-
តើកិច្ចប្រជុំរបស់សាក្សីព្រះយេហូវ៉ាអាចជួយអ្នកយ៉ាងដូចម្ដេច?សប្បាយនឹងជីវិតដែលគ្មានទីបញ្ចប់! អញ្ជើញទទួលប្រយោជន៍ពីការរៀនគម្ពីរ
-
-
មេរៀនទី១០
តើកិច្ចប្រជុំរបស់សាក្សីព្រះយេហូវ៉ាអាចជួយអ្នកយ៉ាងដូចម្ដេច?
តើអ្នកធ្លាប់ចូលរួមកិច្ចប្រជុំរបស់សាក្សីព្រះយេហូវ៉ាឬទេ? បើអ្នកមិនធ្លាប់ចូលរួមទេ អ្នកប្រហែលជាមានអារម្មណ៍ភ័យបន្តិចអំពីការចូលរួមកិច្ចប្រជុំជាលើកដំបូង។ អ្នកប្រហែលជាឆ្ងល់ថា ‹តើគេធ្វើអ្វីខ្លះនៅកិច្ចប្រជុំទាំងនោះ? ហេតុអ្វីកិច្ចប្រជុំទាំងនោះសំខាន់? ហេតុអ្វីខ្ញុំគួរចូលរួម?›។ ក្នុងមេរៀននេះ អ្នកនឹងរៀនថា តើការចូលរួមកិច្ចប្រជុំអាចជួយអ្នកឲ្យកាន់តែជិតស្និទ្ធជាមួយនឹងព្រះ ហើយអាចជួយអ្នកផ្ទាល់យ៉ាងដូចម្ដេច?
១. ហេតុអ្វីសាក្សីព្រះយេហូវ៉ាប្រជុំគ្នា?
សូមកត់សម្គាល់អ្វីដែលអ្នកសរសេរគម្ពីរម្នាក់បានប្រាប់អំពីមូលហេតុសំខាន់បំផុតក្នុងការប្រជុំគ្នា។ គាត់បានសរសេរថា៖ «ខ្ញុំនឹងសរសើរព្រះយេហូវ៉ាក្នុងក្រុមជំនុំធំ»។ (ចម្រៀងសរសើរព្រះ ២៦:១២) ដូចនៅសម័យនោះដែរ សាក្សីព្រះយេហូវ៉ាមានអំណរយ៉ាងខ្លាំងពេលជួបជុំគ្នា។ ជារៀងរាល់សប្ដាហ៍ ពួកគេប្រជុំគ្នាដើម្បីគោរពប្រណិប័តន៍ព្រះ ច្រៀងសរសើរលោក និងអធិដ្ឋានទៅលោក។ ប្រហែលបីឬបួនដងក្នុងមួយឆ្នាំ ពួកគេក៏ចូលរួមកិច្ចប្រជុំធំៗដើម្បីគោរពប្រណិប័តន៍ព្រះដែរ។
២. តើអ្នកនឹងរៀនអ្វីនៅកិច្ចប្រជុំរបស់យើង?
នៅកិច្ចប្រជុំយើងផ្ដោតទៅលើសេចក្ដីបង្រៀនពីបណ្ដាំរបស់ព្រះ ហើយស្ដាប់ការ«បកស្រាយអត្ថន័យ»ក្នុងបណ្ដាំរបស់លោក។ (សូមអាន នេហេមា ៨:៨) ម្យ៉ាងទៀត នៅឯកិច្ចប្រជុំ អ្នកនឹងរៀនអំពីព្រះយេហូវ៉ានិងគុណសម្បត្តិដ៏អស្ចារ្យរបស់លោក។ កាលដែលអ្នករៀនកាន់តែច្រើនអំពីសេចក្ដីស្រឡាញ់ដែលលោកមានចំពោះអ្នក នោះអ្នកនឹងកាន់តែជិតស្និទ្ធជាមួយនឹងលោក។ អ្នកក៏នឹងរៀនដែរអំពីរបៀបដែលលោកអាចជួយអ្នកឲ្យមានជីវិតដ៏គាប់ចិត្ត។—អេសាយ ៤៨:១៧, ១៨
៣. តើមនុស្សដែលអ្នកជួបនៅកិច្ចប្រជុំអាចជួយអ្នកយ៉ាងដូចម្ដេច?
