-
តើទេវតាជាអ្នកណា ហើយមានតួនាទីអ្វី?សប្បាយនឹងជីវិតដែលគ្មានទីបញ្ចប់! អញ្ជើញទទួលប្រយោជន៍ពីការរៀនគម្ពីរ
-
-
២. តើសាថាននិងពួកវិញ្ញាណកំណាចរបស់វាជាអ្នកណា?
ទេវតាខ្លះមិនបានស្មោះត្រង់ចំពោះព្រះយេហូវ៉ាទេ។ ទេវតាដែលបានបះបោរប្រឆាំងព្រះមុនគេ «ហៅថាមេកំណាចនិងសាថាន វាជាអ្នកដែលកំពុងបំភាន់ពិភពលោកទាំងមូល»។ (ការបើកបង្ហាញ ១២:៩) សាថានចង់គ្រប់គ្រងលើអ្នកឯទៀត ដូច្នេះវាបាននាំមនុស្សដំបូងឲ្យបះបោរប្រឆាំងដែរ។ ក្រោយមក វាបាននាំទេវតាផ្សេងទៀត ឲ្យចូលរួមជាមួយនឹងវា។ ពួកទេវតាដែលបានបះបោរប្រឆាំងព្រះហៅថា ពួកវិញ្ញាណកំណាច។ ព្រះយេហូវ៉ាបានបណ្ដេញពួកវាចេញពីស្ថានសួគ៌ឲ្យមកផែនដី ហើយមិនយូរទៀត ពួកវានឹងត្រូវបំផ្លាញចោល។—សូមអាន ការបើកបង្ហាញ ១២:៩, ១២
៣. តើសាថាននិងពួកវិញ្ញាណកំណាចព្យាយាមបំភាន់មនុស្សតាមរយៈអ្វី?
សាថាននិងពួកវិញ្ញាណកំណាចបំភាន់មនុស្សជាច្រើនតាមរយៈអំពើផ្សេងៗ ដែលនាំឲ្យពួកគេទាក់ទងនឹងពួកវិញ្ញាណ។ ជាឧទាហរណ៍ មនុស្សខ្លះបានទៅរកពួកហោរាសាស្ត្រ គ្រូទាយ និងគ្រូធ្មប់ជាដើម។ ឯមនុស្សខ្លះទៀតខំស្វែងរកវិធីព្យាបាលដែលទាក់ទងនឹងពួកវិញ្ញាណ។ ចំណែកមនុស្សខ្លះទៀតក៏បានត្រូវបោកបញ្ឆោតឲ្យជឿដែរថា ពួកគេអាចនិយាយជាមួយនឹងមនុស្សស្លាប់បាន។ ប៉ុន្តែ ព្រះយេហូវ៉ាព្រមានយើងថា៖ «កុំទៅរកគ្រូខាបឬគ្រូទាយឲ្យសោះ»។ (ច្បាប់លេវី ១៩:៣១) លោកផ្ដល់ការព្រមាននេះ ដើម្បីការពារយើងពីសាថាននិងពួកវិញ្ញាណកំណាច។ ពួកវាជាសត្រូវរបស់ព្រះ ដូច្នេះពួកវាចង់ធ្វើបាបយើង។
-
-
រាជាណាចក្ររបស់ព្រះចាប់ផ្ដើមគ្រប់គ្រងហើយ!សប្បាយនឹងជីវិតដែលគ្មានទីបញ្ចប់! អញ្ជើញទទួលប្រយោជន៍ពីការរៀនគម្ពីរ
-
-
២. ចាប់តាំងពីឆ្នាំ១៩១៤ តើពិភពលោកមានព្រឹត្តិការណ៍អ្វីខ្លះ? ហើយតើមនុស្សមានលក្ខណៈបែបណា?
