បណ្ណាល័យអ៊ីនធឺណិតរបស់ប៉មយាម

ចូរជូនទស្សនាវដ្ដីក្នុងកិច្ចផ្សព្វផ្សាយ

២០០៥ កិច្ចបម្រើព្រះ | កុម្ភៈ
- ចូរជូនទស្សនាវដ្ដីក្នុងកិច្ចផ្សព្វផ្សាយ
  
  ^១ «ពិតជាគួរឲ្យចាប់អារម្មណ៍ ទាន់សម័យ ហើយលើកទឹកចិត្តយើងមែន»។ «នោះជាទស្សនាវដ្ដីដែលលើកទឹកចិត្តមនុស្សខ្លាំងបំផុត»។ ប្រសាសន៍ទាំងនេះបញ្ជាក់យ៉ាងត្រឹមត្រូវនូវអារម្មណ៍របស់មនុស្សទូទាំងពិភពលោក ដែលធ្លាប់អានទស្សនាវដ្ដីប៉មយាមនិងភ្ញាក់រឭក! ទស្សនាវដ្ដីរបស់យើងពិតជាជំនួយដ៏មានតម្លៃកាត់ថ្លៃពុំបានសំរាប់ការផ្សាយដំណឹងល្អឲ្យ«មនុស្សទាំងអស់»បានឮ។—១ធី. ២:៤
  
  ^២ ពាណិជ្ជករម្នាក់បានទទួលទស្សនាវដ្ដីភ្ញាក់រឭក!មួយក្បាល ដែលរៀបរាប់អំពីរឿងមួយដែលគាត់ចាប់អារម្មណ៍។ ក្រោយមកទៀត គាត់អានទស្សនាវដ្ដីប៉មយាម ហើយក្នុងនោះមានអត្ថបទមួយដែលនាំឲ្យគាត់គិតពិចារណាអំពីលទ្ធិព្រះឯកត្រីអង្គ ជាលទ្ធិដែលគាត់ធ្លាប់ជឿតាំងពីតូច។ នេះបានធ្វើឲ្យគាត់ចាប់អារម្មណ៍។ ប្រាំមួយខែក្រោយមក គាត់បានទទួលបុណ្យជ្រមុជទឹក។ បុរសម្នាក់ទៀតធ្លាប់ទទួលទស្សនាវដ្ដីជាទៀងទាត់ តែមិនដែលអានទេ។ ប្រពន្ធរបស់បុរសនោះមិនព្រមនិយាយជាមួយស្មរបន្ទាល់ព្រះយេហូវ៉ាទេ ប៉ុន្តែតែងតែអានទស្សនាវដ្ដីដែលស្មរបន្ទាល់ជូនឲ្យប្ដីគាត់។ ប្រពន្ធរបស់បុរសនោះបានរំជួលចិត្តពេលដែលអានអំពីសេចក្ដីសន្យាក្នុងព្រះគម្ពីរអំពីសួនមនោរម្យនៅលើផែនដីដែលពោរពេញទៅដោយមនុស្សសុចរិត។ ក្រោយមកប្រពន្ធបុរសនោះ កូនប្រុស ហើយប្អូនស្រីរបស់ប្រពន្ធបានទៅជាអ្នកបំរើព្រះយេហូវ៉ា។
  
  ^៣ ដូចឧទាហរណ៍ទាំងនេះបង្ហាញនោះ យើងមិនអាចដឹងថាអ្នកណានឹងអានទស្សនាវដ្ដីរបស់យើង ហើយក៏មិនអាចដឹងថាអត្ថបទមួយណានឹងធ្វើឲ្យពួកគេចាប់អារម្មណ៍ដែរ។ (សាស. ១១:៦) ក្នុងកាលៈទេសៈខ្លះ ប្រហែលជាការល្អបើយើងជូនអ្នកចាប់អារម្មណ៍ទស្សនាវដ្ដីពីរបីក្បាលអំពីរឿងផ្សេងៗនោះ។
  
  ^៤ ជាការល្អបើកំណត់មួយថ្ងៃរៀងរាល់សប្ដាហ៍សំរាប់ចែកទស្សនាវដ្ដី។ ប្រក្រតិទិនស្មរបន្ទាល់ព្រះយេហូវ៉ា ឆ្នាំ២០០៥កំណត់រាល់ថ្ងៃសៅរ៍ជា«ថ្ងៃចែកទស្សនាវដ្ដី»។ ប្រហែលជាបងប្អូនខ្លះកំណត់ថ្ងៃមួយផ្សេងទៀតសំរាប់ចែកទស្សនាវដ្ដី សមស្របតាមកាលៈទេសៈរបស់ខ្លួនឬតាមតំបន់។ តើអ្នកបានកំណត់មួយថ្ងៃសំរាប់ចែកទស្សនាវដ្ដីដែរទេ?
  
