បណ្ណាល័យអ៊ីនធឺណិតរបស់ប៉មយាម

វិធីប្រើគំរូអំពីក្យផ្សាយ

២០០៥ កិច្ចបម្រើព្រះ | មករា
- វិធីប្រើគំរូអំពីពាក្យផ្សាយ
  
  ^១ គំរូអំពីពាក្យផ្សាយសំរាប់ជូនទស្សនាវដ្ដីនិងសៀវភៅឯទៀត មានជាទៀងទាត់ក្នុងកិច្ចបំរើព្រះរាជាណាចក្រយើង។ នៅពេលដែលចូលរួមកិច្ចផ្សព្វផ្សាយ យើងមិនចាំបាច់សូត្ររត់មាត់ពាក្យទាំងនេះឡើយ។ ពាក្យផ្សព្វផ្សាយនោះគ្រាន់តែជាគំរូពីអ្វីដែលយើងអាចនិយាយបាន។ ធម្មតា មានប្រសិទ្ធភាពជាងបើកែប្រែពាក្យផ្សព្វផ្សាយនោះដើម្បីអាចនិយាយចេញពីចិត្ត។ កាលបើយើងនិយាយចេញពីចិត្ត នោះធ្វើឲ្យម្ចាស់ផ្ទះមានអារម្មណ៍ស្រួល ហើយក៏បង្ហាញថាយើងនិយាយដោយស្មោះនិងដោយជឿជាក់។—២កូ. ២:១៧; ១ថែ. ១:៥
  
  ^២ ចូរប្រើពាក្យផ្សាយដែលសមស្របតាមតំបន់: វិធីដែលយើងផ្សព្វផ្សាយដំណឹងល្អទទួលឥទ្ធិពលខ្លាំងពីទំនៀមទំលាប់តាមតំបន់។ តើអ្នកអាចសួរសុខទុក្ខម្ចាស់ផ្ទះមុនសិន រួចចាប់ផ្ដើមផ្សព្វផ្សាយក្រោយបានទេ? ឬក៏តើមនុស្សនៅតំបន់របស់អ្នកចង់ឲ្យអ្នកប្រាប់ភ្លាមៗថាអ្នកមកមានការអ្វីនោះ? ចម្លើយចំពោះសំនួរនោះគឺខុសគ្នាតាមតំបន់ហើយតាមមនុស្ស។ យើងក៏ត្រូវចេះគិតពិចារណាដែរពេលសួរសំនួរ។ សំនួរខ្លះប្រហែលជាសមរម្យនៅតំបន់ខ្លះ រីឯនៅតំបន់ផ្សេងទៀតប្រហែលមនុស្សមិនសូវពេញចិត្តទេបើសួរពួកគេសំនួរនោះ។ ហេតុនេះ យើងត្រូវចេះរិះគិតហើយប្រើពាក្យផ្សាយឲ្យបានសមរម្យទៅតាមតំបន់របស់យើង។
  
  ^៣ ម្យ៉ាងទៀត យើងត្រូវតែគិតអំពីប្រវត្ដិ និងគំនិតរបស់មនុស្សនៅក្នុងតំបន់របស់យើងពេលដែលរៀបចំសំរាប់កិច្ចផ្សព្វផ្សាយ។ ជាឧទាហរណ៍ បើអ្នកកំពុងតែនិយាយជាមួយនឹងម្ចាស់ផ្ទះដែលកាន់សាសនាកាតូលិកនោះ វិធីដែលអ្នកប្រើម៉ាថាយ ៦:៩, ១០ ទំនងជាខុសគ្នានឹងវិធីដែលអ្នកប្រើបទគម្ពីរនោះជាមួយនឹងអ្នកដែលមិនធ្លាប់ស្គាល់សេចក្ដីអធិស្ឋានក្នុងខនោះ។ បើគិតទុកជាមុន យើងអាចផ្លាស់ប្ដូរពាក្យផ្សព្វផ្សាយរបស់យើងដើម្បីធ្វើឲ្យមនុស្សក្នុងតំបន់ផ្សាយចាប់អារម្មណ៍ជាង។—១កូ. ៩:២០-២៣
  
  ^៤ សូម្បីតែយើងប្រើពាក្យផ្សព្វផ្សាយដូចក្នុងគំរូក៏ដោយ ការរៀបចំទុកជាមុននៅតែសំខាន់។ យើងគួរអានដោយយកចិត្តទុកដាក់នូវអត្ថបទឬជំពូកដែលយើងនឹងបង្ហាញម្ចាស់ផ្ទះ ហើយរកចំណុចណាដែលអាចធ្វើឲ្យគាត់ចាប់អារម្មណ៍ រួចមកយើងបញ្ចូលចំណុចនោះក្នុងពាក្យផ្សាយរបស់យើង។ លុះត្រាតែយើងស្គាល់ពត៌មានល្អៗក្នុងសៀវភៅរបស់យើង ទើបអាចជូនសៀវភៅដោយបង្ហាញអារម្មណ៍សាទរបាន។
  
