-
លោកយេស៊ូបានត្រូវប្រោសឲ្យរស់ឡើងវិញ តើពិតជាបានកើតឡើងមែនឬ?ទស្សនាវដ្ដីប៉មយាម ២០១៣ | ១ មេសា
-
-
គ្រិស្តសាសនិកខ្លះដែលនៅក្រុងកូរិនថូសសម័យបុរាណបានយល់ច្រឡំអំពីរឿងនោះ ហើយអ្នកខ្លះទៀតមិនបានជឿទាល់តែសោះថា មនុស្សស្លាប់នឹងត្រូវប្រោសឲ្យរស់ឡើងវិញមែនទែនទេ។ ក្នុងសំបុត្រទី១ដែលសាវ័កប៉ូលសរសេរទៅគ្រិស្តសាសនិកនៅក្រុងកូរិនថូស គាត់បានរៀបរាប់អំពីលទ្ធផលដែលនឹងកើតឡើង បើមនុស្សស្លាប់នឹងមិនត្រូវប្រោសឲ្យរស់ឡើងវិញ។ គាត់បានសរសេរថា៖ «ប្រសិនបើមនុស្សស្លាប់នឹងមិនត្រូវប្រោសឲ្យរស់ឡើងវិញមែន នោះគ្រិស្តក៏មិនបានត្រូវប្រោសឲ្យរស់ឡើងវិញដែរ។ ប៉ុន្តែប្រសិនបើគ្រិស្តមិនបានត្រូវប្រោសឲ្យរស់ឡើងវិញ នោះការផ្សព្វផ្សាយរបស់យើងគ្មានប្រយោជន៍សោះ ហើយជំនឿរបស់យើងក៏គ្មានប្រយោជន៍ដែរ។ មិនត្រឹមតែប៉ុណ្ណោះទេ ប៉ុន្តែយើងក៏បានធ្វើជាសាក្សីក្លែងក្លាយអំពីព្រះដែរ . . . ជំនឿរបស់អ្នករាល់គ្នាគឺឥតប្រយោជន៍ទទេ ហើយការខុសឆ្គងរបស់អ្នករាល់គ្នាមិនបានត្រូវអភ័យទោសឲ្យឡើយ។ ឯពួកអ្នកដែលបានដេកលក់ក្នុងសេចក្ដីស្លាប់ក្នុងគ្រិស្តបានវិនាសសាបសូន្យដែរ»។—កូរិនថូសទី១ ១៥:១៣-១៨
-
-
លោកយេស៊ូបានត្រូវប្រោសឲ្យរស់ឡើងវិញ តើពិតជាបានកើតឡើងមែនឬ?ទស្សនាវដ្ដីប៉មយាម ២០១៣ | ១ មេសា
-
-
សូមគិតអំពីលទ្ធផលផ្សេងទៀត។ បើគ្រិស្តមិនបានប្រោសឲ្យរស់ពីស្លាប់ឡើងវិញទេ នោះអ្វីដែលគ្រិស្តសាសនិកជឿនឹងទៅជាការឥតប្រយោជន៍ អសារឥតការ និងជាជំនឿដែលមានមូលដ្ឋានលើពាក្យកុហក។ ម្យ៉ាងទៀត អ្វីដែលប៉ូលនិងអ្នកឯទៀតនិយាយគឺជាពាក្យមិនពិត មិនគ្រាន់តែអំពីការប្រោសលោកយេស៊ូឲ្យរស់ឡើងវិញប៉ុណ្ណោះទេ តែអំពីអ្នកដែលបានប្រោសលោកយេស៊ូឲ្យរស់ឡើងវិញ គឺព្រះយេហូវ៉ា។ មួយទៀត ការបញ្ជាក់ថាគ្រិស្តបាន«ទទួលមរណភាពដើម្បីលោះយើងពីភាពខុសឆ្គង»ក៏ជាពាក្យកុហកដែរ។ ព្រោះថាបើលោកដែលជាអ្នកសង្គ្រោះមិនបានត្រូវប្រោសឲ្យរស់ពីស្លាប់ឡើងវិញទេ នោះលោកក៏មិនអាចសង្គ្រោះមនុស្សឯទៀតបានដែរ។ (កូរិនថូសទី១ ១៥:៣) នោះមានន័យថា គ្រិស្តសាសនិកដែលបានស្លាប់ សូម្បីតែអ្នកដែលបានស្លាប់ដោយសារជំនឿរបស់ខ្លួន បានស្លាប់ទាំងមានគំនិតភាន់ច្រឡំថាពួកគេនឹងត្រូវប្រោសឲ្យរស់ឡើងវិញ។
-