យោបល់សម្រាប់សិក្សា
ការបង្ហាញចិត្តក្លាហានទោះជារងសម្ពាធក្ដី
សូមអាន យេរេមា ៣៨:១-១៣ដើម្បីរៀនអំពីចិត្តក្លាហានរបស់អ្នកប្រកាសទំនាយយេរេមានិងមន្ត្រីអ៊ីបេតមេលេក។
ចូរពិចារណាអំពីបរិបទ។ ហេតុអ្វីយេរេមាត្រូវមានចិត្តក្លាហានដើម្បីប្រាប់អ្នកឯទៀតអំពីដំណឹងពីព្រះយេហូវ៉ា? (យេ. ២៧:១២-១៤; ២៨:១៥-១៧; ៣៧:៦-១០) តើពួកគេមានប្រតិកម្មយ៉ាងណា?—យេ. ៣៧:១៥, ១៦
ចូរធ្វើការស្រាវជ្រាវថែមទៀត។ តើយេរេមារងសម្ពាធអ្វី? (mwbr១៧.០៤ ទំ.២) សូមស្វែងរកព័ត៌មានអំពីអណ្ដូងនៅសម័យបុរាណ។ តើយេរេមាប្រហែលជាមានអារម្មណ៍យ៉ាងណាពេលគាត់នៅក្នុងអណ្ដូងភក់? តើអ៊ីបេតមេលេកប្រហែលជាត្រូវយកឈ្នះការភ័យខ្លាចអ្វីខ្លះ?—mwbr១៧.០៥ ទំ.២
ចូរគិតអំពីអ្វីដែលអ្នកបានរៀន។ សូមសួរខ្លួនដូចតទៅនេះ៖
‹តើកំណត់ហេតុនេះបង្រៀនខ្ញុំអ្វីអំពីរបៀបដែលព្រះយេហូវ៉ាការពារអ្នកបម្រើដ៏ស្មោះត្រង់របស់លោក?›។ (ចសព. ៩៧:១០; យេ. ៣៩:១៥-១៨)
‹តើខ្ញុំនឹងត្រូវបង្ហាញចិត្តក្លាហានក្នុងស្ថានភាពអ្វីខ្លះ?›។
‹តើតាមរបៀបណាខ្ញុំអាចមានចិត្តក្លាហានកាន់តែខ្លាំងឡើងដើម្បីធ្វើអ្វីដែលត្រឹមត្រូវ ទោះជារងសម្ពាធក្ដី?›។(w០៦ ១/១០ ទំ. ២២-២៣ វ. ១៦-២០)a
a ដើម្បីបានព័ត៌មានថែមទៀត សូមមើលអត្ថបទ«យោបល់សម្រាប់សិក្សា» ក្នុងទស្សនាវដ្ដីប៉មយាម ខែកក្កដា ឆ្នាំ២០២៣។