យោបល់សម្រាប់សិក្សា
ចូរទទួលប្រយោជន៍ពីបទគម្ពីរយោង
បទគម្ពីរយោងក្នុងគម្ពីរបរិសុទ្ធសេចក្ដីបកប្រែពិភពលោកថ្មីបង្ហាញថា ខគម្ពីរក្នុងគម្ពីរមានភាពស្របគ្នា។ បទគម្ពីរយោងទាំងនោះបង្ហាញអំពីខគម្ពីរផ្សេងទៀតដែលមានព័ត៌មានបន្ថែម។ ដើម្បីរកឃើញបទគម្ពីរយោង ដំបូងសូមមើលអក្សរអង់គ្លេសតូចៗដែលមាននៅក្បែរពាក្យណាមួយ។ ក្រោយមក បើអ្នកប្រើគម្ពីរដែលជាឯកសារបោះពុម្ព សូមរកអក្សរអង់គ្លេសតូចៗនោះនៅចន្លោះកណ្ដាលគម្ពីរ។ នៅគេហទំព័រjw.org/km ឬនៅក្នុងកម្មវិធីJWបណ្ណាល័យ សូមចុចលើអក្សរអង់គ្លេសតូចៗដែលនៅក្បែរពាក្យណាមួយដើម្បីមើលបទគម្ពីរយោង។
បទគម្ពីរយោងប្រហែលជាភ្ជាប់ទៅព័ត៌មានផ្សេងៗដូចតទៅនេះ ហើយមានច្រើនជាងនេះទៅទៀត៖
កំណត់ហេតុដែលស្របគ្នា៖ បទគម្ពីរយោងនឹងនាំទៅកំណត់ហេតុផ្សេងទៀតដែលមានព្រឹត្តិការណ៍ដូចគ្នា។ ជាឧទាហរណ៍ សូមមើលសាំយូអែលទី២ ២៤:១ និងប្រវត្តិហេតុទី១ ២១:១។
ពាក្យដកស្រង់៖ បទគម្ពីរយោងបង្ហាញថាឃ្លាណាមួយមានប្រភពមកពីណា។ ជាឧទាហរណ៍ សូមមើលម៉ាថាយ ៤:៤ និងការបំភ្លឺច្បាប់ ៨:៣។
ការសម្រេចទំនាយ៖ បទគម្ពីរយោងនឹងភ្ជាប់ទំនាយណាមួយទៅនឹងការសម្រេចនៃទំនាយនោះ។ ជាឧទាហរណ៍ សូមមើលម៉ាថាយ ២១:៥ និងសាការី ៩:៩។