បណ្ណាល័យអ៊ីនធឺណិតរបស់ប៉មយាម

កិច្ចផ្សព្វផ្សាយជួយយើងឲ្យស៊ូទ្រាំ

២០០៥ កិច្ចបម្រើព្រះ | មិថុនា
- កិច្ចផ្សព្វផ្សាយជួយយើងឲ្យស៊ូទ្រាំ
  
  ^១ បន្ទូលរបស់ព្រះដាស់តឿនយើងឲ្យ«រត់ក្នុងទីប្រណាំង ដែលនៅមុខយើង ដោយអំណត់[ឬ«ដោយស៊ូទ្រាំ», ព.ថ.]»។ (ហេ. ១២:១) ដូចជាអ្នករត់ប្រណាំងម្នាក់ត្រូវការការស៊ូទ្រាំដើម្បីប្រកួតប្រជែងឲ្យបានជោគជ័យនោះ យើងក៏ត្រូវការការស៊ូទ្រាំដែរ ដើម្បីទទួលបាននូវរង្វាន់ជាជីវិតអស់កល្បជានិច្ច។ (ហេ. ១០:៣៦) តើកិច្ចបម្រើគ្រីស្ទានជួយយើងឲ្យស៊ូទ្រាំដោយស្មោះត្រង់យ៉ាងដូចម្ដេចរហូតដល់ទីបញ្ចប់?—ម៉ាថ. ២៤:១៣
  
  ^២ យើងត្រូវបានពង្រឹងកម្លាំងខាងវិញ្ញាណ: ការប្រកាសអំពីសេចក្ដីសន្យាដ៏អស្ចារ្យក្នុងព្រះគម្ពីរស្តីអំពីពិភពលោកថ្មីដ៏សុចរិតជួយយើងរក្សាសេចក្ដីសង្ឃឹមរបស់យើងឲ្យនៅជាប់ជានិច្ច។ (១ថែ. ៥:៨) កាលណាយើងចូលរួមយ៉ាងទៀងទាត់នៅក្នុងកិច្ចផ្សព្វផ្សាយ នោះយើងអាចមានឱកាសធ្វើឲ្យគេស្គាល់សេចក្ដីពិតដែលយើងបានរៀនពីព្រះគម្ពីរ។ យើងមានឱកាសការពារជំនឿរបស់យើងដែលនេះហើយអាចជួយពង្រឹងកម្លាំងយើងខាងវិញ្ញាណ។
  
  ^៣ ដើម្បីបង្រៀនអ្នកឯទៀតដោយប្រសិទ្ធភាព ខ្លួនយើងផ្ទាល់ត្រូវយល់ឲ្យបានច្បាស់នូវសេចក្ដីពិតនៃព្រះគម្ពីរ។ យើងត្រូវធ្វើការស្រាវជ្រាវនិងរំពឹងគិតទៅលើព័ត៌មាននោះ។ ការខំប្រឹងដោយស្មោះអស់ពីចិត្តធ្វើឲ្យចំណេះយើងរឹតតែជ្រាលជ្រៅ ពង្រឹងជំនឿរបស់យើង និងលើកកម្លាំងយើងខាងវិញ្ញាណឡើងវិញ។ (សុ. ២:៣-៥) ដូច្នេះពេលដែលយើងព្យាយាមជួយអ្នកឯទៀតនោះ យើងក៏ពង្រឹងកម្លាំងខ្លួនយើងផងដែរ។—១ធី. ៤:១៥, ១៦
  
