-
សប្ដាហ៍ចាប់ផ្ដើមថ្ងៃទី១៧ ខែមករា២០១១ កិច្ចបម្រើព្រះ | មករា
-
-
សប្ដាហ៍ចាប់ផ្ដើមថ្ងៃទី១៧ ខែមករា
សប្ដាហ៍ចាប់ផ្ដើមថ្ងៃទី១៧ ខែមករា
ចម្រៀងលេខ៣៥ និងសេចក្ដីអធិដ្ឋាន
□ ការសិក្សាគម្ពីរជាក្រុមជំនុំ:
cl ជំពូកទី២៩ វគ្គ១៦-២១ (២៥នាទី)
□ សាលាកិច្ចបម្រើផ្សាយ:
អំណានគម្ពីរ: អែសរ៉ា ១-៥ (១០នាទី)
ទី១: អែសរ៉ា ៣:១-៩ (៤នាទី ឬខ្លីជាង)
ទី២: តើលោកយេស៊ូបានទុកគំរូសម្រាប់ប្រពន្ធទាំងឡាយយ៉ាងដូចម្ដេច?—bh ទំព័រ១៥៨-១៦១ វគ្គ១០-១៣ (៥នាទី)
ទី៣: តើវិញ្ញាណត្រឡប់ទៅឯព្រះយ៉ាងដូចម្ដេច?—សាស្ដ. ១២:៧ (៥នាទី)
□ ការប្រជុំអប់រំកិច្ចបម្រើ:
៥ នាទី: សេចក្ដីជូនដំណឹង។
១០ នាទី: «ចូរបង្ហាត់បង្រៀនកូនឲ្យក្លាយជាអ្នកបម្រើព្រះ»។ សំណួរនិងចម្លើយ។ អញ្ជើញអ្នកស្ដាប់ឲ្យបញ្ជាក់អំពីវិធីច្បាស់លាស់ដែលឪពុកម្ដាយបានជួយពួកគេឲ្យជ្រើសរើសនិងសម្រេចគោលដៅរយៈពេលវែងនិងរយៈពេលខ្លីក្នុងកិច្ចបម្រើ។
២០នាទី: «តើអ្នកដឹងពីជម្រើសរបស់អ្នកស្តីអំពីការប្រើឈាមឬទេ?»។ ត្រូវថ្លែងដោយអ្នកចាស់ទុំ ផ្អែកលើ«សំណួរពីអ្នកអាន»ពីទស្សនាវដ្ដីប៉មយាមថ្ងៃទី១ ខែតុលា ឆ្នាំ២០០៤ និងសន្លឹកបន្ថែមពីកិច្ចបម្រើព្រះរាជាណាចក្រយើង ខែវិច្ឆិកា ឆ្នាំ២០០៦។ ចូរលើកទឹកចិត្តបងប្អូនទាំងអស់ឲ្យពិនិត្យសាឡើងវិញឲ្យបានដិតដល់អំពីអត្ថបទខាងលើ ដើម្បីធ្វើការសម្រេចចិត្តផ្ទាល់ខ្លួន ស្តីអំពីការប្រើធាតុផ្សេងៗដែលចម្រាញ់ចេញពីសមាសធាតុសំខាន់ៗនៃឈាម ព្រមទាំងវិធីព្យាបាលផង។ ក្រោយមកគាត់អាចបំពេញលិខិតប្រគល់សិទ្ធិអំណាចតាមជម្រើសរបស់ខ្លួន។ រួមបញ្ចូលការសម្ដែង អំពីអ្នកផ្សាយពន្យល់ពីគោលបំណងនៃលិខិតប្រគល់សិទ្ធិអំណាច ហើយជូនលិខិតប្រគល់សិទ្ធិអំណាចដល់គ្រូពេទ្យមួយសន្លឹកដើម្បីរក្សាទុក។ គ្រូពេទ្យសន្យាថានឹងរក្សាទុក។
ចម្រៀងលេខ៧ និងសេចក្ដីអធិដ្ឋាន
-
-
អត្ថបទប្រភេទថ្មីដើម្បីជួយរកសិស្សគម្ពីរ២០១១ កិច្ចបម្រើព្រះ | មករា
-
-
អត្ថបទប្រភេទថ្មីដើម្បីជួយរកសិស្សគម្ពីរ
១. តើទស្សនាវដ្ដីប៉មយាមនឹងមានអត្ថបទថ្មីអ្វី? ហើយតើអត្ថបទនោះបានត្រូវរៀបចំឡើងដើម្បីអ្វី?
១ ចាប់ពីខែកុម្ភៈ ទស្សនាវដ្ដីប៉មយាមនឹងមានអត្ថបទប្រភេទថ្មីមួយ ដើម្បីជួយយើងរកសិស្សគម្ពីរ។ អត្ថបទនោះមានចំណងជើងថា«សូមរៀនពីបណ្ដាំរបស់ព្រះ»។ មនុស្សខ្លះក្នុងតំបន់ផ្សាយច្បាស់ជានឹងចូលចិត្តអានអត្ថបទទាំងនេះ តែតាមពិតអត្ថបទទាំងនេះបានត្រូវរៀបចំឡើងដើម្បីពិភាក្សាជាមួយនឹងម្ចាស់ផ្ទះ។
២. តើអត្ថបទថ្មីមានលក្ខណៈអ្វីខ្លះ?
