បណ្ណាល័យអ៊ីនធឺណិតរបស់ប៉មយាម

យើងត្រូវការជំនួយរបស់អ្នក

២០០៤ កិច្ចបម្រើព្រះ | ធ្នូ
- យើងត្រូវការជំនួយរបស់អ្នក
  
  ^១ «សូមអរគុណសំរាប់ការងារជាច្រើនដែលអ្នកធ្វើដើម្បីពួកយើង។ ការងាររបស់អ្នកពិតជាជួយយ៉ាងច្រើនណាស់»។ សំដីនេះក៏បញ្ជាក់យ៉ាងច្បាស់អំពីកតញ្ញូធម៌ដែលយើងមានចំពោះអ្នកចាស់ទុំនិងអ្នកងារជំនួយក្នុងចំណោមយើង។ កាលដែលអង្គការរបស់ព្រះយេហូវ៉ាមានការរីកចំរើន យើងកាន់តែត្រូវការបុរសដែលមានភាពចាស់ទុំដើម្បីបំរើក្នុងក្រុមជំនុំជិត១០០.០០០ដែលមានទូទាំងពិភពលោក។ បើអ្នកជាបុរសនិងបានទទួលបុណ្យជ្រមុជទឹកហើយនោះ យើងត្រូវការជំនួយរបស់អ្នក។
  
  ^២ សេចក្ដី «ប្រាថ្នា» ចង់បានឯកសិទ្ធិថែមទៀត: បើអ្នកប្រាថ្នាចង់បានឯកសិទ្ធិថែមទៀតខាងកិច្ចបំរើ តើអាចខំឲ្យបានឯកសិទ្ធិនោះយ៉ាងដូចម្ដេច? (១ធី. ៣:១) បើនិយាយឲ្យចំទៅ អ្នកត្រូវធ្វើជាគំរូល្អក្នុងគ្រប់ការទាំងអស់។ (១ធី. ៤:១២; ទីត. ២:៦-៨; ១ពេ. ៥:៣) ចូរចូលរួមឲ្យបានពេញលេញក្នុងកិច្ចផ្សព្វផ្សាយ ហើយជួយអ្នកឯទៀតឲ្យធ្វើដូច្នេះដែរ។ (២ធី. ៤:៥) ចូរយកចិត្តទុកដាក់យ៉ាងស្មោះទៅលើអ្នកជឿគ្នីគ្នា។ (រ៉ូម ១២:១៣) ចូរសិក្សាព្រះបន្ទូលរបស់ព្រះដោយយកចិត្តទុកដាក់ ហើយបង្កើនសមត្ថភាព«បង្រៀន»។ (ទីត. ១:៩; ១ធី. ៤:១៣) ចូរយកចិត្តទុកដាក់នឹងកិច្ចការដែលអ្នកចាស់ទុំប្រគល់ឲ្យ។ (១ធី. ៣:១០) បើអ្នកជាមេគ្រួសារ ចូរ‹ត្រួតត្រាផ្ទះខ្លួនដោយស្រួលបួល›។—១ធី. ៣:៤, ៥, ១២
  
  ^៣ ការបំរើជាបុរសតែងតាំងតម្រូវឲ្យចំណាយកម្លាំងថែមទាំងត្រូវចេះធ្វើពលិកម្មផងដែរ។ (១ធី. ៥:១៧) ហេតុដូច្នេះហើយ ពេលដែលខំឲ្យបានឯកសិទ្ធិ ចូរប្រមូលអារម្មណ៍ទៅលើការបំរើអ្នកឯទៀតដោយចិត្តរាបទាប។ (ម៉ាថ. ២០:២៥-២៨; យ៉ូន. ១៣:៣-៥, ១២-១៧) ចូររំពឹងគិតទៅលើចិត្តគំនិតរបស់ធីម៉ូថេ ហើយចូរព្យាយាមយកតម្រាប់តាមគាត់។ (ភី. ២:២០-២២) ដូចធីម៉ូថេដែរ ចូរឲ្យការប្រព្រឹត្តដ៏ល្អប្រសើររបស់អ្នកបង្ហាញថាអ្នកមានលក្ខណៈគ្រប់គ្រាន់ហើយ។ (កិច្ច. ១៦:១, ២) កាលដែលអ្នកលត់ដំខ្លួនឲ្យមានលក្ខណៈខាងវិញ្ញាណដែលចាំបាច់ដើម្បីអាចទទួលភារកិច្ចថែមទៀត ព្រមទាំងអនុវត្តតាមឱវាទណាដែលជូនដើម្បីជួយឲ្យអ្នករីកចំរើន នោះ‹មនុស្សទាំងឡាយ នឹងឃើញសេចក្ដីជំនឿនរបស់អ្នក›។—១ធី. ៤:១៥
  
  ^៤ មាតាបិតាទាំងឡាយ! ចូរអប់រំកូនឲ្យចេះជួយ!: តាំងពីតូច កូនៗអាចរៀនឲ្យចេះជួយ។ ចូរអប់រំកូនឲ្យអង្គុយស្ដាប់នៅកិច្ចប្រជុំ ឲ្យផ្សព្វផ្សាយ ហើយឲ្យចរិយារបស់កូនធ្វើជាគំរូល្អនៅសាលព្រះរាជាណាចក្រហើយនៅឯសាលារៀន។ ចូរបង្រៀនកូនឲ្យចេះបំរើអ្នកឯទៀត ដោយជួយសំអាតសាលព្រះរាជាណាចក្រ ហើយជួយបងប្អូនវ័យចាស់ជាដើម។ យ៉ាងនេះ អ្នកឲ្យកូនទទួលសុភមង្គលដែលមកពីការឲ្យ។ (កិច្ច. ២០:៣៥) ការអប់រំបែបនេះនឹងជួយកូនទៅជាអ្នកត្រួសត្រាយ អ្នកងារជំនួយ និងអ្នកចាស់ទុំនៅថ្ងៃមុខ។

