-
ការផ្ដល់ប្រកាសនវត្ថុនៅកន្លែងគេប្រើពហុភាសា២០០៣ កិច្ចបម្រើព្រះ | កក្កដា
-
-
ការផ្ដល់ប្រកាសនវត្ថុនៅកន្លែងគេប្រើពហុភាសា
១ នៅកន្លែងជាច្រើនកិច្ចផ្សព្វផ្សាយឥឡូវមានមនុស្សដែលមកពីប្រទេសផ្សេងៗ។ បើពួកគេរៀនព្រះគម្ពីរក្នុងភាសាកំណើតរបស់ខ្លួន នោះពួកគេភាគច្រើនរៀនសេចក្ដីពិតរហ័សជាង ហើយយល់បានច្បាស់ជាង។ តើមានការរៀបចំអ្វីដើម្បីឲ្យអ្នកចាប់អារម្មណ៍អាចទទួលប្រកាសនវត្ថុតាមភាសាដែលពួកគេយល់ច្បាស់ជាងគេនោះ?
២ ពេលដែលគួរផ្ដល់ប្រកាសនវត្ថុ: នៅពេលដែលមានក្រុមជំនុំពីរឬច្រើនដែលនិយាយភាសាផ្សេង តែផ្សព្វផ្សាយនៅកន្លែងដូចគ្នា នោះក្រុមអ្នកចាស់ទុំនឹងទាក់ទងជាមួយអ្នកត្រួតពិនិត្យកិច្ចបំរើ ដើម្បីធ្វើការរៀបចំមួយដែលក្រុមជំនុំនិមួយៗយល់ព្រមនោះ ក្នុងបំណងឲ្យក្រុមមនុស្សនិមួយៗដែលនិយាយភាសាផ្សេងៗ មានឱកាសស្ដាប់នូវការធ្វើបន្ទាល់យ៉ាងពេញលេញ។ នៅពេលដែលអ្នកផ្សព្វផ្សាយពីផ្ទះមួយទៅផ្ទះមួយ ជាធម្មតា អ្នកផ្សាយមិនគួរផ្ដល់ប្រកាសនវត្ថុក្នុងភាសារបស់ក្រុមជំនុំឯទៀតទេ។ ប៉ុន្តែ នៅពេលដែលអ្នកផ្សព្វផ្សាយ ធ្វើបន្ទាល់ក្រៅផ្លូវការឬនៅកន្លែងសាធារណៈនោះ ពួកគេអាចផ្ដល់ប្រកាសនវត្ថុក្នុងភាសាដែលមនុស្សនៅតំបន់នោះនិយមនិយាយ។ —សូមមើលប្រអប់សំនួរក្នុងកិច្ចបំរើព្រះរាជាណាចក្រយើង សំរាប់ខែតុលា ឆ្នាំ១៩៩០ (ជាភាសាអង់គ្លេស)
៣ ពេលក្រុមជំនុំគួរស្តុកទុកប្រកាសនវត្ថុ: ចុះយ៉ាងណាបើមានបរទេសច្រើនគួរសមនៅក្នុងតំបន់ផ្សាយរបស់អ្នក ប៉ុន្តែគ្មានក្រុមជំនុំដែលនៅក្បែរចេះនិយាយភាសានោះ? បើមានកាលៈទេសៈបែបនេះ ក្រុមជំនុំអាចស្តុកទុកប្រកាសនវត្ថុខ្លះក្នុងភាសានោះ ដូចជាខិត្តប័ណ្ណ សៀវភៅស្តើងតម្រូវ និងមិត្តសំឡាញ់របស់ព្រះ ហើយសៀវភៅចំណេះជាដើម។ អ្នកផ្សាយអាចផ្ដល់ប្រកាសនវត្ថុទាំងនេះ ពេលជួបមនុស្សដែលចេះអានភាសានោះបាន។
៤ របៀបកុម្មង់ប្រកាសនវត្ថុ: បើសិនជាក្រុមជំនុំមិនស្តុកទុកប្រកាសនវត្ថុក្នុងភាសាដែលអ្នកចាប់អារម្មណ៍ចេះអាន តើតាមរបៀបណាដែលយើងអាចទទួលប្រកាសនវត្ថុក្នុងភាសានោះ? អ្នកផ្សាយគួរសួរអ្នកទទួលខុសត្រូវផ្នែកប្រកាសនវត្ថុឲ្យដឹងថា តើមានប្រកាសនវត្ថុណាខ្លះក្នុងភាសានោះ? បើដូច្នេះ ប្រកាសនវត្ថុណាដែលត្រូវការអាចកុម្មង់បាន តាមបញ្ជីសុំប្រកាសនវត្ថុជាបន្ទាប់របស់ក្រុមជំនុំ។