  ^៤ ការចូលរួមដ៏ខ្នះខ្នែងនៅក្នុងកិច្ចបម្រើគឺជាផ្នែកមួយដ៏សំខាន់នៃ«គ្រប់គ្រឿងសឹករបស់ព្រះ»ដែលយើងត្រូវការដើម្បីទប់ទល់នឹងអារក្សនិងពួកបិសាច។ (អេភ. ៦:១០-១៣, ១៥) ការជាប់រវល់ក្នុងកិច្ចបម្រើផ្សាយជួយយើងឲ្យផ្ដោតអារម្មណ៍ទៅលើរឿងដែលស្អាងចិត្តហើយចៀសវាងកុំឲ្យក្លាយទៅជាខូចអាក្រក់ដោយសារលោកីយ៍របស់សាតាំង។ (កូល. ៣:២) ពេលដែលយើងបង្រៀនអ្នកឯទៀតអំពីផ្លូវរបស់ព្រះយេហូវ៉ានោះ យើងត្រូវបានរំឭកជាប់ជានិច្ចអំពីសេចក្ដីត្រូវការរបស់យើងដើម្បីរក្សានូវចរិយាមារយាទបរិសុទ្ធ។—១ពេ. ២:១២
  
  ^៥ យើងត្រូវបានពង្រឹងកម្លាំងដោយសារពះ: ការចូលរួមរបស់យើងក្នុងកិច្ចការផ្សព្វផ្សាយដំណឹងល្អបង្រៀនយើងឲ្យចេះទុកចិត្តលើព្រះយេហូវ៉ា។ (២កូ. ៤:១, ៧) នេះពិតជាអំណោយពរដ៏អស្ចារ្យមែន! ការបណ្ដុះបណ្ដាលឲ្យមានទំនុកចិត្តបែបនេះមិនត្រឹមតែប្រដាប់យើងឲ្យអាចបំពេញកិច្ចបម្រើផ្សាយរបស់យើងប៉ុណ្ណោះទេ ប៉ុន្តែក៏ជួយឲ្យយើងឲ្យប្រឈមមុខនឹងកាលៈទេសៈណាក៏ដោយដែលយើងអាចជួបប្រទះក្នុងជីវិត។ (ភី. ៤:១១-១៣) ពិតមែនហើយ ការរៀនទុកចិត្តលើព្រះយេហូវ៉ាគឺជាកត្ដាសំខាន់ឆ្ពោះទៅរកការស៊ូទ្រាំ។ (ទំនុក. ៥៥:២២) កិច្ចផ្សព្វផ្សាយជួយយើងឲ្យចេះស៊ូទ្រាំ តាមរបៀបច្រើនយ៉ាង។

ភាគទី១០: បង្ហាត់សិស្សក្នុងកិច្ចបម្រើផ្សាយពីផ្ទះមួយទៅផ្ទះមួយ

២០០៥ កិច្ចបម្រើព្រះ | មិថុនា
- ភាគទី១០: បង្ហាត់សិស្សក្នុងកិច្ចបម្រើផ្សាយពីផ្ទះមួយទៅផ្ទះមួយ
  
  ដឹកនាំការសិក្សាព្រះគម្ពីរដែលរីកចំរើន
  
  ^១ កាលណាបណ្ដាអ្នកចាស់ទុំកំណត់ថាសិស្សព្រះគម្ពីរណាម្នាក់មានលក្ខណៈគ្រប់គ្រាន់ដើម្បីក្លាយជាអ្នកផ្សព្វផ្សាយដែលមិនទាន់ធ្វើបុណ្យជ្រមុជទឹកនោះ គាត់អាចចាប់ផ្ដើមទៅផ្សព្វផ្សាយជាសាធារណៈជាមួយនឹងក្រុមជំនុំ។ តើយើងអាចជួយសិស្សឲ្យសម្រេចទិសដៅក្នុងការផ្សព្វផ្សាយពីផ្ទះមួយទៅផ្ទះមួយយ៉ាងដូចម្ដេច?
  
  ^២ អ្នកបង្រៀននិងសិស្សព្រះគម្ពីររៀបចំជាមួយគ្នា: ការរៀបចំឲ្យបានល្អគឺជាការសំខាន់។ សូមប្រាប់សិស្សនូវរបៀបដែលគាត់អាចរកឃើញពាក្យផ្សាយផ្សេងៗដែលបានណែនាំក្នុងកិច្ចបំរើព្រះរាជាណាចក្រយើង និងសៀវភៅតូចចំណងជើងថារបៀបចាប់ផ្ដើមនិងបន្តការពិគ្រោះគ្នាអំពីព្រះគម្ពីរ ហើយជួយគាត់ជ្រើសរើសពាក្យផ្ដើមដែលស្រួលហើយដែលប្រើជាប្រយោជន៍សំរាប់តំបន់ផ្សាយ។ តាំងពីដើមដំបូង សូមលើកទឹកចិត្តគាត់ឲ្យអានបទគម្ពីរនៅក្នុងកិច្ចបម្រើផ្សាយ។—២ធី. ៤:២
  