  ^៥ វិធីឯទៀត: តើយើងអាចប្រើត្រឹមតែពាក្យដែលមានក្នុងគំរូអំពីពាក្យផ្សាយទាំងនោះប៉ុណ្ណោះឬ? មិនមែនទេ! បើពាក្យផ្សេងទៀតឬបទគម្ពីរណាផ្សេងគឺស្រួលជាងសំរាប់អ្នក ចូរប្រើនោះចុះ! ជាពិសេសពេលដែលជូនទស្សនាវដ្ដី ចូររកឱកាស បង្ហាញអត្ថបទបន្ថែមដែលប្រហែលជាមានរឿងគួរឲ្យចាប់អារម្មណ៍សំរាប់តំបន់របស់អ្នក។ នៅពេលដែលមានការសម្ដែងនៅប្រជុំអប់រំកិច្ចបំរើ ការសម្ដែងនោះអាចត្រូវរៀបចំដោយប្រើពាក្យផ្សាយដែលមានប្រសិទ្ធភាពក្នុងតំបន់របស់អ្នក។ តាមវិធីនេះបងប្អូនទាំងអស់នឹងត្រូវជួយឲ្យផ្សាយដំណឹងល្អដោយប្រសិទ្ធភាព។

អ្វីដែលយើងអាចនិយាយអំពីទស្សនាវដ្ដីយើង

២០០៥ កិច្ចបម្រើព្រះ | មករា
- អ្វីដែលយើងអាចនិយាយអំពីទស្សនាវដ្ដីយើង
  
  ប៉មយាម ថ្ងៃទី១ ខែកុម្ភៈ
  
  «មនុស្សជាច្រើនមិនជឿថា អ្នកដឹកនាំមានសមត្ថភាពដោះស្រាយបញ្ហាទាំងប៉ុន្មានដែលមាននៅសព្វថ្ងៃនេះទេ។ តើអ្នកគិតថាមានអ្នកណាផ្សេងទៀតដែលអាចធ្វើដូចអ្វីដែលបានទាយទុកជាមុនក្នុងខទាំងនេះទេ? [អាន ទំនុកដំកើង ៧២:៧, ១២, ១៦ រួចអនុញ្ញាតឲ្យឆ្លើយ] ទស្សនាវដ្ដីនេះពន្យល់ឲ្យយើងដឹងថា តើអ្នកដឹកនាំដែលបានទាយក្នុងខនេះជាអ្នកណា? ហើយក៏ពន្យល់អំពីអ្វីដែលអ្នកនោះនឹងសម្រេច»។
  
  ប៉មយាម ថ្ងៃទី១ ខែកុម្ភៈ
  
  «តើអ្នកនឹងមានអារម្មណ៍យ៉ាងណា បើមានអ្នកដឹកនាំដែលអាចធ្វើដូចក្នុងខទាំងនេះ [អាន លូកា ៧:១២, ១៤, ១៥ ឬម៉ាថាយ ១២:២២ រួចអនុញ្ញាតឲ្យឆ្លើយ] ទស្សនាវដ្ដីនេះពន្យល់អំពីបុគ្គលម្នាក់ដែលមានសមត្ថភាពដឹកនាំមនុស្ស ហើយដែលអាចសម្រេចការទាំងអស់ដែលរៀបរាប់ក្នុងខទាំងនោះ»។

របាយការណ៍ពីកិច្ចបំរើផ្សាយក្នុងខែកញ្ញា

២០០៥ កិច្ចបម្រើព្រះ | មករា
- របាយការណ៍ពីកិច្ចបំរើផ្សាយក្នុងខែកញ្ញា
  
  ម៉ ទ.វ ត្រ.ជួប ស.គ
  
  ចំនួន: មធ្យ មធ្យ មធ្យ មធ្យ
  
  អ្ន.ត្រួ.ពិ ២១ ១២១,៩ ៤៥,១ ៦២,២ ៨,៨
  
  អ្ន.ត្រួ.ពេ ៤៣ ៥៥,០ ២៤,២ ២៣,០ ៣,៧
  
  អ្ន.ត្រួ.ជំ ៧ ៥៣,៧ ៥៩,៦ ២៦,៦ ៣,១
  
  អ្ន.ផ្ស ១០៨ ១៦,០ ៦,៧ ៥,៤ ១,២
  
  សរុប ១៧៩នាក់