ចម្រៀងលេខ៨៨
សូមឲ្យខ្ញុំស្គាល់ផ្លូវរបស់លោក
១. ព្រះយេហូវ៉ាយើងខ្ញុំបានមកជួបជុំគ្នា
ដោយទទួលការអញ្ជើញពីបិតា
បណ្ដាំលោកជាចង្កៀងដែលបំភ្លឺផ្លូវយើង
ជាប្រភពការបង្រៀនយ៉ាងអស្ចារ្យ។
(បន្ទរ)
សូមបង្រៀនខ្ញុំឲ្យខ្ញុំយល់ផ្លូវបិតា
ការបង្គាប់លោកខ្ញុំស្ដាប់អស់ពីចិន្ដា
ជួយខ្ញុំដើរតាមក្ដីពិតត្រឹមត្រូវថ្លាថ្លៃ
ច្បាប់របស់លោកខ្ញុំត្រេកអររៀងរាល់ថ្ងៃ។
២. ប្រាជ្ញារបស់លោកគឺជ្រាលជ្រៅពន់ប្រមាណ
ការវិនិច្ឆ័យនៃលោកយើងទុកចិត្ត
បណ្ដាំរបស់លោកវិសេសអស្ចារ្យក្រៃលែង
ប្រសាសន៍របស់លោកនឹងនៅថេរឋិត។
(បន្ទរ)
សូមបង្រៀនខ្ញុំឲ្យខ្ញុំយល់ផ្លូវបិតា
ការបង្គាប់លោកខ្ញុំស្ដាប់អស់ពីចិន្ដា
ជួយខ្ញុំដើរតាមក្ដីពិតត្រឹមត្រូវថ្លាថ្លៃ
ច្បាប់របស់លោកខ្ញុំត្រេកអររៀងរាល់ថ្ងៃ៕