ព្រះយេហូវ៉ាលើកទឹកចិត្តយើងឲ្យ‹គិតអំពីគ្នាទៅវិញទៅមក ដើម្បីលើកទឹកចិត្តគ្នាឲ្យមានសេចក្ដីស្រឡាញ់ និងការប្រព្រឹត្តដែលល្អប្រសើរ មិនមែនដោយគេចវេះការប្រជុំគ្នាទេ›។ (ហេប្រឺ ១០:២៤, ២៥) នៅឯកិច្ចប្រជុំ អ្នកនឹងជួបមនុស្សដែលមានសេចក្ដីស្រឡាញ់ស្មោះចំពោះគ្នា ហើយក៏ជាមនុស្សដែលចង់រៀនថែមទៀតអំពីព្រះដូចអ្នកដែរ។ អ្នកនឹងឮពាក្យសម្ដីដ៏លើកទឹកចិត្តពីគម្ពីរ។ (សូមអាន រ៉ូម ១:១១, ១២) ម្យ៉ាងទៀត អ្នកនឹងស្គាល់មនុស្សឯទៀតដែលបានយកឈ្នះបញ្ហាផ្សេងៗដែលពួកគេមាន។ នេះគ្រាន់តែជាមូលហេតុខ្លះប៉ុណ្ណោះដែលព្រះយេហូវ៉ាចង់ឲ្យយើងប្រជុំគ្នាជាទៀងទាត់!
បង្កើនចំណេះ
សូមស្វែងយល់ថា តើមានកម្មវិធីអ្វីខ្លះនៅកិច្ចប្រជុំរបស់សាក្សីព្រះយេហូវ៉ា? ហេតុអ្វីជាការល្អឲ្យយើងព្យាយាមចូលរួមកិច្ចប្រជុំទាំងនេះ?
៤. កិច្ចប្រជុំរបស់សាក្សីព្រះយេហូវ៉ា
នៅសតវត្សរ៍ទី១ គ្រិស្តសាសនិកប្រជុំគ្នាជាទៀងទាត់ដើម្បីគោរពប្រណិប័តន៍ព្រះយេហូវ៉ា។ (រ៉ូម ១៦:៣-៥) សូមអាន កូឡុស ៣:១៦ រួចពិភាក្សាសំណួរនេះ៖
ពេលគ្រិស្តសាសនិកនៅសម័យដើមជួបជុំគ្នាដើម្បីគោរពប្រណិប័តន៍ព្រះយេហូវ៉ា តើពួកគេបានធ្វើអ្វីខ្លះ?
នៅសព្វថ្ងៃ សាក្សីព្រះយេហូវ៉ាក៏ប្រជុំគ្នាជាទៀងទាត់នៅឯកន្លែងគោរពប្រណិប័តន៍ព្រះរបស់ពួកគេដែរ។ សូមមើលថា តើកិច្ចប្រជុំរបស់ពួកគេធ្វើឡើងយ៉ាងដូចម្ដេច? លេងវីដេអូ។ បន្ទាប់មក សូមមើលរូបភាពអំពីកិច្ចប្រជុំនៃក្រុមជំនុំមួយ រួចពិភាក្សាសំណួរដូចតទៅ៖
តើអ្នកឃើញថាអ្វីដែលធ្វើឡើងនៅសាលប្រជុំ និងអ្វីដែលអ្នកអាននៅកូឡុស ៣:១៦ ដូចគ្នាត្រង់ណាខ្លះ?
ក្នុងវីដេអូឬក្នុងរូបភាព តើមានអ្វីទៀតដែលអ្នកចូលចិត្តអំពីកិច្ចប្រជុំ?
សូមអាន កូរិនថូសទី២ ៩:៧ រួចពិភាក្សាសំណួរនេះ៖
ហេតុអ្វីនៅកិច្ចប្រជុំរបស់សាក្សីព្រះយេហូវ៉ាគ្មានការរៃអង្គាសប្រាក់?
សូមមើលជាមួយគ្នានូវប្រធានបទដែលយើងនឹងរៀនក្នុងកម្មវិធីកិច្ចប្រជុំសម្រាប់សប្ដាហ៍នេះ។
តើផ្នែកមួយណានៅកិច្ចប្រជុំដែលអ្នកមើលទៅគួរឲ្យចាប់អារម្មណ៍ជាងគេ?
