ចម្រៀងលេខ៩៥
ពន្លឺសេចក្ដីពិតកាន់តែភ្លឺឡើង
(សុភាសិត ៤:១៨)
១. អ្នកប្រកាសទំនាយតែងចង់ដឹងអំពីគ្រិស្ត
លោកជាក្ដីសង្ឃឹមមនុស្សទាំងឡាយ
ព្រះបានជួយបំភ្លឺឲ្យយល់អំពីមេស្ស៊ី
ថាលោកនឹងមកសង្គ្រោះមនុស្សហើយ
ឥឡូវគ្រាមេស្ស៊ីត្រូវគ្រប់គ្រងមកដល់ហើយ
សញ្ញាសម្គាល់យើងឃើញហូរហែ
យើងពិតជាត្រេកអរដោយបានដឹងពីការនេះ
ទេវតាទាំងឡាយក៏ចង់ដឹងដែរ!
(បន្ទរ)
ឥឡូវផ្លូវយើងដើរកាន់តែភ្លឺឡើង
យើងដើរក្នុងពន្លឺភ្លឺត្រចះ
ចូរស្ដាប់អ្វីព្រះកំពុងបង្រៀនយើង
លោកដឹកនាំយើងឲ្យស្គាល់ផ្លូវច្បាស់។
២. លោកម្ចាស់យើងបានតាំងខ្ញុំបម្រើដ៏ស្មោះត្រង់
ឲ្យចែកអាហារដល់យើងតាមត្រូវការ
ពន្លឺសេចក្ដីពិតកាន់តែភ្លឺឡើងរាល់ថ្ងៃ
ដាស់តឿនគំនិតនិងជំរុញចិន្ដា
យើងស្គាល់ផ្លូវយ៉ាងច្បាស់បោះជំហានដោយជឿជាក់
យើងដើរក្នុងពន្លឺភ្លឺដូចថ្ងៃ
អរគុណព្រះយេហូវ៉ាដែលផ្ដល់សេចក្ដីពិត
យើងខ្ញុំចង់ដើរតាមព្រះយើងពេកក្រៃ។
(បន្ទរ)
ឥឡូវផ្លូវយើងដើរកាន់តែភ្លឺឡើង
យើងដើរក្នុងពន្លឺភ្លឺត្រចះ
ចូរស្ដាប់អ្វីព្រះកំពុងបង្រៀនយើង
លោកដឹកនាំយើងឲ្យស្គាល់ផ្លូវច្បាស់៕
(សូមពិនិត្យបន្ថែម រ៉ូម ៨:២២; ១កូ. ២:១០; ១ពេ. ១:១២)