ភាគទី៤: ការបង្រៀនសិស្សឲ្យចេះរៀបចំមេរៀន

២០០៤ កិច្ចបម្រើព្រះ | ធ្នូ
- ភាគទី៤: ការបង្រៀនសិស្សឲ្យចេះរៀបចំមេរៀន
  
  ដឹកនាំការសិក្សាព្រះគម្ពីរដែលរីកចំរើន
  
  ^១ ធម្មតា សិស្សណាដែលអានមេរៀនទុកជាមុន គូសចម្លើយ ហើយខំឆ្លើយចេញពីចិត្ត សិស្សនោះនឹងរីកចំរើនយ៉ាងលឿនខាងវិញ្ញាណ។ ហេតុនេះហើយ ក្រោយពីអ្នកចាប់ផ្ដើមបង្រៀនសិស្សម្នាក់ជាទៀងទាត់នោះ ចូររៀបចំមេរៀនមួយជាមួយនឹងគាត់ ដើម្បីបង្រៀនវិធីរៀបចំ។ សំរាប់សិស្សភាគច្រើន ជាការល្អបើរៀបចំជំពូកមួយទាំងមូលឬមេរៀនមួយទាំងមូលជាមួយគ្នា។
  
  ^២ ការគូសចម្លើយហើយសរសេរកំណត់: ចូរពន្យល់នូវវិធីរកចម្លើយដែលចំនឹងសំនួរសំរាប់វគ្គនោះ។ បង្ហាញសៀវភៅរបស់អ្នកឲ្យសិស្សឃើញថា ក្នុងនោះអ្នកបានគូសតែពាក្យឬល្បះសំខាន់ៗ។ ពេលដែលសិក្សាពត៌មាននោះ សិស្សប្រហែលជាចង់ធ្វើតាមគំរូរបស់អ្នក ដោយគូសតែពាក្យសំខាន់ៗដែលនឹងជួយគាត់ឲ្យចាំចម្លើយ។ (លូ. ៦:៤០) រួចមក សុំឲ្យគាត់ឆ្លើយចេញពីចិត្ត។ នេះនឹងបង្ហាញឲ្យអ្នកឃើញថា តើគាត់យល់ពត៌មាននោះច្បាស់ឬយ៉ាងណា។
  
  ^៣ ពេលដែលសិស្សរៀបចំមេរៀនគឺជាការសំខាន់ណាស់ដែលគាត់អានដោយយកចិត្តទុកដាក់នូវបទគម្ពីរដែលមិនបានដកស្រង់។ (កិច្ច. ១៧:១១) ចូរជួយឲ្យគាត់យល់ថា បទគម្ពីរនិមួយៗគាំទ្រចំណុចមួយដែលមាននៅក្នុងវគ្គនោះ។ បង្ហាញសិស្សនូវវិធីសរសេរកំណត់ខ្លីៗនៅរឹមទំព័រក្នុងសៀវភៅរបស់គាត់។ ចូរបញ្ជាក់ជារឿយៗថា ព្រះគម្ពីរជាមូលដ្ឋាននៃអ្វីៗដែលគាត់កំពុងរៀន។ សូមលើកទឹកចិត្តគាត់ឲ្យប្រាប់ចំណុចផ្សេងៗពីបទគម្ពីរពេលដែលឆ្លើយ។
  
  ^៤ ការមើលត្រួសៗហើយការរៀនសាឡើងវិញ: មុនដែលសិស្សចាប់ផ្ដើមរៀបចំមេរៀនឲ្យបានដិតដល់នោះ ជាការល្អបើគាត់មើលសាច់រឿងនោះត្រួសៗជាមុនសិន។ ចូរប្រាប់សិស្សថា គាត់អាចមើលពត៌មាននោះត្រួសៗដោយអានចំណងជើងមេរៀន ចំណងជើងតូច ហើយមើលរូបភាព។ ចូរពន្យល់ថា ពេលដែលរៀបចំចប់ហើយនោះ ជាការល្អបើគាត់ឆ្លៀតពេលបន្ដិចដើម្បីមើលចំណុចសំខាន់ៗឡើងវិញ ដោយប្រើប្រអប់ដែលមានសំនួរសំរាប់រៀនសាឡើងវិញ បើអត្ថបទនោះមាន។ ការមើលច្រើនសាដូច្នេះនឹងជួយឲ្យគាត់ចាំពត៌មាននោះ។
  
  ^៥ បើបង្រៀនសិស្សឲ្យរៀបចំល្អសំរាប់ការសិក្សា នោះនឹងជួយឲ្យគាត់ឆ្លើយយ៉ាងល្អនៅឯកិច្ចប្រជុំផងដែរ។ ហើយក៏នឹងជួយឲ្យគាត់លត់ដំខ្លួនមានទម្លាប់សិក្សា ជាទម្លាប់ដែលនឹងមានប្រយោជន៍យ៉ាងយូរក្រោយពីអ្នកបានឈប់បង្រៀនគាត់ហើយនោះ។