២ លក្ខណៈនៃអត្ថបទ: ចំណងជើងនៃអត្ថបទ និងចំណងជើងតូចជាសំណួរសម្រាប់សួរម្ចាស់ផ្ទះក្នុងអំឡុងការពិភាក្សា។ បទគម្ពីរសំខាន់ៗមិនបានត្រូវដកស្រង់ទេ ដើម្បីឲ្យម្ចាស់ផ្ទះអាចបើកមើលខនោះក្នុងបណ្ដាំរបស់ព្រះ។ វគ្គនីមួយៗគឺខ្លី ដើម្បីឲ្យអ្នកអាចពិភាក្សាជាមួយនឹងម្ចាស់ផ្ទះនៅមាត់ទ្វារតែម្ដង។ អត្ថបទនីមួយៗលើកទឹកចិត្តឲ្យមើលសៀវភៅព្រះគម្ពីរបង្រៀនដើម្បីជួយអ្នកឲ្យប្ដូរទៅសៀវភៅនោះ ពេលដែលសមរម្យ។
៣. ពេលដែលផ្សព្វផ្សាយពីផ្ទះមួយទៅផ្ទះមួយ តើយើងអាចប្រើអត្ថបទថ្មីក្នុងទស្សនាវដ្ដីដើម្បីបង្រៀនគម្ពីរនៅមាត់ទ្វារយ៉ាងដូចម្ដេច?
៣ របៀបប្រើអត្ថបទថ្មី: ពេលដែលអ្នកចង់ជូនទស្សនាវដ្ដី អ្នកអាចសួរសំណួរមួយដែលគួរឲ្យចាប់អារម្មណ៍ស្តីអំពីប្រធាននៃអត្ថបទនោះ។ ជាឧទាហរណ៍ អត្ថបទក្នុងទស្សនាវដ្ដីថ្ងៃទី១ ខែកុម្ភៈ បញ្ជាក់អំពីសារៈសំខាន់នៃគម្ពីរ។ អ្នកអាចសួរថា «តើលោកអ្នកគិតថាគម្ពីរជាបណ្ដាំរបស់ព្រះ ឬគ្រាន់តែជាសៀវភៅល្អមួយប៉ុណ្ណោះ? [ទុកឲ្យគេឆ្លើយ] ខ្ញុំមានព័ត៌មានដ៏គួរឲ្យចាប់អារម្មណ៍ស្តីអំពីរឿងនេះ»។ សូមបង្ហាញសំណួរទី១ រួចអានវគ្គដំបូង ក្រោយមកបើកមើលបទគម្ពីរក្នុងវគ្គនោះ។ បន្ទាប់មក សួរសំណួរទី១ម្ដងទៀត ហើយឲ្យម្ចាស់ផ្ទះបញ្ចេញយោបល់។ សូមពិភាក្សាព័ត៌មានឲ្យបានច្រើនតាមកាលៈទេសៈ ដោយយោងតាមសំណួរដែលមានលេខ។ មុនចេញទៅវិញ សូមបង្ហាញសំណួរលេខបន្ទាប់នោះ ហើយណាត់ជួបគាត់ម្ដងទៀតដើម្បីពិភាក្សាចំណុចនោះ។ សូមត្រឡប់ទៅរាល់សប្ដាហ៍ដើម្បីពិភាក្សាព័ត៌មានថែមទៀតក្នុងអត្ថបទនោះ រហូតដល់អ្នកអាចយកទស្សនាវដ្ដីថ្មីមក។ វិធីមួយទៀត គឺអ្នកអាចសួរម្ចាស់ផ្ទះត្រង់ៗ ស្នើសុំបង្រៀនគម្ពីរដល់គាត់។ រួចមកអ្នកអាចប្រើអត្ថបទក្នុងទស្សនាវដ្ដីដើម្បីបង្ហាញវិធីដែលយើងបង្រៀនគម្ពីរ។
៤. តើយើងអាចប្រើអត្ថបទទាំងនេះយ៉ាងដូចម្ដេចពេលត្រឡប់ទៅជួបអ្នកចាប់អារម្មណ៍?
៤ ម្យ៉ាងទៀត យើងអាចប្រើអត្ថបទថ្មីនោះដោយប្រសិទ្ធភាព ពេលដែលត្រឡប់ទៅជួបអ្នកចាប់អារម្មណ៍ ឬមួយពេលនិយាយជាមួយនឹងអ្នកដែលទទួលទស្សនាវដ្ដីជាទៀងទាត់។ អ្នកប្រហែលជាគ្រាន់តែនិយាយថា «ទស្សនាវដ្ដីប៉មយាមមានអត្ថបទប្រភេទថ្មី។ ខ្ញុំសូមបង្ហាញលោកអ្នកអំពីវិធីប្រើអត្ថបទនោះ»។ យើងអធិដ្ឋានសុំឲ្យអត្ថបទប្រភេទថ្មីនេះផ្ដល់លទ្ធភាពឲ្យមនុស្សជាច្រើនថែមទៀត «មានចំណេះត្រឹមត្រូវអំពីសេចក្ដីពិត»។—១ធី. ២:៤
-