ចម្រៀងលេខ៣៦
យើងការពារចិត្ត
(សុភាសិត ៤:២៣)
១. យើងការពារចិត្តឲ្យបានជីវិត
យើងជៀសចេញផ្លូវខុសឆ្គង
ព្រះជ្រាបអ្វីក្នុងជម្រៅចិន្ដា
ស្គាល់ធាតុពិតយើងខ្ញុំផង
ជួនជាចិត្តយើងបញ្ឆោតគំនិត
នាំយើងដើរផ្លូវវៀចវេរ
ចូរឲ្យគំនិតដឹកនាំចិន្ដា
តាមមាគ៌ាព្រះឥតរេ។
២. រៀបចំចិន្ដាយើងស្វែងរកព្រះ
ដោយអធិដ្ឋានយ៉ាងស្មោះ
យើងសរសើរអរគុណលោករាល់ថ្ងៃ
ជម្រាបកង្វល់ទាំងអស់
បណ្ដាំរបស់ព្រះយេហូវ៉ា
យើងស្ដាប់តាមឥតភ្លាំងភ្លេច
យើងអប់រំឲ្យមានចិត្តភក្ដី
ឲ្យលោកពេញចិត្តជានិច្ច។
៣. យើងការពារចិត្តកុំឲ្យសៅហ្មង
គិតតែពីអ្វីពិតត្រង់
ឲ្យបណ្ដាំព្រះកែប្រែចិន្ដា
ពង្រឹងកម្លាំងយើងផង
ព្រះស្រឡាញ់អ្នកស្មោះត្រង់នឹងលោក
ពាក្យនោះប្រាកដមែនពិត
យើងនឹងគោរពព្រះអស់ពីចិត្ត
ទុកលោកជាមិត្តស្នាលស្និទ្ធ៕
(សូមពិនិត្យបន្ថែម ចសព. ៣៤:១; ភី. ៤:៨; ១ពេ. ៣:៤)