នៅសម័យលោកយេស៊ូ ពួកអ្នកកាន់តាមលោកបានសួរលោកថា៖ «តើអ្វីជាសញ្ញាសម្គាល់ដែលបញ្ជាក់វត្តមានរបស់លោក និងគ្រាចុងបញ្ចប់នៃរបៀបរបបពិភពលោក?»។ (ម៉ាថាយ ២៤:៣) លោកយេស៊ូបានឆ្លើយទៅពួកគេ ដោយប្រាប់ទុកជាមុនអំពីព្រឹត្តិការណ៍ផ្សេងៗជាច្រើនដែលនឹងកើតឡើង ក្រោយពីលោកចាប់ផ្ដើមគ្រប់គ្រងជាស្ដេចក្នុងរាជាណាចក្ររបស់ព្រះនៅស្ថានសួគ៌។ ព្រឹត្តិការណ៍ទាំងនេះរួមមាន សង្គ្រាម ការអត់ឃ្លាន និងរញ្ជួយដី។ (សូមអាន ម៉ាថាយ ២៤:៧) គម្ពីរក៏បានប្រាប់ទុកជាមុនដែរថា លក្ខណៈរបស់មនុស្ស«នៅគ្រាចុងក្រោយបង្អស់» នឹងធ្វើឲ្យជីវិតមនុស្ស«លំបាកខ្លាំងណាស់»។ (ធីម៉ូថេទី២ ៣:១-៥) ជាពិសេសតាំងពីឆ្នាំ១៩១៤ ស្ថានភាពក្នុងពិភពលោកនិងលក្ខណៈទាំងនេះរបស់មនុស្ស បានសឲ្យឃើញកាន់តែច្បាស់។
៣. ចាប់តាំងពីរាជាណាចក្ររបស់ព្រះចាប់ផ្ដើមគ្រប់គ្រង ហេតុអ្វីស្ថានភាពពិភពលោកកាន់តែអាក្រក់ទៅ?
មិនយូរក្រោយពីលោកយេស៊ូបានទៅជាស្ដេចនៃរាជាណាចក្រព្រះ លោកបានធ្វើសង្គ្រាមប្រឆាំងសាថាននិងពួកវិញ្ញាណកំណាចនៅស្ថានសួគ៌។ សាថានបានចាញ់សង្គ្រាមនោះ។ គម្ពីរចែងថា៖ «វាបានត្រូវបោះទម្លាក់ទៅផែនដី ហើយបណ្ដាទេវតារបស់វាក៏បានត្រូវបោះទម្លាក់ទៅជាមួយនឹងវាដែរ»។ (ការបើកបង្ហាញ ១២:៩, ១០, ១២) សាថានខឹងខ្លាំងណាស់ ដោយសារវាដឹងថាវានឹងត្រូវបំផ្លាញចោល។ ដូច្នេះ វាធ្វើឲ្យមានការឈឺចាប់និងទុក្ខវេទនាពេញផែនដី។ នេះជួយយើងឲ្យយល់អំពីមូលហេតុដែលស្ថានភាពក្នុងពិភពលោកអាក្រក់ខ្លាំងណាស់! រាជាណាចក្ររបស់ព្រះនឹងបំបាត់ចោលបញ្ហាទាំងអស់នោះ។
-
-
រាជាណាចក្ររបស់ព្រះចាប់ផ្ដើមគ្រប់គ្រងហើយ!សប្បាយនឹងជីវិតដែលគ្មានទីបញ្ចប់! អញ្ជើញទទួលប្រយោជន៍ពីការរៀនគម្ពីរ
-
-
៥. ពិភពលោកបានប្រែប្រួលតាំងពីឆ្នាំ១៩១៤
លោកយេស៊ូបានប្រកាសទុកជាមុនថា ពិភពលោកនឹងមានស្ថានភាពបែបណាក្រោយពីលោកទៅជាស្ដេច។ សូមអាន លូកា ២១:៩-១១ រួចពិភាក្សាសំណួរនេះ៖
យោងតាមខទាំងនោះ តើអ្នកធ្លាប់ឃើញឬធ្លាប់ឮអំពីស្ថានភាពណាខ្លះ?
សាវ័កប៉ូលបានរៀបរាប់អំពីលក្ខណៈមនុស្សក្នុងគ្រាចុងក្រោយបង្អស់នៃការគ្រប់គ្រងរបស់មនុស្ស។ សូមអាន ធីម៉ូថេទី២ ៣:១-៥ រួចពិភាក្សាសំណួរនេះ៖
យោងតាមខទាំងនោះ តើអ្នកឃើញថាមនុស្សនៅសព្វថ្ងៃមានលក្ខណៈបែបណាខ្លះ?
-