៥ បើសិនជាត្រូវការប្រកាសនវត្ថុជាបន្ទាន់ អ្នកផ្សាយម្នាក់អាចសូមសមាជិកម្នាក់នៃគណៈកម្មាធិការខាងកិច្ចបំរើ ថាអាចកុម្មង់បានឬក៏អត់ មុនបញ្ជីសុំប្រកាសនវត្ថុជាបន្ទាប់របស់ក្រុមជំនុំផ្ញើទៅ។ បើគណៈកម្មាធិការយល់ព្រម អ្នកទទួលខុសត្រូវផ្នែកប្រកាសនវត្ថុឬបុគ្គលម្នាក់ទៀតដែលគាត់ចាត់ឲ្យធ្វើ អាចផ្ញើការកុម្មង់នោះទៅការិយាល័យសាខា តាមប៉ុស្តិ៍ឬតាមទូរស័ព្ទ។ ប្រកាសនវត្ថុនឹងត្រូវផ្ញើតាមអាស័យដ្ឋានធម្មតារបស់ក្រុមជំនុំ ឬតាមអាស័យដ្ឋានផ្សេងក៏បានតាមតម្រូវការ។ បើត្រូវទទួលគ្រាន់តែមួយយប់ឬពីរថ្ងៃប៉ុណ្ណោះ នោះក្រុមជំនុំនឹងត្រូវបង់លុយ។
៦ សូមឲ្យយើងប្រើប្រកាសនវត្ថុគ្រីស្ទានដោយប្រសិទ្ធភាពសំរាប់«មនុស្សទាំងអស់» ទោះជាគេនិយាយភាសាណាក្ដី ដើម្បីឲ្យពួកគេ«បានសង្គ្រោះហើយឲ្យបានស្គាល់សេចក្ដីពិត»។—១ធី. ២:៣, ៤
-
-
អ្វីដែលយើងអាចនិយាយអំពីទស្សនាវដ្ដីយើង២០០៣ កិច្ចបម្រើព្រះ | កក្កដា
-
-
អ្វីដែលយើងអាចនិយាយអំពីទស្សនាវដ្ដីយើង
ប៉មយាម ថ្ងៃទី១ ខែសីហា
«មានសំនួរខ្លះដែលហួសពីសមត្ថភាពរបស់មនុស្សឲ្យឆ្លើយបាន។ សូមមើលឧទាហរណ៍មួយនេះ។ [អាន យ៉ូប ២១:៧] តើអ្នកធ្លាប់មានសំនួរដែលចង់សួរព្រះឬ? (អនុញ្ញាតឲ្យគាត់ឆ្លើយ) ទស្សនាវដ្ដីនេះពន្យល់នូវរបៀបដែលមនុស្សទូទាំងពិភពលោក បានរកឃើញនូវចម្លើយដែលធ្វើឲ្យគេគាប់ចិត្ត ចំពោះសំនួរដ៏សំខាន់បីយ៉ាង»។
ប៉មយាម ថ្ងៃទី១ ខែសីហា
«មនុស្សលោកបានរកមធ្យោបាយដើម្បីប្រស្រ័យទាក់ទងនឹងព្រះ។ ប៉ុន្តែមនុស្សជាច្រើនមិនដឹងប្រាកដក្នុងចិត្តថា តើមានព្រះមួយអង្គដែលស្ដាប់ពាក្យទូលអង្វររបស់យើងទេ? តើអ្នកមានទឹកចិត្តដូចគ្នាឬ? (អនុញ្ញាតឲ្យគាត់ឆ្លើយ) សៀវភៅណែនាំពីបុរាណមួយ សម្គាល់ព្រះដ៏ពិតជាព្រះដែល‹ស្ដាប់សេចក្ដីអធិស្ឋាន› (អាន ទំនុកដំកើង ៦៥:២) តើទ្រង់ជាអ្នកណា? ទស្សនាវដ្ដីមួយនេះអាចឆ្លើយសំនួរនោះបាន»។
-
-
របាយការណ៍ពីកិច្ចបំរើផ្សាយក្នុងខែមីនា២០០៣ កិច្ចបម្រើព្រះ | កក្កដា
-
-
របាយការណ៍ពីកិច្ចបំរើផ្សាយក្នុងខែមីនា
ម៉ ទ.វ ត្រ.ជួប ស.គ
ចំនួន: មធ្យ មធ្យ មធ្យ មធ្យ
អ្ន.ត្រួ.ពិ ១៨ ១១៤,១ ៣៧,២ ៦១,២ ៨,៦
អ្ន.ត្រួ.ពេ ៤២ ៦៧,៩ ១៦,៦ ៣០,៨ ៤,៤
អ្ន.ត្រួ.ជំ ១៩ ៥៣,២ ១៤,៣ ១៦,២ ២,៥
អ្ន.ផ្ស ៧៥ ១៩,០ ៥,៦ ៦,៥ ១,០
សរុប ១៥៤នាក់ ចំនួនថ្មីឡើងដល់កំពូល!
-