តើអ្នកដឹងទេ?
ក្នុង jw.org/km អ្នកអាចរកឃើញទីកន្លែងនិងពេលវេលានៃកិច្ចប្រជុំរបស់សាក្សីព្រះយេហូវ៉ានៅទូទាំងពិភពលោក។
ក. នៅកិច្ចប្រជុំរបស់យើងមានសុន្ទរកថា ការសម្ដែង និងវីដេអូ។ កិច្ចប្រជុំចាប់ផ្ដើមហើយបញ្ចប់ដោយចម្រៀងនិងសេចក្ដីអធិដ្ឋាន
ខ. ក្នុងអំឡុងផ្នែកខ្លះនៃកម្មវិធី អ្នកស្ដាប់អាចចូលរួមឆ្លើយបាន
គ. យើងសូមស្វាគមន៍មនុស្សទាំងអស់ គឺក្មេងចាស់ ប្រុសស្រី អ្នកនៅលីវ និងអ្នករៀបការហើយ
ឃ. ចូលរួមកិច្ចប្រជុំដោយឥតគិតថ្លៃ។ សាក្សីព្រះយេហូវ៉ាមិនមានការរៃអង្គាសប្រាក់ឬឲ្យបង់លុយទេ
៥. ដើម្បីចូលរួមកិច្ចប្រជុំតម្រូវឲ្យខំព្យាយាម
សូមពិចារណាអំពីគំរូរបស់ក្រុមគ្រួសារលោកយេស៊ូ។ ដើម្បីចូលរួមកិច្ចប្រជុំប្រចាំឆ្នាំ ពួកគាត់បានដើរអស់ប្រហែល១០០គីឡូម៉ែត្រ កាត់តំបន់ភ្នំរដិបរដុបពីក្រុងណាសារ៉ែតទៅក្រុងយេរូសាឡិម។ សូមអាន លូកា ២:៣៩-៤២ រួចពិភាក្សាសំណួរដូចតទៅ៖
តើអ្នកគិតថាការធ្វើដំណើរទៅក្រុងយេរូសាឡិមតម្រូវឲ្យខំព្យាយាមទេ?
តើអ្នកប្រហែលជាត្រូវយកឈ្នះបញ្ហាអ្វីខ្លះដើម្បីចូលរួមកិច្ចប្រជុំ?
ទោះជាយ៉ាងនោះក៏ដោយ តើអ្នកគិតថាគួរចូលរួមកិច្ចប្រជុំឬទេ? ហេតុអ្វី?
គម្ពីរប្រាប់ថាការប្រជុំគ្នាដើម្បីគោរពប្រណិប័តន៍ព្រះគឺជារឿងសំខាន់ណាស់។ សូមអាន ហេប្រឺ ១០:២៤, ២៥ រួចពិភាក្សាសំណួរនេះ៖
ហេតុអ្វីយើងគួរចូលរួមកិច្ចប្រជុំជាទៀងទាត់?
មនុស្សខ្លះនិយាយថា៖ «មិនចាំបាច់ទៅកិច្ចប្រជុំទេ រៀននៅផ្ទះគ្រប់គ្រាន់ហើយ»។
តើបទគម្ពីរឬគំរូមួយណាក្នុងគម្ពីរដែលប្រាប់អំពីអ្វីដែលព្រះយេហូវ៉ាចង់ឲ្យយើងធ្វើ?
សេចក្ដីសង្ខេប
ការចូលរួមកិច្ចប្រជុំនឹងជួយអ្នកឲ្យរៀនថែមទៀតអំពីព្រះយេហូវ៉ា ពង្រឹងចំណងមិត្តភាពរបស់អ្នកជាមួយនឹងលោក ព្រមទាំងជួយអ្នកឲ្យគោរពប្រណិប័តន៍លោកជាមួយនឹងអ្នកឯទៀត។
រៀនសាឡើងវិញ
ហេតុអ្វីព្រះយេហូវ៉ាលើកទឹកចិត្តយើងឲ្យប្រជុំគ្នា?
តើអ្នកនឹងរៀនអ្វីនៅកិច្ចប្រជុំរបស់សាក្សីព្រះយេហូវ៉ា?
តើអ្នកគិតថាការចូលរួមកិច្ចប្រជុំអាចជួយអ្នកអ្វីថែមទៀត?
