O Tumikanda tua Lungu ni Lembalasa ia Kufuá kua Jezú, a-nda tu Bhana mu Kizuua kia 1 mu Mbeji ia Katanu
1.Tua-nda bhana o tumikanda tua Lembalasa ia Kufuá kua Jezú mu kizuua kiebhi, ni mukonda diahi ku muvu iú tua-nda mateka selu mu ku tu bhana?
1 Tua-nda bhana o tumikanda ku athu, tua lungu ni Lembalasa ia kufuá kua Jezú, kia Sesa mu kizuua kia 1 mu mbeji ia Katanu. O Lembalasa ia kufuá kua Jezú ia-nda bhita mu kizuua kia 26 kia mbeji ia Katanu, kiki kilombolola kuila ki tua-nda tu bhana kála mu mivu ia bhiti kiá, ku muvu iú tua-nda mateka selu. Kiki kia-nda kuatekesa athu oso ku tambula o tumikanda, bhenge-bhenge se o mbambe ia ku boka ia dikota.
2.Ihi ia-nda bhanga o kafunga ka sidivisu phala o jiphange na tambule o tumikanda, phala ku boka mu mbambe ioso?
2 Ku Bhinga ku di Sokejeka: O tufunga a-nda bhana itendelesu ia lungu ni ku bhana o tumikanda mu mbambe mua-nda boka, ni ku tu bhana kua ió kala mu mabhata mâ. Se bhu subhuka tumikanda mu ku zubha o ku boka mu nzo ni nzo, tu tena ku tu bhana kioso ki tu boka mu ikoka. O kafunga ka sidivisu, ua-nda bhanga ioso phala o tumikanda tu kale mu kilunga, bhu kididi kia madivulu phala o jiphange n’a tene ku tu tambula, maji ka-nda tu ta ngó mu kizuua kimoxi kana. Tua tokala ku tambula o tumikanda tua soko phala ku boka mu semana.
3.Ihi i tua tokala o ku di lembalala mu ku bhana o tumikanda?
3 Ihi i Tua-nda Zuela? Ki tu tokala ku zuela kiavulu, se tu bhanga kiki, tua-nda tena ku zuela ni athu avulu. Mu mbandu ia 4 muala ndunge ia ku zuela kioso ki tuia mu bhana o kamukanda mu mbambe ietu. Maji ki tu tokala ku batula o muthu se u tu bhanga ibhuidisu, mba ua mesena kuzuela dingi. Mu ku bhana o tumikanda mu disukilu dia semana, tu tena ué ku bhana o madivulu se kithangana ki bhana. Mu kizuua kia 2 mu mbeji ia Katanu, tua-nda bhana ngó o tumikanda, mu veji dia ku longa o Bibidia.
4.Mukonda diahi tua tokala ku bhana o tumikanda ni ku suína kuoso?
4 Tua mesena kuila kuíza athu avulu mu Lembalasa ia kufuá kua Jezú. A-nda bhanga diskursu dia-nda jimbulula se Jezú nanhi. (1 Kol. 11:26) O diskursu dia-nda jimbulula ué se kiebhi o kufuá kua Jezú ku tu kuatekesa. (Lom. 6:23) Dia-nda jimbulula ué se mukonda diahi tua tokala ku lembalala o kufuá kua Jezú. (Nzu. 17:3) Mukonda dia kiki, tua tokala ku bhanga ioso phala ku bhana o tumikanda ni ku suína kuoso!