ចម្រៀងលេខ៣៣
ចូរផ្ទេរបន្ទុកទៅលើព្រះយេហូវ៉ា
១. ឱព្រះសូមស្ដាប់ខ្ញុំអធិដ្ឋាន
សូមឲ្យខ្ញុំរកលោកឃើញផង
ខ្ញុំកើតទុក្ខយ៉ាងខ្លាំងក្នុងចិន្ដា
សូមជួយខ្ញុំឥតព្រួយសៅហ្មង។
(បន្ទរ)
ផ្ទេរបន្ទុកទៅព្រះយេហូវ៉ា
លោកនឹងគាំទ្រសង្គ្រោះអ្នកមិនខាន
លោកតែងការពារយើងគ្រប់កាយា
យើងអាចទុកចិត្តលើលោកបាន។
២. ប្រសិនបើខ្ញុំមានស្លាបដូចព្រាប
ខ្ញុំនឹងហោះហើរឲ្យផុតគ្រោះ
រួចពីអ្នកប៉ុនប៉ងធ្វើបាបខ្ញុំ
កុំឲ្យខ្ញុំឮពាក្យគំរោះ។
(បន្ទរ)
ផ្ទេរបន្ទុកទៅព្រះយេហូវ៉ា
លោកនឹងគាំទ្រសង្គ្រោះអ្នកមិនខាន
លោកតែងការពារយើងគ្រប់កាយា
យើងអាចទុកចិត្តលើលោកបាន។
៣. ការសម្រាលទុក្ខពីយេហូវ៉ា
ជួយយើងមានចិត្តសុខសាន្តក្រៃ
ព្រះនឹងជួយយើងរែកបន្ទុកយើង
លោកមានក្ដីស្រឡាញ់ថ្លាថ្លៃ។
(បន្ទរ)
ផ្ទេរបន្ទុកទៅព្រះយេហូវ៉ា
លោកនឹងគាំទ្រសង្គ្រោះអ្នកមិនខាន
លោកតែងការពារយើងគ្រប់កាយា
យើងអាចទុកចិត្តលើលោកបាន៕
(សូមពិនិត្យបន្ថែម ចសព. ២២:៥; ៣១:១-២៤)