Ihi Itwatokala Kubhanga Phala Kutanga o Bibidya Izuwa Yoso?

Mukonda dya kukala ni ima yavulu yakubhanga o kwila kwakubhonzele kya kutanga o Bibidya izuwa yoso? (Josu. 1:8) Se kyene, kayela o jindunge jiji:

• Bhanga kima kitena kukulembalesa. Ta kilembalesu ku mutelembe wé phala kukukwatekesa kulembalala o kithangana kya kutanga o Bibidya izuwa yoso.

• Xisa o Bibidya yé mu kididi kya zukama. Se wene mutanga o Bibidya mu ukexilu wa phaphela, xisa-yu mu kididi kikwanda kubhonza ku imona izuwa yoso.—Mate. 11:18.

• Ivwa o jingalavasá ja kitangelu kya Bibidya. Ivwa o jingalavasá kyoso ki uya ni kubhanga o ikalakalu ya kizuwa ni kizuwa. Phange amwixana Tara, muboki wa thembu yoso, mama we, ukalakala mu usuku, wambe: “O kwivwa o jingalavasá ja Bibidya kyoso ki ngamubhanga o ikalakalu kubhata, kingikwatekesa kutanga o Bibidya izuwa yoso.”

• Kana kweha o kutanga o Bibidya. Se kumoneka kima kikubhangesa kukamba kutanga o Bibidya, bhanga nguzu phala kutanga ne mwene jivelesu jofele ande dya kuzeka. O kutanga izuwa yoso ne mwene jivelesu jofele, kyanda kukwatekesa kyavulu.—1 Ph. 2:2.