ចម្រៀងលេខ១៤២
ចូររក្សាសេចក្ដីសង្ឃឹមជានិច្ច
(ហេប្រឺ ៦:១៨, ១៩)
១. អស់កាលយូរលុងមនុស្សស្ថិតក្នុងភាពងងឹតសូន្យ
ដូចដេញចាប់ខ្យល់ជីវិតគេឥតន័យខ្លឹមសារ
ហើយដោយសារមនុស្សគ្រប់ប្រាណមានភាពខុសឆ្គង
ពួកគេមិនអាចជួយសង្គ្រោះអ្នកណា។
(បន្ទរ)
ចូរច្រៀងដោយអរព្រះនឹងគ្រប់គ្រងផែនដី
អំណាចនៃបុត្រព្រះនាំឲ្យយើងបានសេរី
លោកនឹងបំបាត់ការអាក្រក់ឲ្យសូន្យសាប
ក្ដីសង្ឃឹមនេះជួយយើងស៊ូទ្រាំជាដរាប។
២. ចូរយើងផ្សាយប្រាប់ថា៖ «ថ្ងៃរបស់ព្រះជិតដល់ហើយ!»
នឹងលែងមានអ្នកដែលសួរព្រះថា៖«តើពេលណា?»
លោកនឹងរំដោះអស់អ្នកដែលស្រែកថ្ងូរឈឺចាប់
ចូរព្រមគ្នាច្រៀងសរសើរព្រះខ្លាំងក្លា។
(បន្ទរ)
ចូរច្រៀងដោយអរព្រះនឹងគ្រប់គ្រងផែនដី
អំណាចនៃបុត្រព្រះនាំឲ្យយើងបានសេរី
លោកនឹងបំបាត់ការអាក្រក់ឲ្យសូន្យសាប
ក្ដីសង្ឃឹមនេះជួយយើងស៊ូទ្រាំជាដរាប៕
(សូមពិនិត្យបន្ថែម ចសព. ២៧:១៤; អទ. ១:១៤; យ៉ូល. ២:១; ហាប. ១:២, ៣; រ៉ូម ៨:២២)