រះនាមព្រះយេស៊ូ នោះ«នៅក្រោមមេឃ គ្មាននាមឈ្មោះណាទៀតបានប្រទានមកមនុស្សលោកឲ្យយើងរាល់គ្នាបានសង្គ្រោះនោះឡើយ»។ (កិច្ចការ ២:៣៦; ៤:១២) ពួកសង្គ្រាជបានព្រួយខ្លាចដោយគិតថា ប្រសិនបើប្រជាជនចាប់ផ្ដើមចាត់ទុកព្រះយេស៊ូដែលត្រូវប្រោសឲ្យរស់ឡើងវិញជាមគ្គុទ្ទេសក៍របស់ពួកគេ នោះពួករ៉ូមនឹងមកចាប់‹យកទាំងស្រុកនិងជាតិរបស់គេ›។—យ៉ូហាន ១១:៤៨

តើអ្នកស្ដាប់បង្គាប់អ្នកណា ព្រះឬក៏មនុស្ស?

ទស្សនាវដ្ដីប៉មយាម ២០០៦ | ១ មករា
- a នៅគ្រានោះ «សេសារ»គឺជាអធិរាជទីប៊ើរ ដែលមនុស្សទូទៅស្អប់ តែពួកសង្គ្រាជបានគាំទ្រទ្រង់ដោយឥតលាក់លៀម។ ទ្រង់ជាអធិរាជដែលមានពុតត្បុតហើយជាឃាតករផងដែរ។ ទ្រង់ក៏ត្រូវគេស្គាល់ទូទៅជាអ្នកប្រព្រឹត្តអំពើលាមកអាក្រក់ខាងកាម។—ដានីយ៉ែល ១១:១៥, ២១