-
គម្ពីរជាសំបុត្រពីព្រះសម្រាប់យើងសប្បាយនឹងជីវិតដែលគ្មានទីបញ្ចប់! អញ្ជើញទទួលប្រយោជន៍ពីការរៀនគម្ពីរ
-
-
១. បើមនុស្សជាអ្នកសរសេរគម្ពីរ ហេតុអ្វីនិយាយថាព័ត៌មានក្នុងគម្ពីរមកពីព្រះ?
មនុស្សប្រហែលជា៤០នាក់បានសរសេរគម្ពីរ។ សៀវភៅដំបូងក្នុងគម្ពីរបានត្រូវសរសេរប្រហែល៣.៥០០ឆ្នាំមុន ហើយសៀវភៅចុងក្រោយបានត្រូវសរសេរប្រហែល១.៩០០ឆ្នាំមុន។ ពួកអ្នកសរសេរគម្ពីរមានប្រវត្តិនិងមកពីមជ្ឈដ្ឋានខុសៗគ្នា ប៉ុន្តែអ្វីដែលពួកគេបានសរសេរក្នុងគម្ពីរគឺស្របគ្នាទាំងអស់។ ហេតុអ្វីនេះអាចកើតឡើងបាន? ដោយសារអ្វីដែលពួកគេសរសេរគឺមកពីព្រះ។ (សូមអាន ថែស្សាឡូនិចទី១ ២:១៣) ពួកអ្នកសរសេរគម្ពីរមិនបានកត់ទុកគំនិតរបស់ពួកគេទេ។ ផ្ទុយទៅវិញ ពួកគេ«បាននិយាយអ្វីដែលមកពីព្រះ ដោយមានឫទ្ធានុភាពបរិសុទ្ធដឹកនាំពួកគេ»។a (ពេត្រុសទី២ ១:២១) ព្រះបានប្រើឫទ្ធានុភាពបរិសុទ្ធដើម្បីដឹកនាំ ឬជំរុញចិត្តពួកគេឲ្យកត់ទុកគំនិតរបស់លោក។—ធីម៉ូថេទី២ ៣:១៦
-
-
តើព្រះយេហូវ៉ាជាព្រះបែបណា?សប្បាយនឹងជីវិតដែលគ្មានទីបញ្ចប់! អញ្ជើញទទួលប្រយោជន៍ពីការរៀនគម្ពីរ
-
-
៤. ឫទ្ធានុភាពបរិសុទ្ធជាកម្លាំងដ៏ខ្លាំងក្លារបស់ព្រះ
យើងប្រើដៃដើម្បីធ្វើការ។ ស្រដៀងគ្នាដែរ ព្រះយេហូវ៉ាប្រើឫទ្ធានុភាពបរិសុទ្ធរបស់លោកដើម្បីធ្វើអ្វីដែលលោកចង់ធ្វើ។ គម្ពីរប្រាប់ថាឫទ្ធានុភាពបរិសុទ្ធមិនមែនជាបុគ្គលមួយរូបទេ តែជាកម្លាំងដ៏ខ្លាំងក្លាដែលព្រះប្រើដើម្បីសម្រេចអ្វីផ្សេងៗ។ សូមអាន លូកា ១១:១៣ និងសកម្មភាព ២:១៧ រួចពិភាក្សាសំណួរដូចតទៅ៖
ព្រះនឹង«ចាក់»ឫទ្ធានុភាពបរិសុទ្ធរបស់លោកទៅលើអស់អ្នកដែលសុំពីលោក។ ដូច្នេះ តើអ្នកគិតថាឫទ្ធានុភាពបរិសុទ្ធជាបុគ្គលមួយរូប ឬជាកម្លាំងដ៏ខ្លាំងក្លារបស់ព្រះ? ហេតុអ្វីអ្នកគិតដូច្នេះ?
ព្រះយេហូវ៉ាប្រើឫទ្ធានុភាពបរិសុទ្ធរបស់លោកដើម្បីសម្រេចអ្វីៗដ៏អស្ចារ្យ។ សូមអាន ចម្រៀងសរសើរព្រះ ៣៣:៦ និងពេត្រុសទី២ ១:២០, ២១ រួចពិភាក្សាសំណួរនេះ៖
តើព្រះយេហូវ៉ាបានប្រើឫទ្ធានុភាពបរិសុទ្ធរបស់លោកតាមវិធីណាខ្លះ?
-