ប្រអប់ការពន្យល់បន្ថែម ១៨ក
ព្រះយេហូវ៉ាព្រមានអំពីសង្គ្រាមដ៏ធំនៅថ្ងៃខាងមុខ
គម្ពីរមានទំនាយជាច្រើនដែលព្រមានអំពីសង្គ្រាមដ៏ធំផ្ដាច់ព្រ័ត្រ ដែលបង្ហាញថាព្រះយេហូវ៉ានឹងបំផ្លាញពួកអ្នកដែលប្រឆាំងលោកនិងរាស្ត្ររបស់លោក។ ទំនាយខ្លះបានត្រូវរៀបរាប់នៅខាងក្រោម។ សូមកត់សម្គាល់លក្ខណៈស្រដៀងគ្នាក្នុងទំនាយទាំងនោះស្ដីអំពីការព្រមានពីព្រះ ហើយសូមកត់សម្គាល់ថាព្រះយេហូវ៉ាបានធ្វើឲ្យប្រាកដថាមនុស្សជាតិទាំងអស់មានឱកាសឮការព្រមាននោះ ហើយធ្វើតាមការព្រមាននោះ។
គ្រាអ៊ីស្រាអែលសម័យបុរាណ
អេសេគាល: «ព្រះយេហូវ៉ាជាម្ចាស់ដ៏ឧត្ដមបំផុតប្រកាសថា៖ ‹ខ្ញុំនឹងចាត់ដាវមួយឲ្យមកទាស់នឹងកូកនៅលើភ្នំទាំងប៉ុន្មានរបស់ខ្ញុំ›»។—អេគ. ៣៨:១៨-២៣
យេរេមា: «[ព្រះយេហូវ៉ា]នឹងវិនិច្ឆ័យទោសមនុស្សជាតិទាំងឡាយដោយខ្លួនលោកផ្ទាល់ ហើយនឹងប្រហារមនុស្សទុច្ចរិតដោយដាវ»។—យេ. ២៥:៣១-៣៣
ដានីយ៉ែល: «ព្រះនៃស្ថានសួគ៌នឹងតាំងរាជាណាចក្រមួយឡើងដែលនឹង . . . បំបាក់បំបែក ថែមទាំងកម្ទេចរាជាណាចក្រទាំងអស់នោះឲ្យសាបសូន្យទៅ»។—ដាន. ២:៤៤
សតវត្សរ៍ទី១ គ.ស.
លោកយេស៊ូ: «នឹងមានទុក្ខវេទនាជាខ្លាំង ដែលមិនធ្លាប់មានតាំងពីកំណើតពិភពលោក»។—ម៉ាថ. ២៤:២១, ២២
ប៉ូល: «[លោក]យេស៊ូ . . . ជាមួយនឹងបណ្ដាទេវតាខ្លាំងក្លារបស់លោក . . . នឹងសងសឹកចំពោះពួកអ្នកដែលមិនស្គាល់ព្រះ»។—២ថែ. ១:៦-៩
ពេត្រុស: «ថ្ងៃរបស់ព្រះយេហូវ៉ានឹងមកដូចជាចោរ . . . ឯផែនដីនិងអ្វីៗនៅផែនដីនឹងត្រូវភ្លើងឆេះ»។—២ពេ. ៣:១០
យ៉ូហាន: «មានដាវវែងមួយយ៉ាងមុតចេញពីមាត់របស់លោក[យេស៊ូ] ដើម្បីឲ្យលោកប្រហារប្រជាជាតិនានា»។—បប. ១៩:១១-១៨
សម័យយើង
គម្ពីរបានត្រូវបកប្រែជាច្រើនភាសា និងបានត្រូវចែកចាយច្រើនជាងគេបំផុត
អ្នកបម្រើព្រះយេហូវ៉ានៅសម័យយើង . . .
ចែកចាយអស់រាប់ពាន់លានក្បាលនូវសៀវភៅផ្សេងៗមានមូលដ្ឋានក្នុងគម្ពីរដែលមានរាប់រយភាសា
ចំណាយរាប់រយលានម៉ោងជារៀងរាល់ឆ្នាំក្នុងការផ្សព្វផ្សាយ