  ^៣ ពេលហាត់សាកគឺមានប្រយោជន៍ណាស់ចំពោះអ្នកផ្សព្វផ្សាយថ្មី។ ពេលដែលសិស្សហាត់សាកពាក្យផ្សព្វផ្សាយ សូមបង្ហាញគាត់របៀបត្រូវប្រឈមមុខដោយប៉ិនប្រសប់ទៅនឹងការតបឆ្លើយដែលមានជាទូទៅក្នុងតំបន់ផ្សាយ។ (កូល. ៤:៦) សូមបញ្ជាក់ប្រាប់គាត់ថាបណ្ដាគ្រីស្ទានមិនចាំបាច់ដឹងរាល់ចម្លើយសំរាប់សំណួរនីមួយៗដែលម្ចាស់ផ្ទះអាចលើកឡើងនោះទេ។ ជារឿយៗ យកល្អបើម្ចាស់ផ្ទះសួរសំណួរផ្សេងៗបែបនោះ យើងអាចស្នើសុំធ្វើការស្រាវជ្រាវរួចហើយត្រឡប់មកពិភាក្សារឿងនោះតទៅទៀត។—សុ. ១៥:២៨
  
  ^៤ ផ្សព្វផ្សាយជាមួយគ្នា: នៅលើកទីមួយដែលសិស្សចូលរួមក្នុងកិច្ចបម្រើផ្សាយពីផ្ទះមួយទៅផ្ទះមួយ សូមឲ្យគាត់សង្កេតមើលពេលដែលអ្នកប្រើពាក្យផ្សាយ ដែលទាំងពីរនាក់បានរៀបចំជាមួយគ្នានោះ។ សូមអញ្ជើញគាត់ឲ្យចូលរួម។ ក្នុងករណីខ្លះ យកល្អសូមឲ្យអ្នកផ្សព្វផ្សាយថ្មីនិយាយតែបន្ដិចប៉ុណ្ណោះ ដូចជាអាននិងពន្យល់បទគម្ពីរមួយ។ សូមយោគយល់នឹងបុគ្គលិកលក្ខណៈនិងសមត្ថភាពរបស់សិស្ស។ (ភី. ៤:៥) សូមសរសើរគាត់ឲ្យបានច្រើនពេលដែលអ្នកបង្ហាត់គាត់បន្ដិចម្ដងៗក្នុងផ្នែកផ្សេងៗនៃកិច្ចការផ្សព្វផ្សាយ។
  
  ^៥ ការជួយអ្នកផ្សព្វផ្សាយថ្មីរៀបចំកាលវិភាគទៀងទាត់មួយជាការសំខាន់ណាស់។ សូមធ្វើដូច្នោះរៀងរាល់សប្ដាហ៍បើអាចធ្វើទៅបាន។ (ភី. ៣:១៦) សូមធ្វើការរៀបចំឲ្យបានម៉ត់ចត់ដើម្បីផ្សព្វផ្សាយជាមួយគ្នាក្នុងកិច្ចបម្រើ ហើយលើកទឹកចិត្តគាត់ឲ្យផ្សព្វផ្សាយជាមួយអ្នកដែលមានចិត្តខ្នះខ្នែងឯទៀតផងដែរ។ គំរូរបស់ពួកគេនិងការសេពគប់ជាមួយពួកគេនឹងជួយគាត់ឲ្យបណ្ដុះបណ្ដាលនូវបំនិនហើយឲ្យរកឃើញអំណរក្នុងកិច្ចផ្សព្វផ្សាយពីផ្ទះមួយទៅផ្ទះមួយ។