-
ព្រះរាជាណាចក្ររបស់ព្រះ គឺប្រសើរលើសការគ្រប់គ្រងឯទៀតទស្សនាវដ្ដីប៉មយាម ២០០៦ | ១ សីហា
-
-
ទីតាំងរបស់ព្រះយេស៊ូនិងអ្នកចូលរួមគ្រប់គ្រងជាមួយទ្រង់គឺនៅស្ថានសួគ៌។ នៅក្នុងសុបិនព្រះបានធ្វើឲ្យដានីយ៉ែលឃើញជាមុនថា «រាជ្យនឹងអំណាចគ្រប់គ្រង . . . បានប្រគល់ដល់បណ្ដាជន ជាពួកបរិសុទ្ធ»។ (ដានីយ៉ែល ៧:២៧) ព្រះយេស៊ូមិនគ្រប់គ្រងតែមួយអង្គទ្រង់ទេ។ ទ្រង់មានអ្នកឯទៀតដែលនឹងសោយរាជ្យជាស្តេចនិងបម្រើជាសង្ឃជាមួយទ្រង់។ (វិវរណៈ ៥:៩, ១០; ២០:៦) ស្តីអំពីពួកគាត់ សាវ័កយ៉ូហានបានសរសេរថា «ខ្ញុំក្រឡេកទៅឃើញកូនចៀម ឈរនៅលើភ្នំស៊ីយ៉ូន ហើយមានមនុស្ស១សែន៤ម៉ឺន៤ពាន់នាក់ . . . ដែលទ្រង់លោះពីផែនដី»។—វិវរណៈ ១៤:១-៣
កូនចៀមតំណាងព្រះយេស៊ូដែលជាស្តេចក្នុងព្រះរាជាណាចក្ររបស់ព្រះ។ (យ៉ូហាន ១:២៩; វិវរណៈ ២២:៣) ភ្នំស៊ីយ៉ូនសំដៅទៅស្ថានសួគ៌។a (ហេព្រើរ ១២:២២) ព្រះយេស៊ូនិងអ្នកចូលរួមគ្រប់គ្រងជាមួយទ្រង់ដែលមានចំនួន១៤៤.០០០នាក់នឹងគ្រប់គ្រងពីស្ថានសួគ៌មក។ ពិតជាទីតាំងដ៏ខ្ពង់ខ្ពស់មែនសម្រាប់ការគ្រប់គ្រង! ដោយសារពួកគាត់នៅស្ថានសួគ៌ នោះពួកគាត់អាចឃើញអ្វីៗទាំងអស់។ ស្ថានសួគ៌ជាទីតាំងរបស់ពួកគាត់ ដោយហេតុនេះ‹នគរព្រះ›ក៏បានត្រូវហៅថា «នគរស្ថានសួគ៌»ដែរ។ (លូកា ៨:១០; ម៉ាថាយ ១៣:១១) គ្មានសស្ដ្រាវុធណាឬអាវុធបរមាណូណាអាចគំរាមកំហែងឬបំផ្លាញរដ្ឋាភិបាលស្ថានសួគ៌បានឡើយ។ គ្មាននរណាអាចផ្ដួលរំលំបាន ហើយរដ្ឋាភិបាលនោះនឹងសម្រេចតាមគោលបំណងរបស់ព្រះ។—ហេព្រើរ ១២:២៨
-
-
ព្រះរាជាណាចក្ររបស់ព្រះ គឺប្រសើរលើសការគ្រប់គ្រងឯទៀតទស្សនាវដ្ដីប៉មយាម ២០០៦ | ១ សីហា
-
-
a ស្តេច ដាវីឌនៃអ៊ីស្រាអែលពីបុរាណចាប់យកបានទីមាំមួនឈ្មោះភ្នំស៊ីយ៉ូនពីសាសន៍យេប៊ូសហើយយកទីក្រុងនោះជារាជធានីរបស់ទ្រង់។ (សាំយូអែលទី២ ៥:៦, ៧, ៩) ទ្រង់ក៏បាននាំយកហឹបរបស់ព្រះយេហូវ៉ាទៅទីនោះដែរ។ (សាំយូអែលទី២ ៦:១៧) ដោយសារហឹបនោះជាប់ទាក់ទងទៅនឹងវត្តមានរបស់ព្រះយេហូវ៉ា ស៊ីយ៉ូនបានត្រូវហៅថាដំណាក់របស់ព្រះ ហើយហេតុនោះស៊ីយ៉ូនជានិមិត្តរូបដ៏សមរម្យនៃស្ថានសួគ៌។—និក្ខមនំ ២៥:២២; លេវីវិន័យ ១៦:២; ទំនុកដំកើង ៩:១១; វិវរណៈ ១១:១៩
-