ចម្រៀងលេខ៧
ព្រះយេហូវ៉ាជាកម្លាំងរបស់យើង
(អេសាយ ១២:២)
១. ឱព្រះយេហូវ៉ាជាកម្លាំងកាយចិត្ត
ជាព្រះសង្គ្រោះយើងខ្ញុំស្រឡាញ់មែនពិត
យើងខ្ញុំជាសាក្សីលោកយើងប្រកាសផ្សាយ
ទោះបីគេស្ដាប់ឬអួតអាងឥតខ្វល់ខ្វាយ។
(បន្ទរ)
ព្រះយេហូវ៉ាលោកជាកម្លាំងចិត្តកាយ
នាមលោកយើងប្រកាសឲ្យឮសុសសាយ
ឱព្រះយេហូវ៉ាខ្លាំងក្លាមហិមា
លោកជាកំពែងយើងខ្ញុំលោកជួយការពារ។
២. យើងដែលបម្រើលោកពេញចិត្តនឹងពន្លឺ
ភ្នែកធ្លាប់ងងឹតក្ដីពិតឥឡូវបានភ្លឺ
ពិនិត្យគម្ពីរយើងអាចឮលោកបង្គាប់
យើងខ្ញុំតាំងចិត្តគាំទ្ររាជ្យលោកយ៉ាងជាប់។
(បន្ទរ)
ព្រះយេហូវ៉ាលោកជាកម្លាំងចិត្តកាយ
នាមលោកយើងប្រកាសឲ្យឮសុសសាយ
ឱព្រះយេហូវ៉ាខ្លាំងក្លាមហិមា
លោកជាកំពែងយើងខ្ញុំលោកជួយការពារ។
៣. ឱព្រះយើងត្រេកអរធ្វើតាមបំណងលោក
ទោះសាថានប្រមាថយើងសុំលោកពឹងជ្រក
ទោះវាប្រល័យយើងខ្ញុំសូមលោកមេត្តា
ជួយយើងស្មោះត្រង់ឲ្យរាជ្យលោកបានថ្លៃថ្លា។
(បន្ទរ)
ព្រះយេហូវ៉ាលោកជាកម្លាំងចិត្តកាយ
នាមលោកយើងប្រកាសឲ្យឮសុសសាយ
ឱព្រះយេហូវ៉ាខ្លាំងក្លាមហិមា
លោកជាកំពែងយើងខ្ញុំលោកជួយការពារ៕
(សូមពិនិត្យបន្ថែម ២សាំ. ២២:៣; ចសព. ១៨:២; អេ. ៤៣:១២)