  ^៥ ចូររៀបចំគោលដៅផ្ទាល់ខ្លួន: បើរៀបចំគោលដៅផ្ទាល់ខ្លួនក្នុងការចែកទស្សនាវដ្ដីរាល់ខែ នោះអាចជួយឲ្យយើងយកចិត្តទុកដាក់ច្រើនជាងទៅលើការចែកទស្សនាវដ្ដី។ តើអ្នករៀបចំផ្ដល់ទស្សនាវដ្ដីឲ្យអ្នកចាប់អារម្មណ៍ដែលចង់ទទួលជាទៀងទាត់ទេ? តើអ្នកបង្ហាញទស្សនាវដ្ដីដល់ម្ចាស់ផ្ទះក្នុងកិច្ចផ្សព្វផ្សាយឬទេ? តើអ្នកអាចចែកទស្សនាវដ្ដីពេលដែលផ្សាយតាមផ្លូវថ្នល់ នៅតំបន់ជំនួញ ឬនៅកន្លែងសាធារណៈឬទេ? តើអ្នកយកទស្សនាវដ្ដីទៅជាមួយពេលដែលត្រូវធ្វើដំណើរ ពេលទៅផ្សារឬកន្លែងណាផ្សេងទៀតឬទេ? ចូរឆ្លៀតគ្រប់ឱកាសដែលសមរម្យដើម្បីជួយឲ្យអ្នកឯទៀតទទួលប្រយោជន៍ពីទស្សនាវដ្ដីប៉មយាម។
  
  ^៦ យើងក៏អាចរៀបចំឲ្យមានគោលដៅចែកទស្សនាវដ្ដីដែលយើងមានសល់ពីខែមុនៗបានដែរ។ ពត៌មានក្នុងទស្សនាវដ្ដីនៅមានតម្លៃ ទោះបើទស្សនាវដ្ដីនោះសំរាប់ចែកនៅខែមុនឬពីរខែមុនក៏ដោយ។ ចូរចែកដល់មនុស្សចាប់អារម្មណ៍ចុះ! សំរាប់មនុស្សរាប់លាននាក់ ទស្សនាវដ្ដីប៉មយាមនិងភ្ញាក់រឭក!ជា‹ពាក្យដែលចំពេល›។ (សុ. ២៥:១១) ចូរប្រើទស្សនាវដ្ដីរបស់យើងដើម្បីជួយឲ្យមនុស្សរាប់លាននាក់ស្គាល់ហើយបំរើព្រះយេហូវ៉ា។

អ្វីដែលយើងអាចនិយាយអំពីទស្សនាវដ្ដីយើង

២០០៥ កិច្ចបម្រើព្រះ | កុម្ភៈ
- អ្វីដែលយើងអាចនិយាយអំពីទស្សនាវដ្ដីយើង
  
  ប៉មយាម ថ្ងៃទី១ ខែមីនា
  
  «យើងឮមនុស្សជាច្រើននិយាយថា ‹ធ្វើល្អបានល្អ› តែយើងគួរសួរខ្លួនយើងសំនួរមួយគឺ ‹តើ«អំពើល្អ»ជាអ្វី?› យោបល់របស់មនុស្សស្តីអំពីអ្វីដែលជា«អំពើល្អ»គឺខុសគ្នា ដូចជាយើងឃើញតាមអ្វីដែលសព្វវចនាធិប្បាយមួយចែងប្រាប់ [អាន ទំព័រទី៤វគ្គ៣ក្នុងទស្សនាវដ្ដីប៉មយាម] សូមកត់សម្គាល់អ្នកណាដែលជាប្រភពនៃការណែនាំយោងទៅតាមសៀវភៅបុរាណនេះ។ [អាន ទំនុកដំកើង ២៥:៤, ៨] ទស្សនាវដ្ដីនេះពន្យល់របៀបដែលយើងអាចទទួលកម្លាំងចិត្តដើម្បីធ្វើល្អ»។
  
  ប៉មយាម ថ្ងៃទី១ ខែមីនា
  
  «លក្ខណៈមួយដែលបញ្ជាក់ថាមនុស្សខុសគ្នាពីសត្វគឺយើងមានសមត្ថភាពចេះវិនិច្ឆ័យរវាងការប្រព្រឹត្តមួយណាអាក្រក់មួយណាល្អ។ គួរឲ្យសោកស្ដាយមនុស្សភាគច្រើនធ្វើអំពើអាក្រក់វិញ។ តាមគំនិតរបស់អ្នក ហេតុអ្វីគឺដូច្នេះ? [សូមអនុញ្ញាតឲ្យឆ្លើយ។ រួចមកអាន យេរេមា ១៧:៩ឬវិវរណៈ ១២:៩] ទស្សនាវដ្ដីនេះនឹងជួយឲ្យយើងដឹងអ្វីជាល្អហើយអ្វីដែលយើងអាចធ្វើល្អផងដែរ»។

របាយការណ៍ពីកិច្ចបំរើផ្សាយក្នុងខែតុលា

២០០៥ កិច្ចបម្រើព្រះ | កុម្ភៈ
- របាយការណ៍ពីកិច្ចបំរើផ្សាយក្នុងខែតុលា
  
  ម៉ ទ.វ ត្រ.ជួប ស.គ
  
  ចំនួន: មធ្យ មធ្យ មធ្យ មធ្យ
  
  អ្ន.ត្រួ.ពិ ២ ១២៣,៤ ៥១,៩ ៦១,៦ ៨,៧
  
  អ្ន.ត្រួ.ពេ ៤២ ៦៨,៩ ២៤,៥ ២៩,១ ៤,៤
  
  អ្ន.ត្រួ.ជំ ១២ ៦២,៥ ៣៦,៨ ២២,៦ ២,៨
  
  អ្ន.ផ្ស ១០៤ ១៦,៤ ៦,៦ ៥,១ ១,០
  
  សរុប ១៨១នាក់