ស្វែងយល់ថែមទៀត
ចុះបើអ្នកមានអារម្មណ៍ភ័យអំពីការចូលរួមកិច្ចប្រជុំ? សូមមើលបទពិសោធន៍របស់បុរសម្នាក់ដែលធ្លាប់ភ័យ តែក្រោយមកគាត់ចូលចិត្តកិច្ចប្រជុំយ៉ាងខ្លាំង។
សូមមើលថា តើបុរសវ័យក្មេងម្នាក់ចូលចិត្តកិច្ចប្រជុំខ្លាំងយ៉ាងណា? ហើយតើគាត់បានធ្វើអ្វីដើម្បីបន្តចូលរួម?
សូមរៀនថា តើអ្នកឯទៀតមានអារម្មណ៍យ៉ាងណាអំពីការចូលរួមកិច្ចប្រជុំ?
«ហេតុអ្វីចាំបាច់ចូលរួមកិច្ចប្រជុំនៅឯសាលប្រជុំ?» (អត្ថបទក្នុងគេហទំព័រ)
សូមរៀនអំពីបុរសដ៏ឃោរឃៅម្នាក់ក្នុងក្រុមបងធំបានកែប្រែជីវិត ក្រោយពីគាត់ចូលរួមកិច្ចប្រជុំរបស់សាក្សីព្រះយេហូវ៉ា។
-
-
រាជាណាចក្ររបស់ព្រះចាប់ផ្ដើមគ្រប់គ្រងហើយ!សប្បាយនឹងជីវិតដែលគ្មានទីបញ្ចប់! អញ្ជើញទទួលប្រយោជន៍ពីការរៀនគម្ពីរ
-
-
៥. ពិភពលោកបានប្រែប្រួលតាំងពីឆ្នាំ១៩១៤
លោកយេស៊ូបានប្រកាសទុកជាមុនថា ពិភពលោកនឹងមានស្ថានភាពបែបណាក្រោយពីលោកទៅជាស្ដេច។ សូមអាន លូកា ២១:៩-១១ រួចពិភាក្សាសំណួរនេះ៖
យោងតាមខទាំងនោះ តើអ្នកធ្លាប់ឃើញឬធ្លាប់ឮអំពីស្ថានភាពណាខ្លះ?
សាវ័កប៉ូលបានរៀបរាប់អំពីលក្ខណៈមនុស្សក្នុងគ្រាចុងក្រោយបង្អស់នៃការគ្រប់គ្រងរបស់មនុស្ស។ សូមអាន ធីម៉ូថេទី២ ៣:១-៥ រួចពិភាក្សាសំណួរនេះ៖
យោងតាមខទាំងនោះ តើអ្នកឃើញថាមនុស្សនៅសព្វថ្ងៃមានលក្ខណៈបែបណាខ្លះ?
៦. ការគ្រប់គ្រងនៃរាជាណាចក្ររបស់ព្រះគួរជំរុញចិត្តយើងឲ្យចាត់វិធានការ
សូមអាន ម៉ាថាយ ២៤:៣, ១៤ រួចពិភាក្សាសំណួរដូចតទៅ៖
តើកិច្ចការដ៏សំខាន់អ្វីដែលបង្ហាញថារាជាណាចក្ររបស់ព្រះចាប់ផ្ដើមគ្រប់គ្រងហើយ?
តើអ្នកអាចរួមចំណែកក្នុងកិច្ចការនេះយ៉ាងដូចម្ដេច?
ឥឡូវរាជាណាចក្រព្រះកំពុងគ្រប់គ្រង ហើយថ្ងៃដែលរាជាណាចក្រព្រះនឹងគ្រប់គ្រងយ៉ាងពេញលេញលើផែនដី គឺជិតដល់ហើយ។ សូមអាន ហេប្រឺ ១០:២៤, ២៥ រួចពិភាក្សាសំណួរនេះ៖
តើយើងម្នាក់ៗគួរធ្វើអ្វី ពេលដែលយើង«ឃើញថ្ងៃនោះកាន់តែខិតចូលមកដល់»?
ប្រសិនបើអ្នកបានរៀនអ្វីមួយដែលអាចជួយសង្គ្រោះអ្នកឯទៀត តើអ្នកនឹងធ្វើអ្វី?
-